الموضوع: نداء الى الثوار و مؤيديهم على المنتدى : ماذا تريدون من حزب الكنبة , خارج المنتدى ؟

سلام عليكم
دلوقت فيه مجموعة من الثوار , او اللي بيأيدوا الثوار على المنتدى هنا
و فيه طبعا ما اطلق عليه حزب الكنبة , خلينا نتكلم على حزب الكنبة بصفة عامة , او حزب الكنبة اللي برة المنتدى عشان ماحدش يزعل

احنا عارفين حزب الكنبة عايز ايه , اقعدوا و اتهدوا في بيوتكم و اهمدوا و سيبوا اللي حاكم يحكم زي ما هو عايز, مهما عمل المهم اننا عايشين

السادة الثوار او مؤيديهم , عايزين من حزب الكنبة ايه ؟



ملحوظة , اتمنى اني ما اسمعش رأي في الموضوع ده الا من المؤيدين للثوار الحاليين فقط حتى لو انتقدوهم في نقطة او اتنين

المشاركة الأصلية كتبت بواسطة M.Mosaad

حزب الكنبه و الثوار هما طرفي نقيض بين طرفي النقيض دول في درجات كتير فيها ناس برضة يعني الموضوع مش ابيض و اسود يعني لو انا رافض الاعتصام ابقي حزب كنبة و لو انا موافق ابقي تشي جيفارا

يعني انا مؤيد جداااااااااااااااا و موافق علي بقاء الناس في التحرير و كل الميادين العامه في مصر و شايف انه شيء ضروري جدااااااااا و حيوي لتنفيذ مطالب الناس و نجاح الثورة نجاح كامل باذن الله لان اللي اتحقق لحد دلوقتي ميتعداش 10 او 20 % من النجاح يعني الثورة لسة في مرحلة الرسوب و موصلتشي للنجاح اللي هيتحقق ان شاء الله بمواصله الضغط لتنفيذ المطالب

و لكن ...........

انا رافض تماما لفكرة اغلاق ميدان التحرير و الميادين العامه و منع مرور السيارات و اغلاق مجمع التحرير في بدايه الاعتصام و الاطلاع علي البطاقات الشخصيه من ناس انا اساسا معرفهمشي و ملهومشي سلطه علشان يشوف تحقيق الشخصيه بتاعي او يفتشني او يفتش شنطي و شايف ان دة نوع من انواع البلطجه

الاعتصام ضروري و حيوي لنجاح الثورة و لكن اغلاق المنافذ الحيويه شيء سيء جدااااااااااااااا و مش حضاري

يعني انا لا مع حزب الكنبه و لا مع الثوار

خلاصة الكلام مش كل اللي رافض حزب كنبه و مش كل اللي موافق ثائر هي درجات و كل واحد رايه يحترم يعني انا مع الثورة و استمرار الاعتصام و مدرك لاهميه الاعتصام لتحريك المياه الراكدة و لكن رافض لطريقة الاعتصام

المؤيدين للثوار الحاليين فقط حتى لو انتقدوهم في نقطة او اتنين