الموضوع: انت فين من الحب؟

المشاركة الأصلية كتبت بواسطة Mido80

انا شخصيا متضامن قلبا وقالبا مع الرأي القائل الزواج يقتل الحب. ماتسألونيش لية بس هو كدة وخلاص. انا شخصيا ساعات بقول يا ريت ارجع عازب تاني بس الحاجة الوحيدة اللي مصبراني هي بنتي العسولة " دودو" بصراحة سكر في حياتي ولما باكون زعلان او مدايق اروح العب معاها شوية انسي كل الزعل والملل. بس زي ما قلت لكم الزواج بيقتل الحب لانة بتدخل فية عوامل كتيرة زي الحياة ومشاكلها والمادة والبحث عنها بكل السبل من دون النظر للشخص اللي بنحبة ونديلة شوية من الوقت دة. انا احيانا بتمني اروح اعيش في جزيرة ما فيهاش حد نهائي او علي الاقل فيها ناس مش بيدوروا علي المادة فقط عايشين يحبوا بعض ويخافوا علي بعض..بس هي فين الجزيرة دي؟؟

اسف علي الاطالة بس كنت مدايق وعاوز افضفض شوية وقلت ما فيش غير اخواني واخواتي بالمنتدي افضفض معاهم....

جرى اية يابو دودو.. وحد الله ياراجل .. ما الجزيرة اهى قدامك والبحر ورائك .. وفضفض ياعم .. ( و.. كلنا هذا الرجل ) .. هو فى احلى من المنتدى ..ولا الناس بتوعة !!!

الحب فعلا حاجه لذيذه لو حصل ولاقيت اللي يستاهله ويقدر حبك ...
بس أحسن حب حب الله ورسوله وبعدين حب الأهل ...
عن نفسي أول وأخر مرة حبيت وضحيت كانت لواحده في إعدادي وفضلنا نحب بعض في صمت حتى عن نفسنا لحد بداية الكلية وكان أهلي موافقين على أرتباط لأن ماليش غير في الرسمي بس أتضريت أضحي عشانها وعشان مستقبلها طلعت نفسي قدامها واطي عشان تنساني ... معلش يا جماعة أتفكيت بس أصلي كاتم في قلبي ونفسي أتفك وحالي مقلوب بسبب الحكايه دي ربنا يسهلها ويرزقها اللي يقدرها ويراعي فيها الله كانت فعلا ماتتعوضش ..
فانصيحة أكيد حتحب أو حتحبي .. لكن ما تتعلقش قوي بأي حد غير لما تكونوا خلاص لبعض وفي بيت واحد ... عشان من الأخر متبقاش زيي .. وقبل كل شئ أستخير الله وبعدين حكم عقلك وقلبك .. والعقل أسبق بخطوة المفروض ..
وربنا يرزقني وأياكم يا من لم تحصلوا على زوجه أو زوج بالزوجه الصالخه -أو الزوج الصالح_
ويبارك للي أتزوجوا ويتم على خير للي مخطوبين أو قارين..
ويسترها مع اللي منظرين