المشاركة الأصلية كتبت بواسطة No Comment
خد يا عم ابوجوجو عندك الخمس خلافات دى ...!
1- الراجل الأجنبى مرتكز على ايده اليمين فى النط ... والراجل المحلى مرتكز على ايده الشمال فى النط .
2- الراجل الاجنبى حاطط حظاظة الجماعات الماسونية فى ايده الشمال وهى اللى هتوفره العلاج لما يتنيل يتعور ... اما الراجل المحلى حاطط دبلة فى ايده اليمين وده بيدل على انه لازم يعدى من النطة سليم علشان محدش هيعبره من الداخليه لو انصاب وكمان صاحبة الدبلة ممكن تألشه وتدور على غيره لو وقع وأتعور وفقد خواصه الزئبقية .
3- ممكن نفترض ان الراجل الاجنبى ممكن ينصاب بسبب النطة دى وممكن لا وهينزل سليم ... لاكن الراجل المحلى شكله كدة من الناس اللى حواليه وبيبصوله لو نزل سليم هما اللى هيكملوا عليه لانهم شكلهم صعايدة من بنى سويف ومبيتفاهموش .
4- الراجل الاجنبى بينط بمزاجه كنوع من الرياضة ... والراجل المحلى بينط كنوع من الهروب والموضوع شكله بالنسباله حياة او موت .
5- الراجل الاجنبى لابس ايس كاب كنوع من الدلع مع ان باقى لبسه بيدل ان الجو صيفى ... والراجل المحلى لابس الخوذة صيف شتا حتى فى بيتهم لابسها وده لان لبسها أوامر ولازم ينفذها لخوف الداخليه على راسه من الصدأ .