الموضوع: نداء الى الثوار و مؤيديهم على المنتدى : ماذا تريدون من حزب الكنبة , خارج المنتدى ؟

المشاركة الأصلية كتبت بواسطة wesam_salom

الي متظاهر روكسي:

بتتظاهر ليه؟ عشان انا ضد التظاهر.
حتعتصم ليه؟ عشان انا ضد الاعتصام..

لله فى خلقه شئون

و يخلق مالا تعلمون

المؤيدين للثوار الحاليين فقط حتى لو انتقدوهم في نقطة او اتنين

يعني انا مؤيد جداااااااااااااااا و موافق علي بقاء الناس في التحرير و كل الميادين العامه في مصر و شايف انه شيء ضروري جدااااااااا و حيوي لتنفيذ مطالب الناس و نجاح الثورة نجاح كامل باذن الله لان اللي اتحقق لحد دلوقتي ميتعداش 10 او 20 % من النجاح يعني الثورة لسة في مرحلة الرسوب و موصلتشي للنجاح اللي هيتحقق ان شاء الله بمواصله الضغط لتنفيذ المطالب



اتمني تكوت قريت الكلام دة

المشاركة الأصلية كتبت بواسطة تامر.محمد

يا عم خرمت عيني
ما انا باقول لك كده عشان تعرف اننا متفقين و ان الكلام اللي انا كاتبه يشملك

اسف علي سوء ظني

الشعب المصري بطبيعته بيحب الاستقرار و كانوا زمان بيقوا اننا واخدين من نهر النيل انسيابه و استقراره و كمان احنا اللي ابتدعنا عبارة عصفور في اليد خير من عشرة علي الشجرة

تغيير الطبيعه دي مش سهل و تعريف الناس ان الدنيا فيها حقوق كتير اوي اكتر من الاكل و الشرب هيتطلب وقت كتير و هيتطلب توعيه و مجهود و للاسف بعد 11 فبراير الوقت كان متاح جداااااااا و انسب وقت لتغيير العقليه المصريه دي و لكن اللي حصل بعدها ان الناس اتقلبت فرق و احزاب (( سلفيين و اقباط و اخوان و ليبراليين و علمانيين .......... )) و دة برضة اللي هيحصل بعد الاعتصام الموجود دلوقتي

علشان كدة انا ضد تسميه حزب الكنبه لان بعد ما الناس ماتت و استشهدت في التحرير و غدوا اول مرحله بنجاح عظيم و هو خلع مبارك مبذلوش نفس المجهود في توعيه الناس اللي في البيت و في الناحيه التانيه الاعلام المصري الفاشل استمر في فضج السلبيات تحت ستار الشفافيه و تجاهل كل الايجابيات فالناس دي لو حطيت نفسي مكانهم مشفوش حاجة حلوة من بعد الثورة علشان كدة هما ليهم عذرهم يعني هما كل اللي شايفينه ناس قاعدة في التحرير معطلين الدنيا و واقفين حال البلد و في نفس الوقت الناس في التحرير اتنقلت من مرحله الاقناع و التوعيه لمرحله هو كدة اذا كان عاجبكم فبقي جزء من الشعب عدو للجزء التاني

لازم علشان حزب الكنبة يفهم و يعرف يتم التحرك علي كذا محور (( محور اعلامي يكون ليه صوت في مواجهه طوفان السلبيه اللي في القنوات الفاشله و محور اثبات حسن النيه بفتح ميدان التحرير مع استمرار الاعتصام ))

بمعني ان الثوار مش معطلين حاجة و مفيش حجة لوقف الاقتصاد و وقف حال البلد و الكلام دة و في نفس الوقت الاعتصام مستمر لحين تحقيق المطالب

حزب الكنبه و الله معذور لان الزن علي الودان امر من السحر و دول طول النهار و الليل مش شايفيين غير سلبيات و سبب السلبيات و الفقر و نقص السلع و ارتفاع الاسعار و الفتنه و الاختناق المروري و كل البلاوي معروف و هو اعتصام التحرير

المشاركة الأصلية كتبت بواسطة meza

يوم الجمعة عمرو مصطفى كان بيجعجع و يزعق بيقول إنه معتصم فى روكسى لحد ما المطالب تتنفذ ...

‫ط§ظ„ظ…ط·ط±ط¨ ط¹ظ…ط±ظˆ ظ…طµط·ظپظٹ ظپظٹ ط§ط¹طھطµط§ظ… ظ…ظپطھظˆط. ط¨ظ…ظٹط¯ط§ظ† ط±ظˆظƒط³ظٹ‬‎ - youtube

تانى يوم (إمبارح) الضهر معدى من هناك .. لقيت الخيم و لقيت اليفط و كل حاجة .. بس سبحان الله مفيش جنس مخلوق موجود فى أى خيمة! .. ده أنا وقفت العربية و نزلت أبص .. بجد مفيش حد خالص!

لله فى خلقه شئون برضه

ما هي الخيم هي اللي عامله اعتصام و ثابته علي مبادئها