عايز اجدد رخصة العربية ؟ اسئلة خفيفة
بسم الله الرحمن الرحيم
السلام عليكم ورحمة الله وبركاته
""""" الموضوع مكرر من ساحة المرور وموضوعات التأمين في مصر لان يظهر الناس كلها بقت هنا من بعد الثورة وماحدش بيروح هناك """""
اخد غرضي واحذفة بعد كدا يا اشراف http://www.nilemotors.net/Nile/images/icons/icon10.gif
عايز اجدد رخصة العربية ..
دلوقتي بقي عايز اجدد الرخصة بس اخوكم لا يعلم شيئاً ابدا عن حوار الترخيص ده وجمعت شوية معلومات كدا ياريت تفيدوني فيها :)
انا هاعملها علي يوميين ..
اليوم الاول ::
اجيب شهادة براءة الذمة او المخالفات وادفعها .. واجيب الاوراق المطلوبة
الي هي
-ملف كرتون وصورتين من الرقم القومي
-نموذج 51 مرور من خزينة المرور << الله اعلم ده اية بالظبط بس شوفتة مكتوب علي النت lol
-وثيقة التأمين الإجباري عن الحوادث
-الرخصة
اليوم التاني ::
اقدم كل الاوراق بيما فيهم براءة الذمة وادفع واستلم ..
ها كدا صح وياريت لو فية ورق ناقص تقولوا لي .. وانا هاروح مصور البطاقة والرخصة 5 نسخ ..وشوية فكة علشان ماسيبش حد ياخد اكرامية علي قفايا ..
شوية اسئلة بقي ..
س1 شهادة المخالفات بحتاج اجيب ورق قبلها ولا بروح اقدم رخصتي بس ويطلع لي الشهادة ؟ وياتري بروح في حتة علشان اختمها ولا خلاص خلصت كدا ؟
س2 انا مأمن .. هل هحتاج اجيب اي ورقة من شركة التامين ؟
