بالذمة ده سؤال؟
يعني بعد كل اللي كتبته يتقال كلمة زي دي...بدافع عن ظابط حقير و فاسد
مادام مشاركتي هاتخليني اسمع كلام من النوعية دي فأنا افضل الصمت
ملخص اللي قلته ان في قاضي شغلته يحكم في القضية و نحترم الحكم مش نروح نولع في المديرية و بعدين في المحكمة و القاضي لو الحكم مش علي هوانا...مش عارف ازاي كلامي اتحول لاني بدافع عن ظابط فاسد حقير
و يا رب يولعوا في كل مديريات الامن كلها...مادام الناس عايزة كده انا هاحرق دمي ليه
تصبحوا علي خير
اعذرني بعض الروابط تحوي سباب .. و انا مش عايز باب المنتدي يقفل علي صوابعياقتباس:
ضع الروابط هنا يا عم أحمد ....... عشان الناس كلها تشوف
لكني سارسل لك نسخة من الرسالة الخاصة
و فيها توضيح بالنسبة لاختنا و بنتنا الشهيدة باذن الله اميرة
و هو انها كانت في منزل جارتها و كانوا في البلكونة بيحدفوا بصل و زجاجات مياه للشباب في الشارع
فكان الحكم عليها رصاصة واحدة موجهة للقلب "عقابا علي جريمتها النكراء"
يا جماعه الناس اللى مقتنعه ان الظباط دى كانت بتدافع عن القسم دى غلطانه قسم ايه وبتاع ايه
الظباط كانو بيدافعو على كرامتهم وهيبتهم اللى حسو انها حتروح فى لحظه
الظابط اللى كان حيقع كان حيتنفخ
وعشان كده وائل الكومى لما عرف ان الزخيره قربت تخلص هرب وساب اللى معاه يغطوه
والله اعلم اللى معاه دول حصل فيهم ايه بعد ما الزخيره خلصت
hobiko
احنا دلوقت متفقين ان انسان زى الكومى مش هيدافع عن القسم ومش هيكون موجود فى القسم وهيهرب
طيب
ايه تعليقك اما الناس قببل كدة عملوا مظاهرات عند المحمكة ودخلوا كسروا فيها بسبب اخلاء سبيل مؤقت ليه
اللى هيشوف الفيديو ياريت ياخد باله من
نوعية واشكال الناس اللى واقفة هناك
الهتافات اللى بينادوا بيها - مفيش
اللافتات اللى ماسكينها - مفيش
الراجل دة سمعتة فعلا وحشة جدا مفترى وبتاع رشاوى وحشيش وحاجة تقرف بصراحة
بس هو موجود فى مكان الدايرة الى عهو مسئول عنها من اصعب الدواير فى الاسكندرية
واغلب الى كانو بيهاجموا القسم من المناطق دى وكل الى هما عاوزينة انهم ينتقموا منة او من الشرطة بشكل عام
طبيعى ان المحكمة ماتحاكموش لاانة يعتبر فى حالة دفاع عن النفس وعن القسم الى هو موقع عملة
بس
هو شخصية مش تمام
بس هتعمل اية انا شوفتلة مواقف منيلة بس فى الحالة دى هتتحسب بالشكل دة حتى لو فى فيديو ظاهر فية وشة وهو بيقتل من فوق السطح
هيبقى دفاع عن النفس
دة رئى يحتمل الصواب او الخطأ
هيه الناس متضايقه ليه من حرق الاقسام؟؟؟ ديه تعتبر مراكز القوى للنظام السابق وكان لازم تتحرق على ما أعتقد لو كان واحد من الناس اللى مش عاجبها حرق الاقسام لو كان دخل القسم واتظلم فيه كان اول واحد حيطلع يحرقه
انا عن نفسى شايف ان حرق الاقسام وتعليم الشرطه الأدب كان شىء لابد منه متحسسنيش ان القسم ده كان معمول لخدمتى ده كان ضرره اكتر من نفعه القسم كان بيقنن الجريمه
حرق الاقسام ده اكتر حاجه مفيده للثوره عشان تعلم ظباط الشرطه الحلوين ان كل ظالم اخرته الحرق
الاقسام اتبت من فلوس الشعب مش فلوس الظباط
العربيات بتاعة الشرطة ملك للشعب مش ملك للظباط
وحرق الاقسام فاد الثورة بايه
ولا حاجة
كسر هيبة الشرطة فاد المتظاهرين بايه
ولا حاجة
معتقدش ان فيه واحد نزل علشان يحقق مطالب الثورة راح حرق قسم
والاقسام اللى اتحرقت اغلبها فى مناطق مليان كسر ومخالفة للفانون وحالات تجارة مخدرات وتعدى على الاخرين