انا كمان مع رايك بس محتار بين الصني و البرسونا[/quote]
بص يا أخي الكريم ومع احترامي لكل حبايبي واخواني في المنتدي كله ... لانهم اخواني فعلا انا بقعد معاكم اكتر ما بقعد مع اهل بيتي .
انا كنت في حيرتك ديه بالظبط وكانت قدامي الجين تو والابترا حتي ... وكنت دايخ ومكنتش بنام لغاية ما استقريت الحمد لله
بس انا كان لاااااااااازم اجيب عربية قطع غيارها كتيييييييير (مش متوفرة) كتيير ورخيصة لاني كنت طالع من الماني وطلع عيني وتستحمل الشقي و5 سنين علي الاقل لغاية ما اخلص القسط وتوكيل محترم
وانا اصلا كنت بسمع الصني العجب زي ما انت كنت بتقول
بس سبحان اللي سخرها ليا ... وقدرت العربية ديه صح ومن اللي بشوفه في العربيات اللي في نفس فئتها اتأكدت بفضل الله وستره انها الوحيده في الفئة اللي ممكن تستحمل معايا ال5 سنين من غير حتي ما حالتها العامة تتدهور وان كانت لسه جديدة كصالون.
البيرسونا زي الجين تو .. جميلة جدا جدا واللي ضيعها عز العرب منه لله ... ولو قطع غيارها كتييييرة والناس اشتغلت فيها وعارفاها ... كنت فاضلت بينها وبين الصني ...... بس مجرد اني ملاقيتش عدد محلات قطع الغيار اللي ترضيني والتوكيل مالوش 30 لازمة ..... قلتلها شكرا والحمد لله ربنا ييسرلي الصني.
ممكن اخواني في المنتدي هنا ليهم سكة مع محلات بروتون ... ويقدروا يفيدوك
بس انا مبحبش الف علي حاجة كتير وحد يتحكم فيا وسعر اي قطعة غيار متفاااوتة التفاوت الرهيب لمجرد مفيش منها كتير ... ده غير عطلة الميكانيكة او التوكيل اللي هو مش قد كده.
يارب اكون افدتك واسف جدا جدا علي الاطالة اخي الكريم :))