ناوية اشتري عربية جديدة. المبلغ الي معايا ٧٥٠٠٠

**karimy** · 16-07-2011 05:31 AM

السلام عليكم،
أول مشاركة ليا، ويا رب ماتكسفونيش

أنا إن شاء الله ناوية اشتري عربية جديدة. المبلغ الي معايا ٧٥٠٠٠
أنا كنت عايزة اخد رأيكم ، في ايه أنسب عربية.

أنا دكتورة ، ومشاويري كتير، بس كلها فل قاهرة، وأنا بقالي خمس سنين بسوق دوجان.

اللي عايزاه فل عربية هو:
١ - تكيف
٢ - زجاج كهربا
٣ - بور ستييرينج
٤ - استهلاك معقول لل بنزين
٥ - توكيل كويس ممكن أعتمد عليه (و لو ملهاش توكيل ، يبقى مركز خدمة كويس برضو)
٦ - قطاع غيارأسعارها معقول . أنا مش طالبة إنها تكون رخيصة أوي، بس عال أقل تكون متوفرة يعني.
٧ - مش فارقة معايا العربية هاتشباج أو عادية

مبدئيا، أنا لفيت شوية كدة على الأسعار و شفت العربية إلي تحت ٧٥٠٠٠
١ - لانوس ٢٠١١ فول أوبشن
٢ - بونتو٢٠١١
٣ - أي١٠ ٢٠١١ فل أوبشن
٤ - فرنا ٢٠١١ (فيه أنواع كتير، أنا مش عارفة الفرق بينهم إيه )
٥ - بيكانتو ٢٠١١ فل أوبشن
٦ - بيكانتو ٢٠١٢ (١٣٠٠) ...إللي لسة منزلتش ديه (هل ممكن ينزل منها موديل أقل من ٧٥٠٠٠)
٧ - لوجان٢٠١١ فول أوبشن
٨ - ساندرو ٢٠١١ فل أوبشن

أنا طبعا استبعدت سيلاريو وال سبارك و أي عربية صيني ، عشان ناس نصحوني بلاش منهم أحسن :)

مستنية ردودكم، و شكرا جزيلا

السلام عليكم

**blazer** · 16-07-2011 07:30 AM

انا شايف اللوجان كويسه
عربيه اثبتت كفآئه
بس لو تقدرى تزودى المبلغ سنه بسيطه وتشترى بروتون جين 2 - نيسان صنى مانيوال هيكون افضل بكتير

**abdalah_hashem** · 16-07-2011 10:49 AM

ممكن بروتون ساجا فيها كل اللى انتى طالباة (بس الزجاج الكهربا الاتنين اللى قدام بس , والتوكيل فى ناس اشتكت بس اى ناس راحت مركز خدمة تبع التوكيل تقريبا هنا فى المنتدى وشكروا فية قوى شوفية فى قسم بروتون )
ومن تجربة صديق العربية ممتاااااازة وهو بيسافر بيها كتيييييير قوى وبسم الله ما شاء الله بيشكر فيها قوى

وممكن عندك اللوجان

وممكن الفيات برافو

وممكن لو تعرفى تزودى شوية فعلا وتجيبى صنى يبقى انتى الكسبانة عربية اكبر واقوى واوسع
, والله الموفق والمستعان

**szaalouk** · 16-07-2011 11:01 AM

السلام عليكم
أنا من رأي الأخ اللي بينصح بالصني المانيوال لو فيه امكانيه لكده و بللاش الجين 2 لأنها ناشفه حبتين
لكنها برضه عربيه محترمه جدا .
أما لو ما فيش امكانيات لزياده الميزيانيه المطروحه فأرشح لحضرتك البيكانتو الجديده
و ربنا يوفقك في الأختيار و مبروك مقدما .

**SonaSteel** · 16-07-2011 11:23 AM

المشاركة الأصلية كتبت بواسطة szaalouk

السلام عليكم
أنا من رأي الأخ اللي بينصح بالصني المانيوال لو فيه امكانيه لكده و بللاش الجين 2 لأنها ناشفه حبتين
لكنها برضه عربيه محترمه جدا .
أما لو ما فيش امكانيات لزياده الميزيانيه المطروحه فأرشح لحضرتك البيكانتو الجديده
و ربنا يوفقك في الأختيار و مبروك مقدما .

+11111111111111111111111111111111111
بس بدل البكانتو ... ممكن الساندريو
وانتي بتقولي شغلك كله في القاهرة يبقي هاتي اواتو اريحلك ... ساجا

**alaa7sh** · 16-07-2011 05:44 PM

طبعا ساجا أوتو
محرك ممتاز + صاج قوي + ثبات + أوبشن + أمان + أوتوماتيك

**bero0o0o0** · 16-07-2011 06:21 PM

اعتقد ساجا اوتوماتيك افضل حاجة في حدود السعر المطروح

**M.Alaa92** · 16-07-2011 07:30 PM

حضرتك بتقولى من القاهرة (يعنى الزحمة كلها)
فيبقى الاختيار الاحسن عربية اوتو و ده بينحصر فى
فيرنا 1.6
بيكانتو
ساجا 1.3

من حيث توافر قطع الغيار و اعادة البيع يبقى الفيرنا تكسب ولكن و استهلاكها قليل عن اى 1.6 ف السوق
ف المقابل ثبات مش اوى بعد 120 (يعى مش بتاعت جرى) و التوكيل علية اقاويل مختلفة بس مع انتشارها وانتشار الميكانيكية اللى بيفهمو فيها م بقتش مشكلة خالص. و مفيهاش اى وسيلة امان

البيكانتو عربية هاتش كويسة جدااا و اثبتت كفاءة و التوكيل من التوكيلات المحترمة ف مصر بس الاسعار لسة منزلتش ليها ف حستبعدها لحد م تبان الرؤيا.

الساجا عربية 1.3 يعنى اوفر ف البنزين من الفيرنا و فيها وسائل امان اكتر من الفيرنا بس ف المقابل التوكيل كويس فى فروع و فروع لأ . عدم انتشار السيارة (بتكلم عن اليكس) و ده ميزة و عيب ف نفس الوقت ميزة انك تحسى بالتفرد و عيب اعادة البيع بتبقى تقيلة شوية .

ورائى الشخصى ان حضرتك تركبى عربية فيها وسائل امان لان الامان اهم حاجة