التكييف معموله عمل أو راكبه جووووووووووووست

**honda forever** · 17-07-2011 04:51 PM

صباح الجمال على أحلى عصابة
طبعا إنتوا عارفين مشوارى مع التكييف وإنه الحاجه اللى طلعت عينيا فى العربيه لدرجة إنى حاسس إنه معموله عمل ومربوط تحت مركب فى كوالالمبور هههههههههههه
بداية الحكاية للى مش عارف إن التكييف كان بيسرب فريون قمنا كبسنا الدايره لمدة ساعتين مفيش تسريب فقالى فنى التكييف ده أكيد الكباس بيسرب مع المشى قلت آمين غيرنا الكباس والسربنتينه كانت بايظه وملحومه غيرناها بالمره وبرضوا الفريون بيسرب فى خلال أسبوع بالكتير
قالى التلاجه مش بتاعتها وكلامه صح لأن كذا واحد شافها وقال نفس الكلام غيرتها وغيرت الأكسبانشن بواحد جديد نفس الموديل وبرضوا الفريون سرب بعد أسبوع
قالى الكباس التانى هو اللى بيسرب مع المشى رجعته لأن كان عدى عليه شهر تقريبا وأخدت الفلوس وجبت واحد تانى من عند حد تانى خالص
وبرضوا فى تسريب بعد نفس المده تقريبا اللى هى 6 أيام
اللى غايظنى فى الموضوع ده وأنا والحمد لله راضى بقضاء الله إن كل مرة بنكبس الدايره ساعتين تقريبا والعداد مبينزلش خالص
أخيرا الفنى قالى هنفك التكييف ونكبسه بره لمدة يومين ونشوف لو فيه تسريب (قلتله شكرااااااااااااااااااا)
وأخدت قرار إنى مش راجعله تانى حتى لو همشى بالعربيه من غير تكييف
أنا فكرت أروح لحد تانى بتاع تكييف بس مش عايز أروح لأى حد والسلام
عايز رأيكم يا رجالة القسم أو المنتدى لو حد عنده تجربه مماثله
أو لو حد يعرف فنى تكييف كويس ميفتحليش فتوحه تانى يدلنى عليه وله الأجر والثواب من الله
وربنا ميوقع حد فى حاجه زى اللى أنا فيها دى وشكرا

**Hamdy Masria** · 17-07-2011 05:09 PM

ربنا معاك
انا عندى الكباس ضرب
هو سعرة كام تقريبا وبتجيب من عند مين

**Mik_t4** · 17-07-2011 05:13 PM

معلش ربنا معاك
بس للاسف انا معرفش

**honda forever** · 17-07-2011 05:23 PM

المشاركة الأصلية كتبت بواسطة hamdymsr

ربنا معاك
انا عندى الكباس ضرب
هو سعرة كام تقريبا وبتجيب من عند مين

الكباس ال 134 بتاع ال 97 بيعمل من 450 إلى 600 من غير القاعده

**douha_wise** · 17-07-2011 08:49 PM

المشاركة الأصلية كتبت بواسطة hamdymsr

ربنا معاك
انا عندى الكباس ضرب
هو سعرة كام تقريبا وبتجيب من عند مين

أنا كنت سألت عليه فى الحرفيين عند واحد اسمه ابو قصة و قالى بالقاعدة ب600 و انت ممكن تخفضه شويه و تليفونه
0104137449 و طبعا انا اقصد كباس 97 بقاعدته و المفروض على كلامه هيفكه من نصف عربيه عنده و خلى بالك انت هتحتاج تعدل فى الخراطيم اللى خارجين من الكباس فقله انا عايز البالتتين بتوع كباس ال 97 معاه
و على فكره يا جماعه من اللى انا شفته من واقع تجاربى و تجارب غيرى ان اصعب شئ فى العربيه بيأخذ وقت و بيغلب و بيتصرف عليه كتير و ليس له منطق معين فى تصليحه هو تكييف السيارة بجد حاجه تقرف

**No Comment** · 17-07-2011 09:30 PM

مهو علشان كدة يا سيد ابراهيم انا بحمد ربنا على كفائة اللى عندى على حاله وخايف اوديه لحد مفتكس وبدل ما يكحله .. يعميه هههههههههه .
بس الفرق بينى وبينك انه شغال عندى وملعبتش فيه من ساعت ما جبت العربية ولا حتى شحنته ... كل شغلى فيه كان فى ضفيرة الكهربة بتاعته .
ونفسى افوقه بس حاجات بسيطة لانه بأحوال مرة يسقع اوى ومرة نفس العفريت اللى عندك بيركبه ... بس خايف من الصنايعية المفتكسون علشان عارف انه ممكن يكون عاوز حاجة بسيطة بس وهما يكبروا الموضوع لاشتغالى .

وأضم صوتى لصوته فى رحلة البحث عن صنايعية تكييف بيفهموا بجد وما بيألفوش ولا بيشتغلوا الناس عن طريق التجربة والخطأ .

**wael ahmed** · 17-07-2011 10:30 PM

هههههههههههههه والله ضحكتنى يا استاذ ابراهيم فعلا تكييف الهوندا ده حد عمله عمل

طب كل الهونداويه عارفيين انى عملت التكييف وظبط معايا الحمد لله .. بس النهارده نازل ومستعجل وطبعا العربيه بتبقى فرن فى عز الضهر فاول مادورت العربيه شغلت المراوح وبعد كده شغلت التكييف هل طبيعى انا الهوا اللى يطلع سخن وخد بتاع 5 دقائق
علشان يطلع هوا ساقع ... قولت يمكن علشان العربيه بارده ... بس مش عارف ده طبيعى ولا لأ ؟!! انا عربيات كتيير بركبها اول ما بدور واشغل التكييف زى الفل .....

المهم بقى المفاجأه بعد ما وصلت مشوارى وكل ده مشغل التكييف ... سمعت صوت فسسسسسسسسسس حاجه بتسرب ببص لقيت الصوت ده طالع من ناحيه الكباس ....... مش عارف بقى كده فيه تسريب ولا لأ بس التكييف شغال معايا زى الفل الحمد لله ومركزتش مع الصوت تانى .. وكلمت محمد اللى عملت عنده التكييف قالى ابقى عدى عليا اشوفلك فيه ايه : )

**No Comment** · 17-07-2011 10:36 PM

لا يبقى احنا كدة عاوزين Ghost Busters مش حد بتاع تكييفات ...!

-

الموضوع: التكييف معموله عمل أو راكبه جووووووووووووست

LinkBack

أدوات الموضوع

عرض

-

-

-

-

-

المواضيع المتشابهه

جنوط 16 تايوانى hrs كانت راكبه فى سيفيك 92 جبتهم جداد واستعمال 8 شهور

لمالكى النترا 2012 اخبار التكييف معاكو ايه وخصوصا التكييف الاوتو فى حر السنه دى ؟؟؟

ازاي تعرف ان عداد التاكس اللى انت راكبه شغال شمال ...!!!

للناس اللي راكبه فيات سيينا...ايه رايكم ف التكييف بتاعها؟

الكلمات الدلالية لهذا الموضوع

المفضلات

المفضلات

ضوابط المشاركة