عرض للطباعة
بتكلم علي عربية أكسيل 1500
التكييف كان تمام جدا في العربية وبعد فترة الفريون أتسرب وشحنته فريون والراجل قالي انه فريون ألماني !
انا مصدقتوش وقلتله لو معجبنيش هاخد فلوسي تاني
الحقيقة ... بيسقع في أي وقت وممكن أتعب منه
لدرجة انه ساعات بيخرج زي بخار تلج
بخار التلج ... اللي هو بيخرج من التلاجة لما تفتحها
أبقي سايق وألاقي البخار ده خارج من الفتحات وتحط أيدك تحس انك بتتبل !
والمروحة في الغالب بتبقي 1 أو 2 !
ده كدة من أيه ؟
وده حاجة كويسة ولا وحشة ؟
لا لا دى مصيبه
الحركه دى اتعملت فيا من سنتين والنتيجه حرق الكباس
اللى عمله الحمار ده انه لغى الترموستات وخلاه يشتغل على طول من غير مايفصل!!!
بيسموه (ديركت) يعنى Direct ... الحق روح لواحد بيفهم يصلحه قبل ما يتحرق
انا قعد معايا 6 شهور واتحرق وعرفت ان ده السبب من الراجل التانى اللى صلحه
مع انه بيفصل بس هتأكد تاني
شكرا :)
اعتقد شحن فريون بزيادة.
شحن الفريون مش مظبوط .. على قد معرفتى
هو لعب في حاجة
بس ايه هي والله مش عارف
بس الي أعرفه ان كدة يبقي مش مظبوط ويجب الكشف عند حد متخصص تكييف وليس كهربائي سيارات
والله المستعان
،
،
البخار ده يدل على كفاءة وقوة المكيف وده عادي من رطوبة الجو
متابع
انا رحت لواحد دلوقتي
قالي التكييف تمام مفيهوش حاجة
طاب والبخار ده !
قالي عادي .. مع ان الأوبترا عمرها ما عملتها ومشوفتهاش في عربية قبل كدة !
أظاهر الألمان دول عندهم ضمير .. حتي في الفريون :)
جميييييييييل
اقتباس:
المشاركة الأصلية كتبت بواسطة د.محمود صلاح
لا ياباشا اختلاف معاك دية مش تلاجة
اتاكد ياباشا من السنسور بتاع درجة الحرارة انة تمام
معلش سؤال
هو شحن الفريون المانى بكام ؟؟؟؟؟؟؟
العادي ب 120
الألماني ( وده علي حد قوله ووراني الأنبوبة ) ب 200
طب ما تقولنا الراجل دة فين دة انا بدور على حد بتاع تكييف كويس
هو في بهتيم :)
في الميدان نفسه .. اسمه هيكل
لا طبعا عندك مشكلة !!
أهم شيء انك تتأكد ان الكومبرسور بيفصل - لو بيفصل يبأى الثرموستات تمام ، لو مبيفصلش ممكن يبأى الثرموستات السبب.
لو في تسريب في الفريون ممكن يحصل الموضوع ده برضو - ولو شحن الفريون قليل برضو هيحصل الكلام ده (خد بالك : قليل مش كتير).
أو إنسداد في مواسير الفريون أو expansion valve بايظ.
أو ان الكويل بتاع تلاجة التكيف أصبح بيكون تلج وده عيب مشهور: "evaporator icing"-- وشوية وهتلاقي ريحة مش كويسة أول ما تشغل التكييف-ولو فضلت مشغل التكييف فترة كبيرة التلج هيسد مسار الهوا تماما - وغالبا ده بيحصل لاحد الأسباب اللي فاتت.
وأحيانا خرطوم الفايص لما بيتسد بتتراكم الميه لحد ما تكتر وتتجمد عالتلاجة وتسبب الموضوع ده.
والله أعلم.
شكرا جدا
هروح أكشف عليه تاني عند كذا واحد وربنا يستر
هو اللي مطمني انه مفيش تنتيش والتكييف ساقع
+111111اقتباس:
المشاركة الأصلية كتبت بواسطة د.محمود صلاح
البخار دة تكثف لبخار الماء الموجود في الجو اللي هو يعني الرطوبة
يعنى كده صح ولا غلط
جيو متعرفش اسم الفريون دة ايه ؟
هو وراهوني
بس نسيت خالص
هبقي أروح أشوفه
يا جيو المشكلة مش فى ان الفريون المانى ولا بتنجانى ولا امريكانى حتى هى هتختلف فى درجة النقاوة بتاعتة لاكن التبريد مش هيختلف كتير
انا بتاع الفيس :d فاكر الشنبر هههههه
فاكرك طبعا ههههههه
بس علي فكرة بتفرق ودرجة تأثره بالحرارة والحركات ده
ده اللي فهمته يعني
وهو علي فكرة جامد ومحدش ركب معايا اللا لما علق عالموضوع ده
تبريده سريع وفي أي وقت :)
اقتباس:
المشاركة الأصلية كتبت بواسطة mzeid
لو دة طبيعى ياباشا كان يحصل فى كل العربيات و تبقى ظاهرة معروفة
و التكيفات الاى شغلة على مواتير 4000 سىسى مش بتعمل كدة
يايايايايايايايايايا بخـــــــــــــــــــتك
فى الحر ده
الثلج احسن من السونا قلى الواحد بيبقى فيها
انا كمان التكييف بتاعى بيطلع بخار من فتحات التهويه بعد تغير الخراطيم والسربنتينه وبقاله ثلاث شهور وشغال عادى وصورت البخار وهوة طالع منه والفريون صينى
المووضع ده بسبب شحن الفريون الزياده
اسباب تكون الثلج
1- شحن الفريون ذياده
2- فلتر الهواء بتاع التكييف مسدود
3- ضعف المروحه
للتغلب على الموضوع ده
طبعا بعيد عن النايعيه لما تحس انه فى بخار مياه خلى الدراع بتاه اختيار نوعيه الهواء من داخل السياره اوخارجها فى النص او من الخارج هيدوب الثلج ان شاء الله
باركولي
الكومبريسور طار
اقتباس:
المشاركة الأصلية كتبت بواسطة eng.geo
لاحول ولاقوة الا بالله
لا حولا وقوة الا بالله من ايه ؟ زي ما الإخوة قالوا ولا سبب مختلف ؟
ايه الموضوع ؟
الحقيقة مش عارف السبب أيه
هو أيه أسباب تلفه غير انه مايفصلش في الوقت الصح ( وصل لدرجة الحرارة المطلوبة - ال rpm عالي ) ؟
بسم الله الرحمن الرحيم
لا حول و لا قوة إلا بالله . اللهم أأجرني في مصيبتي و اخلف لي خيرا منها .
الحركة دي حصلت معايا في الاكسيل قبل ما اغير الكباس بشهر ....
ايه حكايه الكباس اليومين دول ؟
الكباس عندي ف الكورولا باظ بردو :d
حاسس ان المشكله من الفريون او شحن زياده او اي عك بيهببه الميكانيكي الي شغال