السلام عليكم ياشباب
انا م المندرة وعاوز اجيب مساعدين للعربية لان حالتها زفت وحاسس انها بقت ع الحديد وبسمع اصوات غريبة
مين اقرب حد بيبيع واسعارهم اية وهل فى حجات تانية اغيرها مع المساعدين عشان احس بنعومة العربية من تانى ؟
وشكرا مقدما
عرض للطباعة
السلام عليكم ياشباب
انا م المندرة وعاوز اجيب مساعدين للعربية لان حالتها زفت وحاسس انها بقت ع الحديد وبسمع اصوات غريبة
مين اقرب حد بيبيع واسعارهم اية وهل فى حجات تانية اغيرها مع المساعدين عشان احس بنعومة العربية من تانى ؟
وشكرا مقدما
اسأل في الساعة في هناك بتوع استعمال كتير .. شوف كذا واحد و شوف الاسعار و الاحسن
بعد ما تغير المساعدين ربط العفشة و شوف لو محتاجة حاجة تانية تتغير و بعد كدا ظبط زوايا
المساعدين الكورى مونرو ب 400 جنية الأربعة و ال جى ام الأصلى ب 700 جنية
بس لازم الأول بتاع العفشة هو الى يقولك هتغير اية علشان متدفعش فلوس على الفاضى
الاصلى الاتنين الى قدام جى ام من 375 الى 450 الكورى المعفن 220 اوعه تشتريه ركبته ورميته او هات kyp مساعد ممتاز
هات kyp يابانى ...... احسن و انضف حاجة
و بعدية المونرو .....
الاسعار ياشباب اية
وهل موضوع المستعمل دة مضمون وفين فى الساعة بالظبط انا هدخل الساعة من طريق مصطفى كامل اللى فية مصنع سيكلام
وبيعمل فحدود كام
ارجوكم الرد بسرعة
ازاى ال kyp انضف من المونرو ؟؟؟ الكلام ده على اساس ايه ؟؟
المونرو انضف مساعد بيركب للانوس و سواقين التاكسى الشاهين بيركبوه فى عربياتهم عشان بيستحمل
سعر المساعدين 400 جنيه للطقم سواء ءاكان خلفى ام امامى و الاربع مساعدين ب 800 جنيه
طب ما همه بقوا مستعملين خلاص تشتريهم ليه
ياجدعان انتوا بتحيرونى لية
يعنى مفيش حاجة اسمها استعمال خلاص فهمت
اجيب جديد منين واية احسن نوع بالظبط والسعررررررررررر وهل فى فرق بين الامامى والخلفى ف السعر
الاخ الفاضل اكرم :اقتباس:
ياجدعان انتوا بتحيرونى لية
يعنى مفيش حاجة اسمها استعمال خلاص فهمت
اجيب جديد منين واية احسن نوع بالظبط والسعررررررررررر وهل فى فرق بين الامامى والخلفى ف السعر
بعد التحية
ان شاء الله مفيش حيره ولا حاجه سيدتك حتتفضل تروح شارع صلاح الدين وحتاخد الشارع للاخر وقرب متحصل الترام اخر شارع شمال حيقبلك حتخش فيه ( نصيحة اركن في الشارع العمومي وخش الشارع على رجالك ) بعد متخش الشارع ب50 متر كده حتلاقى محل اسمه اطلس موزع معتمد لقطع غيار الدايو والهيونداي وكمان موزع معتمد للمساعدين المونرو حتلاقي عنده مساعدين اللانوس على ما اذكر كان قايلي ان الطقم اللي قدام ب 375 جنيه والطقم اللي ورا ب 350 جنيه او حاجه كده وعلشان تريح دماغك كمان هات طقم بطاحات وكوبايات وبعدين انسى العفشه تماما
ولو في اي استفسار انا في الخدمه
اخوك مصطفى
كنت رحت إنجلترا من فترة .. ورحت مع ابن خالتى هناك للساحة اللى العربيات بتبقة مرمية فيها وهناك أجرنا عربية عدة ب 5 جنيه استرلينى وخلنا علشان نفك شوية قطع غيار... فلاحظت هناك حاجة مهمة جدآ... إنهم خارمين مساعدين العربيات بشنيور علشان ينزلوا الزيت اللى فيه.. يعنى بمعنى تانى بيبوظوا المساعدين... ولما سالت.. قالى الراجل بتاع الساحة ..قالى إن المساعدين دول عنصر أمان فى العربية ومينفعش إنك تاخدهم مستعملين.
أرجو إن الصورة تكون وضحت
تحياتى
م/ أحمد نبيل
اقتباس:
الف شكر ليك يا مصطفى وجزاك الله كل خير
لا شكر على واجب