تخفيض جمارك السيارات فى مصر خبر هام جدا

**ahmedshouk** · 16-07-2011 10:31 PM

السلام عليكم ورحمة الله وبركاته

نداء الى كل مصرى حر

اخوتى واخواتى المصريين الاحرار لقد جاء الوقت المناسب للمطالبة برفع الظلم القائم منذ سنين حيث فرض علينا ان نتحمل وان نزل وان نحرم من العيش بطريقة حره كريمة ادعوكم بالمشاركة معنا فى
حملة لرفع الظلم عن كل طوائف المجتمع

حملة من اجل بيئه نظيفة عن طريق تسهيل عملية احلال القديم بالجديد وامكانية حصول المواطن البسيط على سيارة حديثة بسعر غير مبالغ فيه بالنسبة لسعرها فى الدول المجاورة

حملة لحل ازمة المرور وحل واحد ه من اكبر اسبابها الا وهى كثرة السيارات القديمة فى شوارعنا وكثرة اعطالها مما يؤدى الى تعطل حركة السير فى بعض الطرق الحيوية

حملة من اجل تحقيق العدالة الاجتماعية حيث تتساوى طوائف المجتمع فى الحصول على سيارة جيدة بدون فروق كبيرة فى المستوى تسهل له عملية الانتقال وتوفر له الراحه والرفاهيه التى حرم منها على مدار 30 عاما مما يساعد فى رفع انتاجيته

حملة للقضاء على احتكار وكلاء السيارات فى مصر وتلاعبهم بأسعار السيارات مستغلين جمارك السيارات كحجه لستغلال الشعب والتربح بصورة غير معقولة حتى السيارات المجمعة فى مصر( واسف هى ليست مصنعه ) سعرها ضعف سعرها فى الخارج او فى الدول المجاورة بسبب ضريبة المبيعات وجمارك القطع المستخدمة فى تجميع السيارة

ياشعب يا حر جاء الوقت للحصول على حياة كريمة فشاركونا من اجل مستقبل افضل والله الموفق
للمشاركة معنا فى ثورتنا ضد الظلم تواصلو معنا على صفحتنا على الفيس بوك

https://www.facebook.com/photo.php?fbid=255869077760939&set=a.2498014783676 99.82479.214903798524134&type=1&ref=nf#!/event.php?eid=228741687152355

او
https://www.facebook.com/photo.php?fbid=255869077760939&set=a.2498014783676 99.82479.214903798524134&type=1&ref=nf#!/groups/CustomsNo?ap=1
او
https://www.facebook.com/?ref=home#!/pages/%D8%A7%D9%84%D9%85%D8%B7%D8%A7%D9%84%D8%A8%D8%A9-%D8%A8%D8%A7%D9%84%D8%BA%D8%A7%D8%A1-%D8%AC%D9%85%D8%A7%D8%B1%D9%83-%D8%A7%D9%84%D8%B3%D9%8A%D8%A7%D8%B1%D8%A7%D8%AA-%D8%B2%D9%89-%D8%A7%D9%84%D8%AF%D9%88%D9%84-%D8%A7%D9%84%D9%85%D8%AD%D8%AA%D8%B1%D9%85%D8%A9/164126950311458?sk=wall

**Mzeid** · 16-07-2011 10:36 PM

اعذرني بس دة مش وقت الموضوع دة خالص
المفروض نستنى لحد البلد ما تهدى و بعدين نشوف المطلب دة

**ahmedshouk** · 16-07-2011 11:01 PM

والله يا اخى رفع الظلم ملوش دعوه بالبلد انها تهدى او لاء مع احترامى لرئيك ده هيساعد فى ان البلد تهدىء

**Mostafa.Ismail** · 16-07-2011 11:03 PM

وبعدين فين الخبر؟!!!! دة امانى مش خبر... ياريت تعدل العنوان.
ودة ميمنعش انى معاك فى كل نقطة.

**ahmedshouk** · 16-07-2011 11:32 PM

انا عامل العنوان كده علشان يلفت النظر ويلم اكبر عدد من المشاهدين احانا فى الجروب على الفيس بوك اكتر من 10000 وانشاء الله نوصل 100000 وعلى فكره اخى العزيز فى خبر نزل الشهر الى فات فى كل الجرائد بتعديلات جمركيه هتنزل اخر يوليو بمنشور عسكرى فده الوقت الانسب لطلب تخفيض الجمارك على السيارات انت عارف احنا طبعا بنتسرق قد ايه

**aminibrahim** · 16-07-2011 11:47 PM

مش لما شوارعك تكفي الي فيها

مش معاك طبعا واي قرش البلد في حاجه ليه د الوقتي

قال عربيات قال

**ahmedshouk** · 17-07-2011 12:18 AM

المشاركة الأصلية كتبت بواسطة aminibrahim

مش لما شوارعك تكفي الي فيها

مش معاك طبعا واي قرش البلد في حاجه ليه د الوقتي

قال عربيات قال

احترم راى حضرتك ولك حق عدم المشاره فى معانا اكثر من 10000 موافقين لكل واحد رئيه الخاص

**sh_masry** · 17-07-2011 12:29 AM

الجعان بيحلم بسوق العيش

يا سيدى الجمارك عمرها ما هاتنزل على العربيات و لو فرض و نزلت بنسبه معينه , فبالتالى نفس النسبه هاتزيد على التراخيص و التأمين و سوف يتم فرض ضرائب و جبايات اخرى حين ترخيص السياره و ذلك لأن البلد ماتستحملش عربيات فى الشوارع بكميات كبيره لأن اللى موجود دلوقتى موقف الشوارع اساسا و عامل الزحمه الرهيبه اللى احنا حاسين بيها دى .... فتخيل لو اسعار العربيات نزلت ها تبقى الشوارع عباره عن جراج كبير للعربيات و ماحدش هايعرف يتحرك بعربيته اساسا ...... و كل الزحمه اللى احنا فيها دى و العربيات غاليه و عليها جمرك كبير امال بقى لو رخصت ؟؟؟؟ و فكر كده بالمنطق لو احنا الزحمه الرهيبه دى و كلها من حوالى 5 مليون عربيه فى جمهوريه مصر , امال لو الخمسه مليون دول زادوا 1 وللا 2 مليون كمان , الشوارع هاتبقى ازاى ؟؟؟؟؟؟؟؟؟؟

**ahmedhawas** · 17-07-2011 12:42 AM

أعتقد ان الموضوع ده لو اتطبق في مصر سلبياته هتكون أكتر من منافعه
لان الموضوع ده مش وقته خالص - والطرق مش هتستحمل الأعداد الرهيبة اللي هتشتري عربيات
دا احنا دلوقتي مش مستحملين الزحمة الي في الشوارع - فما بالك لو مفيش جمارك
وبعدين العربيات القديمة مش هي السبب في الزحمة بدليل: انها بدأت تقل جدا جدا في الشوارع ، ولاإيه؟؟
باختصار : إحنا معندناش طرق تستحمل أعداد العربيات الموجودة حاليا - فما بالك لو الجمارك اتلغت أو اتخفضت!!
ولازم قبل ما تفكروا في حاجة زي دي يكون في دراسة لكثافة العربيات عالطرق هتكون عاملة ازاي؟ مش نطالب بإلغاء الجمارك وخلاص وزي ماتيجي تيجي - وساعتها الطرق هتصاب بشلل تام ليل ونهار

**hugan** · 17-07-2011 12:45 AM

الشوارع في مصر عباره عن زجاجه مليانه مياه وانت وضععتها تحت الحنفيه
تخيل الصوره
مفيش مكان

الموضوع: تخفيض جمارك السيارات فى مصر خبر هام جدا

LinkBack

أدوات الموضوع

عرض

-

-

-

-

-

المواضيع المتشابهه

مع بداية عام 2012 تخفيض جمارك السيارات 10% على السيارات الواردة من الاتحاد الاوروبى

تخفيض جمارك السيارات ذات المنشأ الأوروبى

تخفيض جمارك السيارات الأوروبية الجمعة القادم

لا تخفيض فى جمارك السيارات

الكلمات الدلالية لهذا الموضوع

المفضلات

المفضلات

ضوابط المشاركة