البطاريات ! ياريت سريعا هشتريها في خلال ساعة

**Ashraf_Ibrahim** · 16-07-2011 06:02 PM

اخباركم ايه يا شباب ؟!
يارب تكونوا بخير
يوم الخميس الحمد لله عربيتي عملت موقف جميل جدا
روحت مع واحد صاحبي يطلع رخصة ودي جت قبل بوابة المرور عشان يدخل يمتحن بيها وحلفت والله ماان داخلة -بطلت يعني وندور فيها متدورش-
الهانم موديل 2010
المهم زقيناها ودارت وحطيتهاله قدام الباب ركبها وقام مبطلها تاني -منحوس يا محمد والله-
المهم كلمت التوكيل قلي دورها لو دارت يبقا بطارية ولو ما دارتش يبقا مارش
دورتها دارت الحمد لله
المهم يا شباب
طبعا انا عارف ان البطاريات الجافة احسن من السائلة
ولكن العربية عربية شركة ومعاد تغيير بطاريتها كمان 10 شهور نقول سنة تقريبا وحرام اني اجيب بطارية جافة واغيرها في خلال سنة لأني اعرف انها بتشتغل لفترات اطول وممكن توصل ل 3 سنين لو كل حاجة في الكهربا سليمة
المهم انا سالت على البطارية النسر الألمانية ال 55 امبير من وكيل نسر وقلي ب 230 جنيه مع القديمة
وسألت على النسر الألمانية برده ال 70 امبير مع القديم وقلي ب 300 جنيه
اما الكلورايد ال 70 امبير فقلي ب 275 جنيه مع القديمة
العربية نازلة ب 55 امبير اصلا فانا قلت ملهاش لزمة الزيادة في قوة البطارية
وقررت اجيب النسر الألمانية ام 230 جنيه دي
ياريت الافادة في البطارية دي مع العلم ان الوكيل قلي ضمان سنة وصيانة عنده ولو حصل فيها حاجة هو الملزم بيها لأنه الوكيل بتاعها في المنطقة عندنا !
شاكر جدا ليكم
وياريت شوية نصائح بخصوص البطارية السائلة -لأن بطاريتي القديمة اتركنت على التوكيل ومعملتلهاش صيانة ولا مرة واخر القصة بقتح ابص على المية بتاعتها لما فصلت لقيتها ناشفة مفيهاش نقطة مياه
ومليتها مياة وزودتلها حامض واديتها مشوار طويل على امل انها تنطق بس للأسف فارقت الحياة

**saadelden** · 16-07-2011 07:20 PM

هات النسر و كدا كدا سنه و هتغيرها
هي اصلا بتقعد سنه و نص بالكتير اوي و بتحتاج مراجعه كل شويه بالذات في الصيف لان الميه بتاعتها بتنقص كتير

انا جايبها يوم 29 يناير بعد جمعه الغضب و كانت ب 300 جنيه و خد القديمه !!
بس دي 62 امبير

**MASERATI** · 16-07-2011 11:13 PM

السلام عليكم و رحمة الله و بركاته

أنا أنصحك بالجافة AC delco السعودى و هى ممتازة جدا و ما شاء الله, بقالها معانا أكتر من سنتين فى العربيتين اللى معانا و الحمد لله رب العالمين, لسه شغالين تمام التمام .

**aboomar22** · 16-07-2011 11:39 PM

ريح دماغك وهات الجافة فرقها بسيط ركبها وانساها انا معايا ac delco من 4 سنوات وماشاء الله لسه شغالة وفى الاخر فرقها بسيط

**Ashraf_Ibrahim** · 17-07-2011 10:57 AM

المشاركة الأصلية كتبت بواسطة mohamedadelemam

السلام عليكم..عن تجربة أفضل حاجة كلوريد جى بى المصرى

شاكر جدا للمعلومة يا عزيزي

المشاركة الأصلية كتبت بواسطة saadelden

هات النسر و كدا كدا سنه و هتغيرها
هي اصلا بتقعد سنه و نص بالكتير اوي و بتحتاج مراجعه كل شويه بالذات في الصيف لان الميه بتاعتها بتنقص كتير

انا جايبها يوم 29 يناير بعد جمعه الغضب و كانت ب 300 جنيه و خد القديمه !!
بس دي 62 امبير

جبت النسر فعلا يا سعد
ب 230 والقديمة بس 55 امبير

المشاركة الأصلية كتبت بواسطة maserati

السلام عليكم و رحمة الله و بركاته

أنا أنصحك بالجافة ac delco السعودى و هى ممتازة جدا و ما شاء الله, بقالها معانا أكتر من سنتين فى العربيتين اللى معانا و الحمد لله رب العالمين, لسه شغالين تمام التمام .

المشاركة الأصلية كتبت بواسطة aboomar22

ريح دماغك وهات الجافة فرقها بسيط ركبها وانساها انا معايا ac delco من 4 سنوات وماشاء الله لسه شغالة وفى الاخر فرقها بسيط

يا اصدقائي
مقريتوش الموضوع كويس واضح كدة
العربية عربية شركة وكدة كدة موعد تغيير البطارية كمان 10 شهور
اجيب بطارية جافة لن تقل عن 400 جنيه واغيرها كمان 10 شهور ليه؟!
انا عارف انها افضل وكدة بس حرام اجيبها وارميها بعد 10 شهور
هي النسر اعتقد حلت المشكلة وركبتها امبارح الحمد لله
شكرا للنصيحة