عرض للطباعة
منهم لله بقي
يوم الصبح لاقيت فية بقعه بوية او ورنيش علي العربية
و مش بتطلع بالمياة او الصابون و مش عارف اعمل اية؟؟
لو فية نصيحة لازالة البقعه دي من غير ميتاثر لون العربية؟؟
شكراااااااااااا.........
_________________
يمنع استخدام اللون الاحمر لغير المشاركات الادارية
مشـرف القسم.
غالى والطلب رخيص
حاجة من اتنين ، يا إما حته قطنة وعليها شوية كومباوند (علبة تباع عند بتاع بويات السيارات-دايما هتلاقى واحد فى كل تجمع سمكرية وبوهياجية-تمنها حوالى 5 جنيه وفيها مسحوق ابيض عامل زى العجينة عباره عن مسحوق صنفرة ناعمة جدا يستخدم لتلميع السيارات) وتفضل تدعك البقعة لحد ما تروح
او قطنة وعليها تنر زى اللى الفتيات بيستعملوه لإزالة طلاء الأظافر وده بياخد مجهود اقل من الكومباوند وآمن على بوية السيارة الأصلية (بشرط انها تكون بوية فرن او بوية الفابريكة، وليس دوكو)
شكرا جدا علي الرد السريع
أستاذ سبعاوى أة الفرق بين البوية الفرن والدوكو ؟؟!
وأزاى أفرقهم من بعض
طب لو كانت بقعة مكان فضلات الطيور, بعد ما نضفتها لقيت بقعة زيتى مكان فضلات الطيور فدى تطلع ازاى؟
الدوكو نوع رخيص من البويات يستخدم لمعالجة الخبطات الصغيرة، لكن نادر جدا لما حد يرش عربية كاملة بيه ، ويعرف بأنه اقل لمعانا من بوية الفرن كما انه بيطلع بغزارة لو عملته بقطنة وكومباوند، وبالتالى لو دعكته بقطنة بكومباوند هتلاقيه طالع فيها بسهولةاقتباس:
المشاركة الأصلية كتبت بواسطة Ibrahim Reda
جرب معاها برضه الكومباوند، اعتقد هيجيب نتيجة مش بطالةاقتباس:
المشاركة الأصلية كتبت بواسطة nader makram