حقيقة مليونية روكسى ..... و عمرو مصطفى

**otefa** · 16-07-2011 02:42 PM

سيبكو من القشور ألي لا هاتودي ولا تجيب كل ده تضيع وقت ولعب بالنار
شوفو الموضوع ده ورئي مانديلا=رئي الشيخ متولي الشعراوي
والناس تستهدى كده بالله علشان الأنتخابات ألي بعد شهرين تكون حرة ونزيهة وتجيب من يمثل الشعب بحق وحقيقي..........وده وقت الجد ألي المفروض تستكمل فيه الثورة لو تم تزوير الأنتخابات أو اللعب بها أنما ألي بيحصل دلوقتي أسمه طاقة مهدرة سلبياتها أكثر بكثير من أيجابيتها وهاتضر الأجماع الثوري ألي وقت الجد هانحتاجه ممكن مانلاقيهوش
كفاية أعتصامات وأنقسامات وتعطيل لمسيرة الديمقراطية

http://www.nilemotors.net/Nile/233163-a.html

**hobiko** · 16-07-2011 02:43 PM

المشاركة الأصلية كتبت بواسطة a.saad

شوف المشاركة اللى تحت فيها المطالب
هتعرف انها مع مطالب الثورة
لكن اختلاف بعض التوجهات فيها
اختلاف الطريقة

شفت المشاركة ..... بس هو ده الكذب عشان استقطاب المحترمين أمثال حضرتك

هما لما قالوا أنا أسف يا ريس ...... اضربوا على قفاهم

دلوقتى بيستخبوا ورا قايمة مطالب تبان مافيهاش مشكلة ...... بس الحقيقة غرضهم ايه ..... ده باين فى الفيديو

بجد دى أسوأ دعاية للمجلس العسكرى ...... لما يبقى مؤيديه فيهم مجموعة أنا اسف يا ريس

واحد زى اللى اسمه عمرو مصطفى ده ...... اللى عامل أغنية لمبارك ..... ماشى فى المظاهرة هو و حبايبه و اصحابه و قرايبه

معلش مايشرفنيش أقف جمبه بصراحة

**aly_hosny** · 16-07-2011 02:54 PM

باين اوي انهم بتوع انا اسف يا ريس
معتقدش ان في انسان محترم يطلع مظاهرة و هو عارف ان ال هيلقى الخطبة فيهم عمرو مصطفى

زي ما الاخوة قالو هما بتوع انا اسف يا ريس بس غيرو الكلام عشان بدل ما يبقى 20 يبقى 24 نفر

**som3aa** · 16-07-2011 02:55 PM

مبارك فين فى الموضوع :b4_592:

مهو دا التطور الطبيعى للحاجة الساقعة
موضوع اسفين يا ريس دا مش نافع فبيطوروا علشان ناس تنضملهم شوية اسفين يا شفيق مش نافع , شوية اسفين يا مجلس يا عسكرى كدا علشان الناس تنزل تنضم مش اكتر و الله اعلم المرة الجاية اسفين يا مين.

طيب فين فى المطالب دى محاكمة قتلة الشهداء ؟؟؟؟ فين طرد الفاسدين من مناصبهم و خصوصا الوزراء ؟؟
كل همهم يعرفوا مين اللى خد الفلوس بتاعت امريكا ؟ انا معاهم فى الطلب دا بس عايزين نعرف فعلا مبارك كان بياخد من امريكا 2 مليار دولار كل سنة معونات اقتصادية و عسكرية و لا لأ لان امريكا اعلنت كدا برده ؟
عايزين يعرفوا الشهداء ماتوا فين؟ فى شوارع مصر!!!! اللى سوابق او مسجل مش شهيد غير كدا شهيد و انتهينا , ايه مات فين دى
المطالبة بعودة عجلة الانتاج ؟ طلب مهم جدا و العجلة هترجع لما كل المطواطئين يتشالوا من مناصبهم , يعنى هى العجلة دى موقفها مظاهرات يوم الجمعة و لا الناس بتنزل تتفسح ؟ التؤاطؤ من جهات و التباطوء من جهات تانية هى اللى موقفة العجلة.

يا ريت تشريع لوقف الاخبار الكاذبة و معاقبة اللى ينزل اخبار كدا و اللى يطلع على التليفزيون يقول المظاهرة فيها 7000 واحد و هى مكملتش 200 بنى ادم على بعض.

فعلا عايزين نعرف مين اقتحم السجون و ادى اوامر بفتحها لنشر الخوف عند الناس علشان يطلعوا ناس يقولوا عايزين استقرار و الشرطة ترجع تانى باى شروط و قتل الظابط اللى رفض ينفذ!!!

دعم شرفاء الشرطة , يا ريت و محاسبة الفاسدين

**Mohamed.Ramah** · 16-07-2011 02:57 PM

شفتهم امبارح فى روكسى وعددهم لايزيد عن 1000 فرد ولا مليونية ولا اى حجاة من دة كل اللى عاملين نصبين عمدان خشب وستائر بيضا ومبوظين شكل الشارع بوقفتهم فى الجنينة امام سينما روكسى ولا ليهم اى لزمة وحواليهم ضباط جيش وشرطة واقفين يبصو عليهم بس كان عددهم كبير شوية انا مفهمتش هما عاوزين اية اصلا !!! ناس متجمعة بدون هتافات يمكن اللمة دة كلها علشان عمرو مصطفى وفى ناس فكراة حيغنى بس مش اكتر حتى الكلام دة الساعة 12 بليل وانا مشفتوش امبارح بس لو حيغنى انا ممكن انزل ابص علية النهردة بليل : )

**evram** · 16-07-2011 03:01 PM

المشاركة الأصلية كتبت بواسطة mohamed.ramah

شفتهم امبارح فى روكسى وعددهم لايزيد عن 1000 فرد ولا مليونية ولا اى حجاة من دة كل اللى عاملين نصبين عمدان خشب وستائر بيضا ومبوظين شكل الشارع بوقفتهم فى الجنينة امام سينما روكسى ولا ليهم اى لزمة وحواليهم ضباط جيش وشرطة واقفين يبصو عليهم بس كان عددهم كبير شوية انا مفهمتش هما عاوزين اية اصلا !!! ناس متجمعة بدون هتافات يمكن اللمة دة كلها علشان عمرو مصطفى وفى ناس فكراة حيغنى بس مش اكتر حتى الكلام دة الساعة 12 بليل وانا مشفتوش امبارح بس لو حيغنى انا ممكن انزل ابص علية النهردة بليل : )

انا مروحتش روكسي لسة هما اعدين

**Mohamed.Ramah** · 16-07-2011 03:07 PM

المشاركة الأصلية كتبت بواسطة evram

انا مروحتش روكسي لسة هما اعدين

الكلام دة امبارح منزلتش النهردة بس من شكل الحجات اللى عاملينها ومن كلامهم فى الفيديو شكلهم لسة قاعدين

**som3aa** · 16-07-2011 05:05 PM

طيب ما بتوع المجلس الرئاسي برده غيرو من مجلس رئاسي لدماء الشهداء

هما عايزين مجلس رئاسى ليه؟ علشان دماء الشهداء
التانيين عايزين المجلس العسكرى ليه؟ علشان اقل حاجة اقدر اقولها تباطوء فى المحاكمات مش عايز اقول غير كدا!!!
يعنى دول عايزين دماء الشهداء فى الاساس و دول عايزين مبارك فى الاساس بس كل واحد جابها بطريقة تانية