الصورة دى للناس اللى كانت بتقول سقف المطالب وسطح وبلكونات
http://i893.photobucket.com/albums/a...5012011367.jpg
من أول يوم أهو :)
عرض للطباعة
الصورة دى للناس اللى كانت بتقول سقف المطالب وسطح وبلكونات
http://i893.photobucket.com/albums/a...5012011367.jpg
من أول يوم أهو :)
الله ينور يا باشا
المشكلة ان القصة دي اختلقها وألفها بالكامل نظام مبارك قبل التنحي بعد ما اتزنق واصبح لا مفر من الاعتراف بأن المتظاهرين في التحرير ليسوا عملاء فإبتكر القصة دي عشان يقول ان الناس كانت نازله ضد مجموعة الفاسدين اللي حوالين الرئيس وان الرئيس هيحاسبهم ويسجنهم يالا بقى روحوا بيوتكم يا ثوار رسالتكم وصلت
ولكن الحقيقة الواضحة والتي شاركت بها وشاركنا فيها جميعا ان اول نداء للمصريين في ميدان التحرير يوم 25 يناير كان ارحل ارحل يا مبارك ... الطيارة في انتظارك
ويوم 28 يناير كان النداء الشعب يريد اسقاط الرئيس ... الشعب يريد اسقاط الرئيس
لكن للاسف بعض الناس حتى بعد تنحي مبارك لازالوا يعتقدون ان المظاهرات بدأت فقط ضد الفساد والفقر
شكلك رايح خيمة المزاجانجيه
بالصور : ممدوح حمزة يدخن الشيشة في اعتصام التحرير - قاعدة المعلومات المصرية
هههههههههه أنا بضحك معاك بس هى جت مع توقيت الصوره بتاعت ممدوح حمزه
تقبل تحياتى
معلش انا اول مرة ادخل هنا بس انا كنت بدور على معلومة و جوجل جابني عالصفحة دي و استفزني جدا كمية الاستهزاء بالمخالفين معاكم في الرأي و تقسيم الشعب لفئتين ثوار و فلول
و الاهم من كده ان كل ده على اساس قوي جدا من الجهل
و بعدين بتتهموا الناس اللي قالت نعم في الاستفتاء بالجهل و الاستاذ بيقول معلومة مفتكسة اول مرة نسمعها ان اعلى نسب للي قالوا لا هما بتوع القاهرة و الاسكندرية ( المتنورين ) و اللي قالوا نعم هما بتوع الاقاليم ( الجهلة ) مع ان انا من الزقازيق و بقولك ان الناس هنا بتفهم اكتر من بتوع القاهرة بمرااااااحل
و دي نسب الاستفتاء عشان تعرف ان ده كلام فارغ
http://www.estefta2.eg/referendum-results.html
اعلى نسبة لا هي القاهرة يليها البحر الاحمر يليها جنوب سيناء الموضوع ملوش اي علاقة بالاقاليم و لا مش اقاليم و شوف كده نتيجة 6 اكتوبر
و لو انت بتتكلم عن الجهل هقولك ان مفيش حد قال نعم جاهل العكس هو اللي صحيح
في ناس كتييييييييييييير راحت قالت لا عشان عايزين دستور جديد و اكتشفوا بعد كده ان لما نقول نعم برضة هنحط دستور جديد
و في ناس كتييييييييييييييير راحت قالت لا عشان صلاحيات الرئيس اللي في الدستور و مش عارفين بجهلهم ان الدستور تم اسقاطه و ان كل المواد بتاعة صلاحيات الرئيس لاغية
و في ناس كتيييييييييييييييير قالت لا عشان عرفوا ان الحزب الوطني بيأيد التعديلات و طبعا دي اشتغالة من جرنان اصفر و الحزب الوطني ما اعلنش عن حاجة
نيجي بقى لانجازات الاعتصام ... انتوا مصدقين بجد ان نظيف خد حكم بالسجن بسبب الاعتصام ؟
متخيلين ان الاعتصام بيدي احكام قضائية ... لو القوى السياسية مفهماكوا كده يبقى انتوا اللي بتقادوا مش اللي قالوا نعم
المجلس ما لغاش المحاكمات العسكرية هو بس قال الفئات اللي بتخضع للمحاكمات العسكرية بشكل علني و قبل ما يعلنوا قابلوا ممدوح حمزة و جورج اسحاق و قالولهم احنا بنحاكم التلات فئات دول و في خطورة على الامن لو اعلنا كده ( لان المحاكمات العسكرية مخوفة المجرمين و مثلا البلطجي اللي معاه سلاح ابيض ما كانش بيتحاكم عسكريا بس الناس ما تعرفش كده )
المهم للاسف مستوى الحوار ضايقني فدخلت ارد و بالنسبة لموضوع الاقاليم انا من الزقازيق و لو حد عنده استعداد للحوار مش للشتيمة انا مستنى أقوى عضو هنا في السياسة و نشوف الاقاليم بيفهموا ولا لأ