مضيت وصل أمانة عربية متأجرة و العربية محتاجة عمرة كاملة !!

**a_hmed** · 17-07-2011 07:09 AM

اجرت هيونداى النترا 2008 علشان اسافر بيها من اسكندرية

دلوقتى و انا ماشى بيها الحرارة عليت مرة واحدة للاخر خالص وكانت قبلها بخمس دقايق الحرارة عادية جدا
ركنت على جنب بس قبل مالعربية تقف بحوالى 3 ثوانى العربية فصلت لوحدها !!

فتحت الكابوت ملقتش غطاء الريداتير

و مش عايزة تدووور خالص

نزلتها اسكندرية بكساحة و صاحبها وداها لميكانيكى فال البساتم سايحة و عايزة عمرة ماتور كاملة (بساتم و خراطة و خراطة وش سلندر و جوانات و شنابر) هتتكلف 3250

دلوقتى ده كدة يعتبر عيب سواق ولا عربية يعنى مين الى المفروض يتحمل التكلفة ديه ؟؟؟
و لو مش انا ايه نظام الايام الى كنت دافعها و مستفدتش بيها (كنت مأجرها 5 ايام)

و لو حبيت اكبر الموضوع مين الى ممكن يحكم اذا كان انا الى اتحملها ولا صاحب العربية لجنة من التوكيل ولا اعمل محضر ؟؟

و صاحبى ماضى على بياض بدون تاريخ و معاه عقد ايجار و لسة مكملش 21 سنة

يا ريت حد عنده خبرة يرد عليا بسرعة

**HOSSAM99** · 17-07-2011 07:34 AM

أولا قلبي مع حضرتك
ثانيا الغلط كل الغلط علي حضرتك لأن حضرتك ما عاينتش و فحصت العربيه بشكل كاف ساعة الإستلام

يبقي العيب مش عيب سواق هو عيب مستأجر و أكيد حضرتك كاتب في العقد إن حضرتك إستلمت و العربيه في حالتها الطبيعيه و سليمه
يبقي العقد ملزم لحضرتك إنك تصلح التلفيات و تعيد الشئ لأصله ساعة غستلامه

الحل في وجهة نظري بدون شوشره و توسيع للموضوع
حضرتك ممكن تفاوض المؤجر و تحاول إن حضرتك تتحمل جزء و هو جزء بطريقة وديه أو أي شئ من ذلك القبيل

لكن لي سؤال : العربيه دي حالتها كانت أيه ساعة الإستلام كانت بتسحب و تشد و موتورها كان فايق .. و هل حضرتك كنت بتمم علي الميه و سوائل العربيه قبل إستخدامها و لا لأ؟؟؟

**MOUSTAFA_SAAD** · 17-07-2011 07:43 AM

ربنا معاك وحاول تحلها ودى مع صاحب العربيه ومش مشكله ال5 ايام الل دفعتهم

**a_hmed** · 17-07-2011 07:57 AM

المشاركة الأصلية كتبت بواسطة hossam99

لكن لي سؤال : العربيه دي حالتها كانت أيه ساعة الإستلام كانت بتسحب و تشد و موتورها كان فايق .. و هل حضرتك كنت بتمم علي الميه و سوائل العربيه قبل إستخدامها و لا لأ؟؟؟

اولا شكرا لاهتمام حضرتك

ثانيا العربية مش كويسة لانها مجبتش اكتر من 140
و انا مبصتش على المياة
و انا فعلا غلطان فى كدة بس انا قلت ديه عربية جديدة و اكيد مظبوطة

بس فيه حاجة دلوقتى ايه معنى ان غطا الريداتير طار و طلع الى جواه ؟؟ .. اكيد ده عيب من العربية (مشكلة سخونية او تسريب)

انا ايه زنبى انا ماشى عادى بصيت على الحرارة لقيتها زادت ركنت على جنب

**a_hmed** · 17-07-2011 07:59 AM

المشاركة الأصلية كتبت بواسطة moustafa_saad

ربنا معاك وحاول تحلها ودى مع صاحب العربيه ومش مشكله ال5 ايام الل دفعتهم

لو جت على ال 5 ايام مش مشكلة بس المشكلة فى العمرة

**Ahmod** · 17-07-2011 08:10 AM

للاسف مافيش حل غير انك تحاول تحل الموضوع بشكل ودي مع المكان اللى اجرت منه العربية

وبنسبة كبيرة هيقولك انا مديلك العربية سليمة وانت السبب وصلح على حسابك !

وربنا ينتقم من اصحاب شركات التأجير اللى بنسبة كبيرة بيكونو عارفين عيوب العربية وبيحاولو يلبسوها في الناس اللى مالهاش ذنب !

حصل مع ناس زمايلي من كام سنة حاجة زي كدة

اجرو عربية دايو لانوس وهما على الصحراوي فجاءة ريحة شياط يركن على جمب يبص يلاقي العربية بتولع

المهم بعد ماطفو الحريقة الماتور طبعا راح اكتشفو فيما بعد ان الماتور تقريبا كان مخروم او فيه حاجة الله واعلم

وبعد محاولات مع المستاجر اللى صمم على انه مسلملهم العربية سليمة ماكنش فيه اي مجال غير انهم يشترو ماتور استيراد على حسابهم الشخصي وده كلفهم حوالي خمس الاف جنيه !

**HOSSAM99** · 17-07-2011 08:46 AM

العفو يا فندم
لكن قل الحمد لله علي كل حال
و إعتبرها قضاء أخف من أي قضاء ثاني
و حضرتك أكيد عرفت إن أي تعامل مع مكتب إجار يبقي العربيه تتفحص فحص دقيق بقدر اللإمكان
و عليك بالحل الودي

و أخيرا أنا هاقول لحضرتك حاجه لكن أتمني إن حضرتك متحطهاش في حسباتك و تفاوض مع المكتب و عدي الموضوع و متتعاملش معاه
(العربيه دي كانت خلصانه قبل الإستلام و جت في حضرتك (ده إحساس))

**medododo** · 17-07-2011 08:55 AM

انت منتش ضامن الراجل وخصوصا لو نصاب ممكن لو روحت ليه يقولك عايز ماتور جديد من التوكيل
اتنت تتطلع علي الراجل بتاع العمرة ومتجبش سيرة للراجل خالص وتعملها والله يعوض عليك

**eng.m7md.ali** · 17-07-2011 09:21 AM

لو صاحب العربية لسة معرفش يبقى هقولك على حاجة
بما ان العربية اصلا خلصانة من قبل ماتستلمها وحب يلبسها فيك تعمل الاتي
تتصل بيه تقله العربية مالها وتعمل نفسك مش عارف اي حاجة
قوله كمان ان العربية مش بتسحب والتكييف تعبان وانك عايز ترجعها وتاخد عربية غيرها
لو قالك ماشي هاتها وخد غيرها يبقى بعدها بشوية تقوله ان العربية مش عايزة تدور وتعالى خدها انت واخلي مسؤليتك
قوله كمان ان العربية من اول ماستلمتها وهيا كدة

الموضوع: مضيت وصل أمانة عربية متأجرة و العربية محتاجة عمرة كاملة !!

LinkBack

أدوات الموضوع

عرض

مضيت وصل أمانة عربية متأجرة و العربية محتاجة عمرة كاملة !! - انشر الموضوع فى :

-

-

-

-

-

-

المواضيع المتشابهه

ازاى اعرف ان العربية محتاجة ضبط زوايا ؟؟؟؟ او هل محتاجة ترصيص ولا لأ ..؟

عمرة كاملة لل 128

نص عمرة ولا استنى و أعمل عمرة كاملة

عمرة كاملة - نصف عمرة - أم تغيير ما هو تالف فقط؟

عمرة كاملة لعربية زيرو

الكلمات الدلالية لهذا الموضوع

المفضلات

المفضلات

ضوابط المشاركة