سؤال فنى فى تزويد مياه الريدياتير

**smsm_cato** · 17-07-2011 11:35 AM

دلوقتى يا جماعة كلنا متعودين حتى الصنايعية انك لما بتيجى تزود مياه للرادياتير لازم تكون العربية دايره وده علشان المياه تتقلب طيب ايه المشكله لو زودت الريدياتير والعربية مبطلة استناداً الى الاتى لما العربية بتروح بيها وتركنها فى الجراج وتيجى تدور تانى يوم بتكون المياه باردة وثابتة فى مكانها فى الريدياتير ومجرد متدور تبدا الطرمبة بتاعة المياه تشتغل وتقلب المياه فى ايه بقى لو زودت مياه على القديمة وبعد كده دورت ايه المشكله اللى ممكن تحصل هل فى فرق ارجو المشاركة لان الموضوع ده محيرنى بقالى فترة

**medododo** · 17-07-2011 11:45 AM

ولا حيرة ولا حاجة
لو العربية باردة وبايتة من امبارح ذود من غير ما تدورها
ولو سخنة زود وهي دايرة
الفكرة انك متحطش مياه باردة على الموتور السخن الا لو كان داير عشان المياه تتقلب السخن مع البارد اللي بتزودها
عشان بالبلدي كده كأنك جبت مسمار متسخن علي النار وحطيته عليه مياه ساقعة

**abdalah_hashem** · 17-07-2011 01:10 PM

الو العربية سخنة مينفعش تزود مياة الردياتير وهى واقفة لانك ممكمن تضيع وش السلندر لازم تدورها عشان تقلب المية ومتروحش باردة قوى وش السلندر السخن قوى بالنسسبة لها

اما لو العربية باردة تماما زود وهى مبطلة مفيهاش مشكلة :))

**ABOASSEM** · 17-07-2011 01:52 PM

المشاركة الأصلية كتبت بواسطة abdalah_hashem

الو العربية سخنة مينفعش تزود مياة الردياتير وهى واقفة لانك ممكمن تضيع وش السلندر لازم تدورها عشان تقلب المية ومتروحش باردة قوى وش السلندر السخن قوى بالنسسبة لها

اما لو العربية باردة تماما زود وهى مبطلة مفيهاش مشكلة :))

كلام حضرتك مظبوط 100 في 100 الله يبارك في حضرتك

والاضمن ان يتم تزويد المياه من خلال الاربة

**smsm_cato** · 17-07-2011 02:05 PM

طيب انتوا كده طمنتونى وتبقى وجهة نظرى صح لانى فعلا كنت اقصد لما العربية بتكون راكنة فى الجراج وحبيت ازودها قبل ما اطلع الصبح وده الامر اللى استندت اليه فى كلامى لو تلاحظوا

**Amr Axel** · 17-07-2011 03:35 PM

زي ما الاخوة قالولك
تزود مية و هي دايرة لو العربية سخنة
لو باردة من غير ما تدور

في حالة واحدة بس تزود مية و العربية دايرة لو هي واقفة و باردة
و هي ان الريداتير يكون مخروم عشان المية متوقعش من الريداتير بندور العربية
و نزود مية عشان المية تنزل تلف في الدورة بتاعتها و متنزلش