التعليم على سوزوكى ماروتى زيرو !!

**abomouhsen** · 17-07-2011 08:51 AM

السادة الأفاضل/ خبراء المنتدى الكرام

يرجى الإفادة برأيكم فى التعليم أو (الممارسة الأولية) على القيادة بإستخدام ماروتى زيرو

ما رأيكم بحسب خبرتكم فى هذا الموضوع ؟؟ علما بأن المتدرب لديه فكرة لا بأس بها عن القيادة ولكن يفتقر إلى الخبرة فى الطريق وحساسية القدم على دواسة البنزين والفرامل

يرجى الإفادة

**dolly13** · 17-07-2011 09:41 AM

صباح الخير
اسمحلى اقول لحضرتك انها فكرة جيدة لانى عملتها من 5 سنين وكانت النتيجة رائعة
بعد تدريبى على السواقة وحصولى على الرخصة اشتريت ماروتى زيرو وطبعا مش قادرة اقولك هى ساعدتنى قد ايه وخلتنى جريئة فى الشارع بسرعة كبيرة اولا لانها عربية صغيرة وابعادها مريحة جدا ثانيا لانى كنت عارفة ان قطع غيارها رخيصة وده بيدينى ثقة ان حتى لو حصل شئ التكلفة هاتبقى معقولة
صدقنى كانت تجربة افادتنى جدا ولكن طبعا بعد سنة او اتنين هاتلاقى اللى بيسوقها عايز يغيرها لانها بقت صغيرة عليه
ربنا يوفقك للاختيار السليم

**abomouhsen** · 17-07-2011 09:55 AM

صباح الخير

أولا أشكرك جدا على اهتمامك وردك المفيد جدا بالنسبالى

بس كنت عاوز اسألك على فكرة استعمال العربية نفسها من ناحية حساسية القدم على الدواسات؟
انا عارف طبعا ان استعمال السيدات اكثر رقة على كل اجزاء العربية بس كنت عاوز اعرف احساسك نفسه وكمان نتيجة ده على العربية (زى مثلا ان الموتور صوته يعلى جدا فى الإستعمال المبدئى للمتعلم) وتأثير ده على العربية

أسف جدا لو كنت بتأل على حضرتك
وأشكرك مرة تانية
تحياتى

**haneen83** · 17-07-2011 12:18 PM

انا كمان على فكره الحمد لله بقالى سنه و نص باسوق على ماروتى و كلنت اول مره اسوق عربيه و فعلا كلامك صح انها علمتنى اتجرأ و شجعتنى

**dolly13** · 17-07-2011 02:26 PM

المشاركة الأصلية كتبت بواسطة abomouhsen

صباح الخير

أولا أشكرك جدا على اهتمامك وردك المفيد جدا بالنسبالى

بس كنت عاوز اسألك على فكرة استعمال العربية نفسها من ناحية حساسية القدم على الدواسات؟
انا عارف طبعا ان استعمال السيدات اكثر رقة على كل اجزاء العربية بس كنت عاوز اعرف احساسك نفسه وكمان نتيجة ده على العربية (زى مثلا ان الموتور صوته يعلى جدا فى الإستعمال المبدئى للمتعلم) وتأثير ده على العربية

أسف جدا لو كنت بتأل على حضرتك
وأشكرك مرة تانية
تحياتى

اولا لا شكر على واجب لان كلنا اخوات فى المنتدى الرائع ده
ثانيا انا مقدرة قلق حضرتك كونها بدون عداد الار بى ام لكن صدقنى انت بتتعود على صوت العربية بسرعة وبتعرف امتى تنقل بسهولة وفى الاول ممكن حضرتك تعتمد على عداد السرعة
ثالثا بالنسبة لدواسات العربية والفتيس فهم ناعمين جدا لكن كون الدركسيون مش باور بيخليه تقيل شوية لكم بطريقة مقبولة جدا
رابعا طبيعى ان اى مبتدئ ممكن جدا صوت الموتور يعلى معاه لانه بيبقى لسة مش واخد على حساسية العربية والموضوع بياخد ايام ويروح
واى استفسار تانى انا تحت امر حضرتك

**abomouhsen** · 17-07-2011 02:36 PM

المشاركة الأصلية كتبت بواسطة haneen83

انا كمان على فكره الحمد لله بقالى سنه و نص باسوق على ماروتى و كلنت اول مره اسوق عربيه و فعلا كلامك صح انها علمتنى اتجرأ و شجعتنى

ميرسى جدا على مرورك الرقيق
وأشكرك على رأيك
تحياتى

**abomouhsen** · 17-07-2011 02:39 PM

المشاركة الأصلية كتبت بواسطة dolly13

اولا لا شكر على واجب لان كلنا اخوات فى المنتدى الرائع ده
ثانيا انا مقدرة قلق حضرتك كونها بدون عداد الار بى ام لكن صدقنى انت بتتعود على صوت العربية بسرعة وبتعرف امتى تنقل بسهولة وفى الاول ممكن حضرتك تعتمد على عداد السرعة
ثالثا بالنسبة لدواسات العربية والفتيس فهم ناعمين جدا لكن كون الدركسيون مش باور بيخليه تقيل شوية لكم بطريقة مقبولة جدا
رابعا طبيعى ان اى مبتدئ ممكن جدا صوت الموتور يعلى معاه لانه بيبقى لسة مش واخد على حساسية العربية والموضوع بياخد ايام ويروح
واى استفسار تانى انا تحت امر حضرتك

ميرسى قوى قوى على ذوقك ..... وعلى مشاعرك الرقيقة
كلامك مفيد فعلا لكل الناس فى المنتدى خصوصا المبتدئين (بإعتبارك خبيرة طبعا)
تحياتى

**dolly13** · 17-07-2011 03:43 PM

ههههههههههه
لا انا مش خبيرة ولا حاجة كل الحكاية ان العربية قعدت معايا سنتين وكنت لسة متعلمة جديد فطبيعى انى اهتم زى ماحضرتك مهتم دلوقتى كدة
ربنا يوفقك وتجيب عربية حلوة باذن الله

**abomouhsen** · 17-07-2011 04:52 PM

المشاركة الأصلية كتبت بواسطة dolly13

ههههههههههه
لا انا مش خبيرة ولا حاجة كل الحكاية ان العربية قعدت معايا سنتين وكنت لسة متعلمة جديد فطبيعى انى اهتم زى ماحضرتك مهتم دلوقتى كدة
ربنا يوفقك وتجيب عربية حلوة باذن الله

يافندم حضرتك خبيرة الخبراء ..... كفاية وصفك الدقيق لديناميكية الحركة التفاعلية الطردية متداخلة الإنبثاق المحورى لحركة دواسات البنزين للماروتى

مش ملاحظة معايا ان كل اللى رد على موضوعى بنات ؟!!! هيا العربية دى حريمى بس وللا ايه ؟؟؟ انا ابتديت اقلق .... هههههه

متعرفيش سعرها كام فى إسكندرية ؟ أصلى أنا عايش برة مصر ومش متابع .....يارب مكونشى تقلت عليكى
تحياتى

**Amr Axel** · 17-07-2011 06:38 PM

انا وجهة نظري انها هتكون مفيدة لو لسه بتتعلم نظرا لأن ابعادها قريبة و تقدر تشوف كل جوانب العربية
و هتفيد عشان لو لسه بتتعلم الركن لأن حجمها صغير و تركنها في اي مكان و مش هتتعبك
و لو ل قدر الله اي حاجة حصلت قطع الغيار رخصة جدااا و متوافرة
بالاضافة ان اي شغل فيها بسيط مش محتاج دكتور و لا مخترع زي الالنترا اللي تعقد في موتورها هههههه
لكن في نفس الوقت مشكلتها اني لاحظت ان اسطوانة الدبرياج بتاعتها بتفور بسرعة خاصة لو الشخص رجله تقيلة ع الدبرياج فتحاول تظبط رجلك و تكون خفيفة
و الصاج خفيف شويتين كعادة جميع العربيات الجديدة او اللي قريبة من الفئة ديه
فتحاول متعندش مع حد و اللي عايز يدخل يدخل و تمشي واحدة واحدة لحد ما تتعود ع مرونة الشعب المصري في السواقة و تعدية الشوارع ههههههه

لكن كعربية في البداية حلوة و هتساعدك خاصة في الشوارع و اخلاق الناس اللي بقت اسوء من الأول دلوقتي و ان مفيش رقيب عليهم و كل واحد يعمل اللي هو عايزه و اي حاجة هينزل يتخانق

و ده موضوع اتمني يفيدك

http://www.nilemotors.net/Nile/229742-a.html

و بالتوفيق ان شاء الله