الموضوع: صوت طقه محيرانى انا والصنايعية

السلام عليكم ورحمة الله وبركاته

يا شباب انا عربيتى ريجاتا 85 بسمع وانا ماشى طوالى وبطلع مطب ببطء او و انا بركن او بحود صوت طقه واحده كده ناحية العجلة اليمين وتختفى بعد كده روحت للعفشجى عمل تشيك على العفشة كلها وقالى عفشتك زى الفل ممكن تكون اى حاجه تانية غير العفشة روحت لبتاع اتزان وعفشة برده قال نفس الكلام روحت لواحد تالت واخير قال برده نفس الكلام بس قالى فى الاخر شيل المصفحة واعملها طقم مسامير لان هى اللى بتعمل كده سمعت كلامه وشيلتها خالص .... برده عملت نفس الصوت روحت له تانى وقعدنا نلف بيها ونجربها فين وفيييييين لما عملت الصوت تانى اول ما سمعه قالى ده يا أما بلية العجل واسعه فى الشميز (( السره )) بتاعها فبتعمل كده معاك يا اما كوبلن ؟؟؟؟

بصراحة انا كنت مغير جوز الكبالن من سنه وكنت جايبهم ايطالى من محمد يوسف وما مشيتش عليهم اكتر من 14000 كيلو بالكتير ومستبعد حكاية الكوبلن دى خصوصا انها طقه واحده ومش فى الملفات حتى وانا بطلع مطب براحه يعنى لو الكوبلن فى بداية البوظان مش هيطقطق فى الطوالى طبعا ولا ايه ؟؟؟
فدلونى يا اهل الخبرة اعمل ايه هل اغير البليه واتكلف حقها وانا وحظى ولا ايه ؟؟؟


معلش سؤال تانى واسف جدا للاطالة عليكم

يا ريت أعرف هل الاكصدامات بتاعت العربية الفبر ممكن تتصب عند بتاع الفبر مكان الشروخ والكسور ولا مفيش الكلام ده ؟؟؟ ولو فيه سعرها بيبقى كام ؟؟

وشكرا مقدما على الردود

المشكلة دى كانت عندى ايام مكنت لسة جايب الريجاتا ولفيت بردو على اكتر من ميكانيكى ومكنش حد عارف الصوت منين ولا كان كوبلن ولا مصفحة ( نفس الكلام اللى سمعتة ) واحد بس اللى حلهالى واكتشفها بالصدفة تقريبا فك سوستة التيل وجاب واحدة من عندة وركبها وحاجة كمان كدة بس مش فاكر بجد قوى الكلام دة من خمس سنين او اكتر بس المهم انها كانت نفس المشكلة صوت الطقة ومرة واحدة مع الطلعة انصحك خلى الميكانيكى يراجع على الحاجة اللى مش هتيجى على بالة خالص وفاكر انها ملهاش علاقة بالمشكلة ( زى مقولتلك اكتشفها بالصدفة بعد ملفيت على اكتر من واحد ) وهو خدها تصميم انة لازم يعرف دى من اية لان العربية مكنش فيها اى حاجة