انا بسئل عن هو المفروض مع تغيير سير التقسيمة انه يتم تغيير جيوان وش السليندر ؟؟
عرض للطباعة
انا بسئل عن هو المفروض مع تغيير سير التقسيمة انه يتم تغيير جيوان وش السليندر ؟؟
جوان وش السلندر مالوش اى علاقة بتغيير بسير التقسيمة و الجوان ده مش بيغير فى الصيانة الدورية اطلاقا و لا حتى فى صيانة ال 100الف
تغير جوان وش السلندر يعنى فتح الموتور و ربنا يبعدنا كلنا عن الموضوع ده ( الجوان ده بيضرب لما العربية تسخن جامد و تمشى بيها سخنة او لما تفتح الموتور علشان تعمل عمرة)
يعني من كلام حضرتك انه اللي بيركب سير التقسيمة او الكاتينة مش بيفتح الموتور؟؟
الجوانات بتتعمل لو الزيت اتسرب في الصبابات
ان شاء الله متحتجش تعمله
طب يا جماعة اللي خلاني افتح الموضوع ده هو ان لقيت زيت وطبعا بتراب على الموتور تحت غطا الموتور و تحديدا من عند غطا تغيير الزيت وممتد من عند وش السليندر وده عند الجهة الامامية للموتور ولو بصيت عند فلتر الهوا بالاقي الموتور نضيف و للعلم انا عربيتي موديل 2008 عشان تبقو متخيلين منظر الفلتر .. المهم انا طبعا غيرت سير التقسيمة وقلت يمكن ده السبب لما فك و ركب تاني .. بس انتم بتقولو ان شغل التقسيمة بعيد عن الكلام ده
يا ترى ايه اللي ممكن يكون عامل الزيت ده .. مثلا وقت تغيير الزيت وقع من العامل شوية على الموتور مع العلم انا اكتشفت المنظر ده بعد 10 الف ك من التغيير والحمد لله معنديش نقص في الزيت ولا بشتكي من زيادة حرارة ومستوا قربة المياه تمام
انا خايف اعمل حاجة زي ان اغسل الموتور واندم عشان اعرف لو قدر الله الزيت ده ظهر تاني الحق اتصرف
بس للعلم هي بالبلدي كده هي وساخة زيت بتراب مش رشح بس برضو مش مطمن
يا ترى لو غسلت الموتور بيبقى فيه اجرائات بعملها ولا بيتغسل عادي ؟؟
الاهم انك تروح لمكان محترم لغسيل السيارات والكار كير واغسل هناك الموتور والحوض بالفوم
وان شاء الله مفيش حاجة تاني تظهر
انا كمان عندي نفس الموضوع ده حوالين غطا تزويد الزيت لاني عارف انه مجرد زيد زيادة من ساعت ماعملت اخر صيانة
اكيد ده زيت زياده زي ما قالك فليكس و ده بيبقي من غطاء الموتور بتاع الزيت مش تقلق روح اغسل الموتور فوم و جاز و بعدين شوف لو ظهر تاني ابقي روحلهم في التوكيل و شوف من ايه
زيت زيادة بعد عملية التغيير
أغسله ............ و مش هاتلالقيله آثر إن شاء الله
ربنا يطمنكم
[QUOTE=RedBull_30;3873660966]طب يا جماعة اللي خلاني افتح الموضوع ده هو ان لقيت زيت وطبعا بتراب على الموتور تحت غطا الموتور و تحديدا من عند غطا تغيير الزيت وممتد من عند وش السليندر وده عند الجهة الامامية للموتور ولو بصيت عند فلتر الهوا بالاقي الموتور نضيف و للعلم انا عربيتي موديل 2008 عشان تبقو متخيلين منظر الفلتر .. المهم انا طبعا غيرت سير التقسيمة وقلت يمكن ده السبب لما فك و ركب تاني .. بس انتم بتقولو ان شغل التقسيمة بعيد عن الكلام ده
يا ترى ايه اللي ممكن يكون عامل الزيت ده .. مثلا وقت تغيير الزيت وقع من العامل شوية على الموتور مع العلم انا اكتشفت المنظر ده بعد 10 الف ك من التغيير والحمد لله معنديش نقص في الزيت ولا بشتكي من زيادة حرارة ومستوا قربة المياه تمام
انا خايف اعمل حاجة زي ان اغسل الموتور واندم عشان اعرف لو قدر الله الزيت ده ظهر تاني الحق اتصرف
بس للعلم هي بالبلدي كده هي وساخة زيت بتراب مش رشح بس برضو مش مطمن
يا ترى لو غسلت الموتور بيبقى فيه اجرائات بعملها ولا بيتغسل عادي ؟؟[/QUOTE
انا كان عندى عربية سيات 133 موديل 81 من 16 سنة و رتنى الويل و سواد الليل فى قصة الزيت دى و علمتنى كتير فى الميكانيكا و بناء عليه هاجيب لك من الاخر اسباب وجود زيت على المتور من بره:
1- جوان وش التاكيهات ( الى هوا غطاء وش الموتور ) و ده غير جوان وش السلندر و موضوعه سهل
2- الحلقة الكوتش الى راكبة على عصاية مقاس الزيت عايزة تتغير علشان الكوتش بتاعها نشف و مش محكمة كويس
3- الزيت مستواه عالى و بيعرق و بيتبخر ( شوف مواضيع الاعضاء الى بيشتكو فيها من زيت موبيل عشان بيعرق)
4- اويل سيل فلتر الزيت مش راكب مكانه كويس او اللى ركب فلتر الزيت مربطوش بضمير
اغسل الموتور بالفوم و حط زيت شل او كاسترول ايدج و بلاش موبيل بكل انواعه و تاكد من كاوتشة عصاية الزيت و حاول تشوف مصر الزيت منين و انشاء الله تكون حاجة بسيطة