اقتباس:
المشاركة الأصلية كتبت بواسطة abokoko
اخى بيفكر يشترى النترا الجديده من الكويت وتبقى هى العربية اللى يحتفظ بيها وينزل بيها مصر مستقبلا __ بافراج جمركى -- وبيسال بعض الاسئلة
باعتبار انها ستكون 1600 سي سي كاملة - هاى لاين
1- جماركها بعد اربع سنوات تقريبا هتكون كام
2 - هل يمكن بيعها بسهولة داخل مصر اذا ما فكر بذلك
3- هل توجد اختيارات لسيارات اخرى يمكن شراؤها من الكويت وتكون احسن
عن نفسي قلت له يبص على الكارينز
بالنسبة لفئة السيارات إللي مواتيرها ما بين 1300 - 1600 سي سي
فهي بتخضع لإجمالي جمارك حوالي 66 % من تمنها ( الجمرك و الضريبة و رسم تنمية )
طبعا تمنها ده معناه إن الجمارك عندهم ليست ب كل العربيات و الموديلات و أسعارها إللي خارجه من المصنع لإن التوكيل طبعا بضيف هامش ربح أو ممكن تشتريها وقت العرض فمستحيل تتحسب على تمن الفاتورة
اول سنة إستخدام خصم 10 % من الإجمالي و كل سنة بعد كده خصم 5 % بحد أقصى 50 % خصم يعني 9 سنين = أول سنة 10 % + 8 سنوات * 5 %
طبعا سنة الجمرك بتبتدي من شهر أكتوبر و العبرة في الإحتساب ببداية الترخيص
بمعنى العربية اشتريتها و رخصتها 1 - 9 بداية من 1 - 10 نفس السنة كده انته بقالك مستخدمها سنة بحالها مع العلم إن لازم يكون سنة الموديل هي نفس سنة الترخيص شرط أساسي
بالإضافة لازم يكون بقالو مقيم في الخارج مدة لا تقل عن سنة
إللي أعرف إن موديل كيا سيراتو فول أوبشن أوتوماتيك ال 66 % من تمنها حوالي 48 - 50 ألف جنيه و متأكد من الرقم
أظن الألنترا و السيراتو سعرهم متقارب الأخوة يفيدوك بقى في موضوع السعر
ده كل إللي أعرفه عن موضوع الجمارك
بالتوفيق