برجاء المساعده في تغيير نور تابلوه التكيف بتاع لانوس 2001 النور كله مطفي
عرض للطباعة
برجاء المساعده في تغيير نور تابلوه التكيف بتاع لانوس 2001 النور كله مطفي
ممكن يكون فيوز
على العموم ممكن تتسلى و تكشف على الفيوزات اللى جوا العربية و اللى برا بس الفيوز اللى تبص على ترجعه مكانة على طول قبل ما تخلع اللى بعدية علشان مفيش واحد يركب غلط مكان واحد تانى
على العموم دة كشف فى الاوال و مش هيخسر حاجة و استنى برضة راى الاعضاء
هي الفكره كويسه بس ما أظنش ان التكييف ليه فيوز ليه لوحده عموما لو ماكانش كده همل لمبتين سفايا بس لازم تفك البلاستيكه اللي علي شكل حرف u اللي فوق الطفايه وبعدين تفك الدرج الفاضي ده وبعدين الكاسيت وبعدين التكييف
انت كده معاك التكييف بس علشان توصل للمبتين دول هتفك سلوك الكهرباء اللي واصله في التكييف علشان الوش يطلع معاك لبره شويه بس خد باللك ملتشدوش جامد علشان متكسرش الويرات وبعدين هتلاقي في اربع مسامير صغيرين من جوه الوش علي الأربع أطراف هتفكهم بمقك صغير جدا من بتاع الالكترونيات ده وقبل ما تشد الوش لبره ما تنساش تشيل المفتاخ بتاع تغيير نسبه الهوا اللي بيروح يمين وشما ده هتنطره كده بأي مفك مبروك انت كده وصلت للمبتين الموضوع بسيط بس محتاج صبر
لو انت عندك استعداد قولي وانا ان شاء الله هحاول أرفعللك الصور بالظبط انت أصللك رجعتني لأيام ما كنت ناوي أعمل موضوع عن فك التكييف لاني أحترت زيك كده لما كنت عاوز أغير لون النور وماوصلتش لحل غير اني أخدت القرار واستعنت بالله وظيطت لوحدي
بالتوفيق
وممكن تراجع اللينك ده
http://www.nilemotors.net/Nile/191662-a.html
او
http://www.nilemotors.net/Nile/19100...post3873181629