اشتريت فيرنا 2008 يوم الجمعة من القاهرة

**kimoxxxxx** · 16-07-2011 08:01 PM

السلام عليكم
امبارح اشتريت فيرنا 2008 من سوق الجمعة من القاهرة والحمد لله كويسة بس ليا بعض الملاحظات ارجو الافادة
اولا اما بدور العربية بيكون صوت الماتور عالى وبيفضل عالى علطول
فمش عارف ايه السبب والى نبهنى للموضوع دا واحد قريبي معاه فيرنا 2008 برضه حتى جه بعربيته وسمعنى صوت الماتور بتاعه وفعلا لقيته اهدى من عربيتى
وتانى حاجة بعد مااشتريت العربية وروحت بيها يوم الجمعة بالليل جيت النهاردة الصبح ابص عليها لقيت مياه القربة فاضية فمليتها
فخايف يكون دا من الردياتير يكون فيه مشكلة ولا حاجة واتا برضه هاتابعها
بس حبيت اعرفكم الملاحظات دى
يلريت حد لو يقدر يفيدنى يطمنى

**mahamede** · 16-07-2011 08:06 PM

الف مليون مبروك ,,,, تحياتى ,,,

**FrozenFire** · 16-07-2011 08:14 PM

ألف مبروك عليك العربية، وربنا يديك خيرها ويكفيك شرها. المستعمل عموما بيبقى ليه مشاكله أول ما بتشتري العربية، ولكن لما بتظبط العربية بتبقى كويسة، فما تقلقشي بالك وربنا حيسهل إن شاء الله ورجالة الفيرنا حيردوا عليك وحيبقوا معاك خطوة بخطوة لحد ما يظبطوهالك. ومبروك مرة تانية.

**إبراهيم المصرى** · 16-07-2011 08:28 PM

مبرووووووك من الاعماق والى الامام وبالتوفيق يارب وربنا يديك خيرها ويكفيك شرها
واعتقد انك لازم تعملها الصيانه الدوريه مثل الكشف على زيت الموتور والفلتر وزيت الفتيس وفلتر البنزين وفلتر الهواء والسيور ولو الموتور عالى شويه يتظبط المهم اثناء الصيانه لو فبيها حاجه عايزه ظبط خلى الميكانيكى يشيك عليها كل ده طبيعى وتسجل الكيلومتر علشان بشكل دورى كل 5000 ك م او حسب نوعية الزيت تخلى بالك تعملها الصيانه واكيد مالكى الفيرنا حيفدوك اكتر من معلوماتى المتواضعه دى

**saadelden** · 16-07-2011 11:05 PM

الي ممكن تعمله عشان تتطمن تكشف عليها بالكمبيوتر
بس لو الميه في الرادياتير ميه عاديه مش ميه خضرا الافضل تروح تكشف علي الرادياتير و تسلكه و تحط ميه خضرا

**kimoxxxxx** · 17-07-2011 12:09 AM

شكرا ياجماعة على الردود الجميلة دى وربنا يكرمكم وان شاء الله هاخلى ميكانيكى يبص لى عليها

**MOUSTAFA_SAAD** · 17-07-2011 08:08 AM

ربنا يبارك لك فيها و يديك خيرها ويكفيك شرها

**HotRide** · 19-07-2011 07:26 PM

عيب العلو ايدلر...عايز يتنضف او يتغير

الميه البتنقص...يا تسريب في دوره يا غطا الردياتير بايظ و تجيبه اصلي اصلي اصلي اوعي تجيبو تيواني و لا مش عارف ايه

و مبروك علي عربيه و رنا يحفظهالك و يكفيك شرها :)

**usamax** · 21-07-2011 03:12 AM

مليون مبروك انا معايا 2008 بص يا سيدى ممكن يكون غطاء الريداتير ودة تغيره اصلى 100/100 مش اى غطا تانى وده ممكن تجيبة يا بانى بتاع الانس كريستالة
2 ممكن يكون غطا قربة المياة بيكون فيها شفاط فى الغطا لما تفتحة لو مش موجود بيخلص المياة وبيسخن العربية وممكن يكون عندك مواسير مسدوده كل دة تشوفه عند الميكانيكى او بتاع الريداتير ويستحسن تغير الغطاء حتى ولو كويس

الموضوع: اشتريت فيرنا 2008 يوم الجمعة من القاهرة

LinkBack

أدوات الموضوع

عرض

-

-

-

-

-

-

-

المواضيع المتشابهه

اشتريت فيرنا النهاردة

باركولى اشتريت فيرنا امبارح

اشتريت فيرنا فيفا

الحمد لله اشتريت فيات اونو..بعض الاستفسارات .. وايضا نظرة عن قرب لسوق الجمعة يوم 9-10

اشتريت فيرنا 2008 وهستلمها بكره

الكلمات الدلالية لهذا الموضوع

المفضلات

المفضلات

ضوابط المشاركة