الموضوع: محتاج رأي كل اللي معاه أوبترا ؟؟؟؟ لأني هجيب أتنين

السلام عليكم
انا اخوك محمد شحاته من اسكندرية
انا اشتريت اوبترا 2011 اتوماتيك فى 6/1/2011 وهى دلوقتى معايا بقلها اربعة شهور وعامل بيها 5000 كيلوا وبصراحه هى عربية ممتازه ورائعة ومندمتش انى جبتها اتوماتيك وعاوز اوضح لحضرتك ان الاتوماتيك بتاع الاوبترا مش كورى دة يابانى بتاع التيوتا موديل 99 وعشان تتاكد راجع اهم مواضيع الاوبترا وهتلاقى موضوع يثبت ان الاتوماتيك بتعها يابانى وهتلاقى موضوع كمان بالصور يعرفك طريقة استخدامه وعايز اقولك ان الاتوماتيك دلوقتى افضل من المنوال لظروف الزحام الفظيع الموجود بكل محافظات مصر والله مش هتندم اما بالنسبه لاستهلاك البنزين جوه البلد فى الزحمه بتعمل من 450 الى 480 كيلوا لكل 60 لتر بنزين طبعا بالتسخين كمان لان انا بدور العربية وبسبها تسخن لمدة 5 دقائق كل يوم الصبح ودوة مذكور بالكتالوج عشان الماتور يديك اداء احسن
ومره سفرت بيها من اسكندرية الى طنطا ومن طنطا الى دمياط ومن دمياط الى طنطا ومن طنطا الى اسكندريه عملت بيها 650 كيلوا واخدت منى 55 لتر بنزين بالضبط والسرعه كانت 100 / 120 / 140
طبعا غير الثابات بتاع العربيه على الطريق رائع وفى ناس كتير بتقول عليها انها بعد الاوكتافيا فى الثابات
معلش انا اسف للاطاله

المشاركة الأصلية كتبت بواسطة mshehata500

السلام عليكم
انا اخوك محمد شحاته من اسكندرية
انا اشتريت اوبترا 2011 اتوماتيك فى 6/1/2011 وهى دلوقتى معايا بقلها اربعة شهور وعامل بيها 5000 كيلوا وبصراحه هى عربية ممتازه ورائعة ومندمتش انى جبتها اتوماتيك وعاوز اوضح لحضرتك ان الاتوماتيك بتاع الاوبترا مش كورى دة يابانى بتاع التيوتا موديل 99 وعشان تتاكد راجع اهم مواضيع الاوبترا وهتلاقى موضوع يثبت ان الاتوماتيك بتعها يابانى وهتلاقى موضوع كمان بالصور يعرفك طريقة استخدامه وعايز اقولك ان الاتوماتيك دلوقتى افضل من المنوال لظروف الزحام الفظيع الموجود بكل محافظات مصر والله مش هتندم اما بالنسبه لاستهلاك البنزين جوه البلد فى الزحمه بتعمل من 450 الى 480 كيلوا لكل 60 لتر بنزين طبعا بالتسخين كمان لان انا بدور العربية وبسبها تسخن لمدة 5 دقائق كل يوم الصبح ودوة مذكور بالكتالوج عشان الماتور يديك اداء احسن
ومره سفرت بيها من اسكندرية الى طنطا ومن طنطا الى دمياط ومن دمياط الى طنطا ومن طنطا الى اسكندريه عملت بيها 650 كيلوا واخدت منى 55 لتر بنزين بالضبط والسرعه كانت 100 / 120 / 140
طبعا غير الثابات بتاع العربيه على الطريق رائع وفى ناس كتير بتقول عليها انها بعد الاوكتافيا فى الثابات
معلش انا اسف للاطاله

دة كلام زى الفل يامعالي الباشا وفعلا هى عربية محترمة وتستاهل فلوسها
وربنا يبارك لا اي حد يجبها
بس انا عمتا بفضل المانيوال ودى ازواق وراحة

بص يا باشا من الاخر انا وابن خالي اشترينا عربيتين في نفس الاسبوع انا اشتريت اوبترا 2009 مانيوال اشتريتها مستعملة استعمال خفيف وهوة اشتري صني 2010 اوتو زيرو الكلام ده من سنة تقريبا الصني الي جابها راح بيها التوكيل اكتر من اربع مرات العربية مكانتش عملت 1500 كيلو ولقيناها مش بتعمل اكتر من 120 كيلو في الصفيحة لما راح بيها التوكيل قالوله فيه عيب في طلمبة البنزين وعاوزة تتغير بس للاسف مش موجوده دلوقت واتغيرت في التوكيل بس بعد شهرين ولما اتغيرت الطلمبة الراجل لقي العربية كل ما يدوس فرامل العربية تبطل راحلهم التوكيل تاني قالوله حساس الهواء عاوز يتغير وبرده مش موجود دلوقت المهم فعلا بعدها بشهرين تاني غيروله حساس الهواء بس من ساعتها الراجل مش مستريح للعربية وبيقول حاسس انها مخنوقة وفي سحبها برده مش اد كده بصراحة لدرجة انه بيفكر يبيعها من كتر الزهق منها انا مش عارف هل كل الصني بتنزل فيها عيوب صناعة كده ولا حظ الراجل بتاعنا وحش مش هاقدر افيدك في الموضوع ده بس الاوبترا معايا ماشاء الله ماشية معايا كويس الحمد لله حضرتك ممكن تصلي صلاة استخارة وربنا يختارلك الاصلح وبالتوفيق ان شاء الله