طريقة سهلة لشفط الزيت الزيادة عن المستوى الاقصى للقياس

بسم الله الرحمن الرحيم

انا كان عندى زيادة فى مستوي الزيت بعد عمل صيانة الالف و كنت فى حيرة الى ان وجدت طريقة لشفط الزيت و هى نجيب 70 سم سلك دش اللى هو لونه اسود و بعدين نشد السلك اللى جواه يعنى نفرغ السلك من الخرطوم بتاعه و يفضل لنا الخرطوم الاسود و بعدين نجيب بخاخة من عند اى واحد بتاع ادوات منزلية اللى هى صغيرة الحجم فى حدود 3 جنيه و بعدين نخلع البخاخة اللى بتبخ لوحدها و نركب الخرطوم فى البخاخة و بعد كده نشيل مقياس الزيت و بعدين نحط الخرطوم فى مكان مقياس الزيت و نشفط او نبخ الكمية اللى احانا عايزنها فى زجاجة مياة معدنية فارغة علشان منغرقش المكان و اى خدمة .

والسلام عليكم و رحمة الله و بركاته

تسلم يا أيمن باشا على الافكار البسيطة العمليه
فكرة ممتازة

فكره جميله فعلا بدل فك و حل في طبه الكارتيره

بس زيت لزج و اتقل من الميه ده عشان نشيل 100 مل هنبخ بخ دقيقه متوصله :)

و عليكم السلام و رحمة الله
فكره حلوه
و فيه في المحطه جهاز بيشفط الزيت

اقتباس:

---

المشاركة الأصلية كتبت بواسطة hotride

بس زيت لزج و اتقل من الميه ده عشان نشيل 100 مل هنبخ بخ دقيقه متوصله :)

---

عمر ما الزيت ما يكون اتقل من المياه لان كثافة الزيت اقل من كثافة المياه و الدليل ان الزيت بيطفو على سطح المياه و ان جربت الطريقة ديه و سريعة فعلا و شكرا

حلوة الفكرة قوى الف شكر

فكرة جميلة ياباشا بس مافيش فيها مشاكل يعنى ممكن السلك يتزنق جوة مثلا منهم للة بتوع غبور على فكرة كل العربيات الى فى التوكيل الزيت بتاعها زيادة مش عارف لية

لو سمحتم ياجماعة عاوز رد هل فى مشكلة من دخول السلك فى مقاس الزيت ولا لأ

تسلم إيدك يا باشا........................

اقتباس:

---

المشاركة الأصلية كتبت بواسطة semsem7222

فكرة جميلة ياباشا بس مافيش فيها مشاكل يعنى ممكن السلك يتزنق جوة مثلا منهم لله بتوع غبور على فكرة كل العربيات الى فى التوكيل الزيت بتاعها زيادة مش عارف لية

---

هو مش سلك هو خرطوم مطاطى و مش بيتزنق لان قطره اصغر كتير من فتحة المقياس و فعلا التوكيل بييزود مش عارف ليه مع ان المفروض الزيت يكون اقل من الحد الاقصى بحوالى نصف سنتى

اقتباس:

---

المشاركة الأصلية كتبت بواسطة semsem7222

لو سمحتم ياجماعة عاوز رد هل فى مشكلة من دخول السلك فى مقاس الزيت ولا لأ

---

ما فيش مشكلة ان شاء الله لان ده اللى هو نفس فكرة الشفط فى المحطة و الله اعلم و ممكن الاعضاء يفيدوك

اقتباس:

---

المشاركة الأصلية كتبت بواسطة aymanshebl

عمر ما الزيت ما يكون اتقل من المياه لان كثافة الزيت اقل من كثافة المياه و الدليل ان الزيت بيطفو على سطح المياه و ان جربت الطريقة ديه و سريعة فعلا و شكرا

---

كثافة الزيت اقل من كثافة المياه .. فعلا
لكن لزوجه الزيت بتختلف حسب النوع وممكن الزيوت ذات اللزوجه العاليه تبقى صعبه في تطبيق الفكره اللي في الموضوع

اقتباس:

---

المشاركة الأصلية كتبت بواسطة spd

كثافة الزيت اقل من كثافة المياه .. فعلا
لكن لزوجه الزيت بتختلف حسب النوع وممكن الزيوت ذات اللزوجه العاليه تبقى صعبه في تطبيق الفكره اللي في الموضوع

---

الحقيقة انا طبقت الطريقة دى و عملية فعلا و سهلة و كثافة الزيت الخفيفة عن الماء بتساعد على الشفط و اللزوجة مش بتزحلق الزيت انه يرجع تانى

فكرة ممتازة

بارك الله فيك

شكرا على الفكرة :satelite:الواحد كان محتار اوى فى الزيت الزيادة

سلك الدش الاسود عبارة عن انبوب مطاطى اسود و بعدين شبكة الالمونيل و بعدين سلك رفيع مغلف بالبلاستك احنا نقطع مسافة 60 سم من سلك الدش و بعدين هنعرى السلك مسافة تقريبا بتاع عشرة سنتى بحيث يبان السلك المونيل و السلك الرفيع المغلف و نشد بزرادية السك المتعرى كله من الانبوب المطاطى هنلاقى الانبوب انفصل عن السلوك كلها و ننفخ فى الانبوب لتخلص من اى سلوك رفيعة من المونيا ان وجدت و ممكن واحد يكون بيمسكلك السك و انت بطلعه و بعدين نجيب راس البخاخة بالخرطوم بتاعها اللى هو عند اى محل ادوات منزلية ب 3 او 4 جنيه (الحجم الصغير) و نتاكد من احكام ماسورة البخاخة بها و بعدين نركب الخرطوم اللى لسه عملينه حالا و ندخله فى انبوبة البخاخة بحيث انه هيلبس فيها من برة مش هيدخل جوه انبوب البخاخة و نهوى راس البخاخة بحيث انه يدى بخ على هيئة مسدس مياه و ليس بخاخات او رذاذ و بعد كده نشيل مقياس الزبت و ندخل الانبوب بعد التاكد من احكام الانابيب على بعض و نجيب زجاجة مياة معدنية و ندخل راس البخاخة فيه علشان الزيت ميبهدلش المكان و نبدا العمل فى سحب الكمية المرغوبة و يجب التاكد من وصول الخرطوم الى الزيت حتى يتم الشفط و كمان نصبر فى الاول ثانية او اتنين على ما البخاخة يشفط الزيت لانه فى الاول بيشفط هواء من الانابيب اللى هو موجود فيها اصلا ثم بعد ذلك نجد الزيت و قد بدا فى الشفط و شكرا

فكرة ممتازة

جزاك الله خيرا

بعدين نركب الخرطوم اللى لسه عملينه حالا و ندخله فى انبوبة البخاخة بحيث انه هيلبس فيها من برة مش هيدخل جوه انبوب البخاخة



ممكن تشرح لى الحتة دى بس علشان مش متخيلها كويس

اقتباس:

---

المشاركة الأصلية كتبت بواسطة mesaharaty

بعدين نركب الخرطوم اللى لسه عملينه حالا و ندخله فى انبوبة البخاخة بحيث انه هيلبس فيها من برة مش هيدخل جوه انبوب البخاخة



ممكن تشرح لى الحتة دى بس علشان مش متخيلها كويس

---

احنا عندنا الخرطوم الاسود بتاع سلك الدش اللى لسه مفرغينه من السلوك و عندنا انبوبة البخاخة اللى هى بتيجى معها و نلبس الاتنين فى بعض عن طريق الكبس و الحشر فى بعضهم و ارجو انى اكون و ضحت الفكرة.

وضحت وجزاك الله كل خير

اقتباس:

---

المشاركة الأصلية كتبت بواسطة semsem7222

لو سمحتم ياجماعة عاوز رد هل فى مشكلة من دخول السلك فى مقاس الزيت ولا لأ

---

لو حاسس انها هتبقي مشكلة وخايف يتزنق جوا هات سلك كهرباء 2مم

والله المستعان
،
،

فى حل احسن انك تجيب انبوبة بتاعة الجلوكوز
وممكن تجيب حقنة كبيرة تشفط بيها

وممكن تقلب العربية علي سقفها وتنزل الزيت الزيادة

افكار ممتازة

معلش سؤال جانبي لولبي :

هو في خطورة لو الزيت كان زيادة عن ال Max ........
أصل أخر مرة وأنا بغير زيت العامل ف البنزينة قالي أنت معودها علي 3.5 ولا 4 ( هههههههههههه هو بالتعود ولا إيه ) وأنا أول مرة حد يسألني السؤال ده مع إني بسوق بقالي سنين بس كل مرة كانو بيحطو من سكات ....
أنا طبعا مش عارف المهم قولتله بقولك إيه إعمل اللي أنت عاوزة أنا مستعجل ( كنت مستعجل فعلا بس مش ده سبب الرد أنا بستهبل طبعا مهو أنا مش عارف أقوله ايه :whtauwant: )
وهو حط 4 بس وكنت مسافر ومستعجل ومفيش وقت أبص ع المستوي بس حاسس إنه هيطلع زيادة ... مجرد إحساس ...

اقتباس:

---

المشاركة الأصلية كتبت بواسطة taiwo

معلش سؤال جانبي لولبي :

هو في خطورة لو الزيت كان زيادة عن ال max ........
أصل أخر مرة وأنا بغير زيت العامل ف البنزينة قالي أنت معودها علي 3.5 ولا 4 ( هههههههههههه هو بالتعود ولا إيه ) وأنا أول مرة حد يسألني السؤال ده مع إني بسوق بقالي سنين بس كل مرة كانو بيحطو من سكات ....
أنا طبعا مش عارف المهم قولتله بقولك إيه إعمل اللي أنت عاوزة أنا مستعجل ( كنت مستعجل فعلا بس مش ده سبب الرد أنا بستهبل طبعا مهو أنا مش عارف أقوله ايه :whtauwant: )
وهو حط 4 بس وكنت مسافر ومستعجل ومفيش وقت أبص ع المستوي بس حاسس إنه هيطلع زيادة ... مجرد إحساس ...

---

هو طبعا 4 كتير جدا حوالى اكتر من نصف لتر زيادة عن الحد الاقصى لحيز الزيت فى الموتور فبياثر على الاويل سيل و البوجيهات لو موضوع الزيادة متكرر و متساب على فترات كبيرة , ده غير انى فى عربيتى كنت بشم رائحة زيت من الموتور و بعد الظبط اختفت هذه الرائحة و عادت الامور الى طبيعتها مع ان الزيادة كانت حوالى اقل من سنتى تقريبا .

اقتباس:

---

المشاركة الأصلية كتبت بواسطة aymanshebl

هو طبعا 4 كتير جدا حوالى اكتر من نصف لتر زيادة عن الحد الاقصى لحيز الزيت فى الموتور فبياثر على الاويل سيل و البوجيهات لو موضوع الزيادة متكرر و متساب على فترات كبيرة , ده غير انى فى عربيتى كنت بشم رائحة زيت من الموتور و بعد الظبط اختفت هذه الرائحة و عادت الامور الى طبيعتها مع ان الزيادة كانت حوالى اقل من سنتى تقريبا .

---

مشكور يافندم علي الرد .... يعني هي المفروض تكون 3.5 أصل أنا قلت هما أكيد عاملين العبوة علي قد العربيات والعبوة بتكون 4 ...

اللي اعرفه ان الزيت ده بيكون واقف في الكارتيره والطرمبه بتسحب منه يطلع فوق خالص و ينزل ويتسحب غيره وهكذا إيه الضرر لما يبقي بزياده شويه زيت واقفين تحت ؟

وهيأثر علي الأويل سيل ازاي ؟ ماهو طول ما العربيه دايره هو كده كده بيتعرض للزيت ودي وظيفته انه يمنع تسرب الزيت من الأماكن اللي فيها حركه

اقتباس:

---

المشاركة الأصلية كتبت بواسطة pro_samir

اللي اعرفه ان الزيت ده بيكون واقف في الكارتيره والطرمبه بتسحب منه يطلع فوق خالص و ينزل ويتسحب غيره وهكذا إيه الضرر لما يبقي بزياده شويه زيت واقفين تحت ؟

وهيأثر علي الأويل سيل ازاي ؟ ماهو طول ما العربيه دايره هو كده كده بيتعرض للزيت ودي وظيفته انه يمنع تسرب الزيت من الأماكن اللي فيها حركه

---

الاخ الكريم

غلط إن الزيت يكون زياده
و ياريت تشوف الموضوعات ديه

http://www.nilemotors.net/Nile/222386-a.html
http://www.nilemotors.net/Nile/165212-a.html
http://www.nilemotors.net/Nile/127495-a.html
http://www.nilemotors.net/Nile/118694-a.html





و ده على سبيل المثال و ليس الحصر

و اخيرا الزيت مش زى ما انت فاكر بيبقى راكد و الطرمبة بتسحب منه فقط ده لو شبهنها مجازا بخلاط و مليته لحد الاخر و شغلته و انت مش قافل الغطا كويس هيحصل ايه ؟؟ السائل اللى جوه الخلاط هيخرج بره (مش هيكون المستوى بتاع السائل ثابت و الخلاط بيسحب الجزء اللى هو عاوزه و الباقى فى قاع الخلاط راكد؟!) هو ده اللى بيحصل للاويل سيل من كتر الضغط عليه من الزيت الزيادة بيهرب الى حجرة الإحتراق و يتحرق مع البنزين و يبوظ بوجيهات و حريق العربيه ميكنش في أفضل صوره و غيره و ارجو انى اكون افدتك

بجد فكرة كويسة جدا - مشكور علي افكار

جزاك الله خيرا و بارك الله فيك الفكرة حلوة جدا و سهلة

طريقه جميله جدااا شكرااا لحضرتك

تسلم الايادى

انا النهاردة صورت الشفاط و هو عبارة عن خرطوم اسود 75 سم و الخرطوم بتاع الشفاط 10 سم اجمالى الطول تقريبا 85 سم و الخرطومين داخلين جو بعض زى ما انتم شايفين و ممكن تقصير الخرطوم الاسود حسب مسافة وصوله للكارتيره و اتمنى انى اكون افدت الزملاء و شكرا و كل عام و انتم بخير

مع الصورة..................



[aldl]http://img109.imageshack.us/img109/6614/testoil.jpg[/aldl]

والله ده إختراع مش بس فكرة تسلم إيدك