الموضوع: هذا هو رأى البرادعى بدون روتوش

المشاركة الأصلية كتبت بواسطة kh_talaat

البرادعي من انبل الشخصيات التي انجبتها مصر

لكن للأسف ناس كتير اتأثرت بإعلام النظام السابق الذي شن على هذا الرجل المحترم ابشع حملة تشوية

والحملة دى أكبر دليل انه راجل محترم
ده انا كنت بتكلم مع اصدقاء لية فى موضوع المرشحين لاقيت واحد دخل فى الكلام والبرادعى مزدوج الجنسية ومراته مش عارف ايه وبنته مش عارف ايه وعلى ما اقعدت اشرحله قالى والله احنا بنسمع الكلام ده بس ما حدش شاف بعنيه، الكلام من كتر ما اتكرر لزق فى عقول الناس ومش كل الناس اعضاء فى هذا المنتدى الرائع وغيره من المنتديات ومواقع التواصل علشان تحاول تعرف الحقيقة

المشاركة الأصلية كتبت بواسطة fepsceasar

طالما صاحب الموضوع موافق ناخد جولة تانية ههههههه ونتمنى يكون للنفع العام وكانا نستفيد
الفيديو اللى حضرتك مشيره اكبر دليل على كلامى النائب لم يجد اى حرج فى انه ينتقض سياسة بلاده الخارجية لم يضطر لنفاق اوباما او خاف من اى مرشح لاحسن يقولولوا حرام عليك ده ضد الاسلام، بل انه لو تلاحظ انه فى معقل العلمانية زى ما البعض هنا بيقول اتكلم واشار لتعاليم المسيحية هى دى الحرية
ممكن اعترض على سياسة بلادى الخارجية واقول انى مش موافق عليها واقول امثلة محددة، لكن مش اقعد اقول اصل الرئيس باس وما بسش وبيمثلنى والفيديوهات العجيبة اللى الناس بتشرها هنا، انا بحكم على السياسة الخارجية مش على شخص الرئيس

لا أسمحلي يا أبو كمال قياسك غير دقيق
بلاها الديمقراطية ألي هاتيجي على دماء الشعوب المسالمة
ودي النقطة ألي بنتكلم فيه أساسا أحنا مابنتكلمش على حضارة مادية بدون ضوابط أخلاقية زي ألي عند الغرب ينتج عنها سفك دماء لمجتمعات بعيدة عنهم بألاف الأميال
يختلقو الحجة ويضحكو على شعوبهم فا تصدق أكاذيبهم لمصالح مادية للكبار(حيتانهم) زي شركات النفط بتاعت بوش
فيقع من الدول ألي بيعتدو عليها ألاف الأبرياء
ويقع في بلادهم نفسها ألاف الجنود المسيرين بالكذبة المسمى الديمقراطية التي لاتعرف ألا المصالح المادية في قرارتها وتوجهاتها..............علمانية
أحنى عايزنها ديمقراطية مشرفة زي الحضارة الأسلامية في الغالبية العظمى من تاريخها
حضارة أنتشرت في أسبانيا بقيم الأسلام السمحة
كان يذهب المسلم للتجارة عندهم يسألوه أنت قطعية مختلفة عن البشر ياترى أيه السبب هل جنسك العربي يجاوبو الأسلام عزيزي هو السبب........مش حد السيف زي ما أعداءنا بيدعو
متهيألي فرق السماء من الأرض مابين الحضارات المبنية على قيم وضوابط أخلاقية مرجعيتها تعاليم الخالق
وحضارات مبنية على قوانين وضعية لا ترضعها عن الأعتداء وأسالة دماء من لم يعاديها في سبيل أبار البترول وعقود أعادة التعمير
أتمنى أكون قدرت أوصلك الصورة
تحياتي

المشاركة الأصلية كتبت بواسطة ahmed2y

هو حضرتك بتاخد الكلام على هوالك وخلاص يعنى اية كان زمان ما تشوف يمكن مش زمان وبس

حضرتك ممكن تسأل أبدي ياحبيبي وشوف أنا رديت عليه كده ليه
شوف المشاركة ألي قبلها

وبصفة عامة فيه ناس بتتناقش بموضوعية وفيه ناس بتتهكم ومش هدفها الحوار وتبادل الفكر

المشاركة الأصلية كتبت بواسطة ahmed2y

بشمهندس اوتيفا اظن طريقة الكلام دى لا تليق بما نتناقش بية واظن لينا سابقة قبل كدة فى هذا الموضوع

مش واخد بالي أيه ألي معترض عليه في أسلوبي؟
ياريت توضح!
وموضوع كان لينا سابقة
يمكن مش هاتصدقني لو قلتلك أني مابخزنش مشاركات سابقة لحد ألا معدودين على الصوابع دائما أسلوبهم ملفت للنظر لخروجهم عن سياق المواضيع بمشاركات تهكمية غير مفهومة