قرأت هذا الموضوع وعاوز اشارك اعضاء المنتدي الكرام واعرف ارائكم وتعليقاتكم.:shyy:
اليوم السابع | ماذا تفعل عند انفجار إطار سيارتك بصورة مفاجئة؟
قرأت هذا الموضوع وعاوز اشارك اعضاء المنتدي الكرام واعرف ارائكم وتعليقاتكم.:shyy:
اليوم السابع | ماذا تفعل عند انفجار إطار سيارتك بصورة مفاجئة؟
شكرا علي المقال
الاحسن ان الواحد يتأكد من ضغط الهوا و حالة العجل كل فترة
و الاهم مع السرعة الزيادة مش هنقدر نتحكم في العربية
ربنا يستر علينا و الف شكر على المقال
مبدئيا الاعمار بيد الله طبعا اذا كنت على السريع بتجرى يعينى ولا قدر الله حدث الانفجار فى العجلة الامامية يفضل انك تمسك دركسيون العربية كويس وتخليه مستقيم واوعى يلف منك لا يمين او شمال وكمان بلاش تدوس فرامل جامدة مرة واحدة ويفضل ان تكون على خفيف حتى تتامالك العربية نفسها وبعديم تركن على جنب وتغير العجلة وربنا يسترها علينا جميعا ان شاء الله
بتمسك الدركسيون كويس وتحاول تظبط نفس علي الطريق وبتسيب العربيه لحد لما تقف من نفسه وانزل غير الكوتش بس ده بيعتمد علي وزن العربيه
تمام يا ريس بالاضافة لكل ده
تمسك الدريكسيون كويس و متدوسش ع الفرامل
تحاول تقرب من الرصيف لحد ما العربية تهدي
و حصلت معايا في عربية 128 مش نازلة ع سيرفو
العجلة اللي ورا انفجرت و كنت ع سرعة 80
مسكت الدريكسيون كويس و استنيت العربية تهدي حاولت ادوس فرامل مفيش فرامل بدوس ع الفاضي و كانت معبية هوا تمام ههههه
دوست دبرياج و قفلت الكونتكت و فضلت الزق بالكاوتش في الرصيف واحدة واحدة و ابعد و الزق تاني لحد ما وقفت
بص ياباشا اللي هاعمله اني هابتدي اهدي بالفرامل سنه سنه وامسك الدركسيون جامد دا الحل هنا علي المنتدي او ماشي بسرعه بطيئه لكن بسرعه عاليه رد الفعل بتاعك بيكون تلقائي انك هاتمسك فرامل جامد وهاتروح يمين ويسار لانك مش بتلحق تفكر انا بتكلم طبعا علي سرعات عاليه 180 وانت طالع وربنا يستر طريقنا ومفيش حاجه تضرب
يا جماعة لمس الفرامل والكاوتش مفرقع ده حاجة خطرة جدا .... كل اللى الواحد يقدر يعمله انه يمسك الدركسيون كويس ويحاول ميخليش العربية تنحرف عن مسارها .... وانه يسقط غياراته لحد لما العربية تقف فى مكانها
ده أمن طريقة فى نظرى علشان توقف العربية بسلام
و الآأمن ............. سرعتك تكون معقولة .......... عند سرعات عالية أكتر من 100 كم - س لو الكاوتش الأمامي فرقع أحتمال كبير ما تلحقش تعمل حاجة ................... و العربية تحدف لوحدها نتيجة السرعة و الحدفة هاتكون بسرعة برضه و ده هايخلي رد الفعل ضعيف أو غلط ....... أو ممكن ما تلحقش ترد الفعل أصلا .
في التآني السلام و في العجلة الندامة
جزاكم الله خيرا على الموضوع