الخرطوم المطاطى بيخش عادى و مش بيتزنق لان قطره اصغر كتير من فتحة المقياس وما فيش مشاكل منها
طب تمام و الله يعنى هو انا ممكن اشيل شويه زيت و احط حبه تانيين قدهم علشان ازود اللزوجه شويه ولا كده غلط ؟؟؟؟
طبعا غلط
غير الزيت فى معاده و بلاش موضوع التزويد
اتفرج على دول
‪What Happens When You Don't Change Your Oil Part 1‬‏ - YouTube
‪What Happens When You Don't Change Your Oil Part 2‬‏ - YouTube
جزاك الله خيرا
فكره جميله الواحد كان فى حيره من الموضوع ده تسلم ياكبير
شكرا ليكم يا جماعة على الردود و اهم حاجة ان الناس تستفيد و زى ما انا استفدت من المنتدى الجميل ده بناسه لازم الواحد يفيد الناس برده و شكرا ليكم
سلك الدش الاسود عبارة عن انبوب مطاطى اسود و بعدين شبكة الالمونيل و بعدين سلك رفيع مغلف بالبلاستك احنا نقطع مسافة 60 سم من سلك الدش و بعدين هنعرى السلك مسافة تقريبا بتاع عشرة سنتى بحيث يبان السلك المونيل و السلك الرفيع المغلف و نشد بزرادية السك المتعرى كله من الانبوب المطاطى هنلاقى الانبوب انفصل عن السلوك كلها و ننفخ فى الانبوب لتخلص من اى سلوك رفيعة من المونيا ان وجدت و ممكن واحد يكون بيمسكلك السك و انت بطلعه و بعدين نجيب راس البخاخة بالخرطوم بتاعها اللى هو عند اى محل ادوات منزلية ب 3 او 4 جنيه (الحجم الصغير) و نتاكد من احكام ماسورة البخاخة بها و بعدين نركب الخرطوم اللى لسه عملينه حالا و ندخله فى انبوبة البخاخة بحيث انه هيلبس فيها من برة مش هيدخل جوه انبوب البخاخة و نهوى راس البخاخة بحيث انه يدى بخ على هيئة مسدس مياه و ليس بخاخات او رذاذ و بعد كده نشيل مقياس الزبت و ندخل الانبوب بعد التاكد من احكام الانابيب على بعض و نجيب زجاجة مياة معدنية و ندخل راس البخاخة فيه علشان الزيت ميبهدلش المكان و نبدا العمل فى سحب الكمية المرغوبة و يجب التاكد من وصول الخرطوم الى الزيت حتى يتم الشفط و كمان نصبر فى الاول ثانية او اتنين على ما البخاخة يشفط الزيت لانه فى الاول بيشفط هواء من الانابيب اللى هو موجود فيها اصلا ثم بعد ذلك نجد الزيت و قد بدا فى الشفط و شكرا
تسلم ايدك يا باشا
انا جربت الموضوع وفشلت فشل زريع ومطلعتش ولا نقطة زيت
جبت سلك الديش وفرغته من اللى جواه ووصلته بالبخاخة وهاتك ياسحب..مفيش
وبنفس الطريقة ووصلته بسرنجة كبيرة وهاتك ياسحب..مفيش
هو الزيت التوتال اللى عندى لزوجته تقيله شوية..بس حتى بعد ما فشلت فى الطريقتين اللى فاتوا دورت العربية شوية قلت عشان لزوجة الزيت تخف شوية وطفيتها واستنيت شوية لما هديت وجربت تانى..وفشلت رغم انى استنيت شوية فى كل التجارب ومستعجلتش النتيجة بس برضه فشلت
ياترى ايه سبب الفشل ده؟؟علما انى عملت زى ما انتوا قلتوا بالظبط