ارجو المساعدة من اهل الخبرة Honda steed 400 or 600

**Boyka** · 16-07-2011 03:23 PM

السلام عليكم ورحمة الله وبركاته

ياريت يا جماعة اللى عنده خبرة فى المجال ده يفيدنى فى اسرع وقت لانى على وشك الشراء ومش عارف اخد قرار.

ياترى الهوندا ستيد 400 احلى ولا 600 مع العلم ان نادر اوى لما الاقى حد راكب 600 مع ان الفرق بسيط بينهم فهل عشان الـ 400 احلى مثلا ولا ايه لان كل اللى اعرفهم وراكبين ستيد 400 مافيش حد جايب 600 خالص ارجو الافادة بعد ازنكم.

وياريت الاسعار الـ 400 فى حالة الافراج و المعلق نمر وهكذا الـ 600 فى حالة الافراج والمعلق نمر.

بس ياريت يا جماعة اللى يرد عليه يكون فعلا فاهم عشان انا همشى على كلامه وانتوا طبعا عارفين الواحد بيبقى طالع عين اهله عشان يجمع فلوسة.

ارجو مكنش طولت عليكم

**Atrees** · 16-07-2011 07:12 PM

اولا اهم حاجة الحالة وليس ال سي سي

عشان مش فارق كبير يعني - لكن ال 600 اقوي بصورة ملحوظة طبعا

اغلب اللي في السوق 400 سي سي عشان الناس والمستوردين بيعتبروة موفر اكتر ( شغل تجار ) ودايما بيجيبو ال 400 اكتر عشان كدة منتشر

لو انت جديد خليك في ال 400 معقول جدا ومتوفر اكتر لكن لو لقيت 600 حالة نادرة توكل علي الله طبعا

الاسعار كالتالي بحكم اني كنت بدور لحد ما جبت

الاستيد 400 بيبدا من 14500 ال 16500 معلق نمر حسب الحالة - افراج من 16000 ال 17500

الاستيد ال 600 يزيد من 1500 الي 2000 جنية في الاسعار اللي فاتت

وبرضو اللف والتدوير خير دليل

**Boyka** · 16-07-2011 08:20 PM

اشكرك على الافادة الجميلة والواضحة يا اخ عتريس

شكلك فاهم فى المجال ده ولفيت كتير
بس تقدر تنصحنى بأيه يا اخ عتريس اهم شئ اخد بالى منه بالنسبة للحالة
يعنى مثلا البطارية والكاوتش والموتور يكون مش حالل هل فى شئ تانى ؟
انا طبعا هوديها لميكانيكى يشوفها ويكشف عليها بس انت عارف الميكانيكية بيبقوا عايزين يخلصوا مش بيهتموا
فأنت تقدر تنصحنى بأية انا اخد بالى منه مع العلم انى هوديها عند السداوية اللى عند الجامعة العمالية اكيد تسمع عنهم

وشكرا يا بطل على التوضيح وارجو مكنش ازعجتك.. وبارك الله فيك

**Atrees** · 17-07-2011 04:37 PM

المشاركة الأصلية كتبت بواسطة boyka

اشكرك على الافادة الجميلة والواضحة يا اخ عتريس

شكلك فاهم فى المجال ده ولفيت كتير
بس تقدر تنصحنى بأيه يا اخ عتريس اهم شئ اخد بالى منه بالنسبة للحالة
يعنى مثلا البطارية والكاوتش والموتور يكون مش حالل هل فى شئ تانى ؟
انا طبعا هوديها لميكانيكى يشوفها ويكشف عليها بس انت عارف الميكانيكية بيبقوا عايزين يخلصوا مش بيهتموا
فأنت تقدر تنصحنى بأية انا اخد بالى منه مع العلم انى هوديها عند السداوية اللى عند الجامعة العمالية اكيد تسمع عنهم

وشكرا يا بطل على التوضيح وارجو مكنش ازعجتك.. وبارك الله فيك

يا باشا مفيش تعب - انا برضوا الناس هنا ساعدتني جدا وكلنا كدة - والاخ تافا عمل اكتر من الواجب معايا

بص النصيحة الاولي ليك - تلف علي الناس اللي عاملة اعلانات - وتتفرج علي الحالات - بعد مرتين تلاتى حتعرف تحكم علي حالة الموتوسيكل الجيدة والوحشة كحالة عامة وكوتش و نواكل وكل حاجة

بعد كدة نبدا نشوف حالة الميكانيكا

لف بس شوية واحنا مع بعض

ولو لقيت حاجة صورها وارفعا هنا عشان نقارن مع بعض + السعر :)))

**Boyka** · 17-07-2011 06:35 PM

مشكور يا عتريس والله على متابعتك

ولو وقعت قدامك ستيد 600 ياريت تتعب شوية وتقولى يا عتريس بس تكون حالة على مزاجك حالة شاذة
وربنا يبارك ويقدم اللى فيه الخير

**joacky** · 18-07-2011 12:48 AM

بالنسبة للكستم انا سراحا مفهمش بس انا عامل موضوع مثبت عن كيفية فحص البيك قبل ما تشترية وى سراحاا الاخ عتريييس جاب من الاخر
تقيل مرورى

**culturisub** · 19-07-2011 04:18 PM

انا استفدت كتير من رد الاح عتريس و عايز اعرف ازاى تعرف الاستيد ال 400 من ال600؟ هل هو زى سنة الصنع بيبقي مكتوب اقل فى الرخصة؟وهل سنة الصنع بتعمل فرق فى السعر زي العربيات؟ ولا الحالة بس؟و شكرا

**mahgary** · 23-07-2011 02:04 AM

بعد اذن عتريس هجاوب عليه
1- ازاى تعرف الاستيد ال 400 من ال600؟ لايوجد فرق بينهم
2- هل هو زى سنة الصنع بيبقي مكتوب اقل فى الرخصة؟ المكتوب فى الرخصة حاجه تانى انا مع استييد موديل 1995 فى الرخصه 1985 التجار بيعملو كده علاشان يخفط الجارك
3- هل سنة الصنع بتعمل فرق فى السعر زي العربيات؟ ولا الحالة بس؟
ممكن لان موديل 1990 مثلا التنك مختلف عن موديل 1995
الحاله مهمه جدا لانك مش لازم تسرف عليه كتير اول ما تشتريه العجل الخبطه الاكسسوار النواكل
اتمنا اكون افتك

**tafa17** · 25-07-2011 03:34 AM

المشاركة الأصلية كتبت بواسطة culturisub

انا استفدت كتير من رد الاح عتريس و عايز اعرف ازاى تعرف الاستيد ال 400 من ال600؟ هل هو زى سنة الصنع بيبقي مكتوب اقل فى الرخصة؟وهل سنة الصنع بتعمل فرق فى السعر زي العربيات؟ ولا الحالة بس؟و شكرا

لو الموتوسيكل نظيف قوي وحالته ممتازة
هاتلاقي مكتوب عليه من الجهة اليمين تحت ،،، ناحية رجلك اليمين بجانب الريداتير كام سي سي

وال 400 خمس نقلات و ال 600 اربع نقلات وهو ازيد في عداد السرعة حوالي 10 كم

وكمان معظم ال 600 الموتور بتاعه بيكون لونه مط مش نيكل ومعظم ال 600 هاتلاقيه نفس شكل الاستيد بس مكتوب عليه شادو