شعبى الحبيب ...
الصبور المهاود ( سابقاً )

كنت استمع الى اوبريت الليله الكبيره رائعة صلاح جاهين و سيد مكاوى رحمهما الله
و لا أعرف لماذا تخيلتُ ان اوبريت الليله الكبيره اصبح يمثل واقعنا المصرى الأن !!!
" الليله الليله السيرك تعالوا دى فرجه تساوى جنيه قولوا هيه "
نحن نعرف ان الوضع اصبح يشابه السيرك بل و يتفوق عليه !!

لا احد يعرف بالضبط ما هى أسماء أبطال المشهد الان ؟
من هو شجيع السيما ابو شنب بريمه و لا من هو الاسد او شخصية الاراجوز و من هو البلياتشو اللى بينتش ؟؟
كل واحد فينا يعتقد انه الاسد بطل العرض و الاخريين اونطجيه.

ان اهم شخصيه فى " البورنامج السواريه " و الماتينيه أيضاً
المعروض فى ربوع مصر و فى " شوادر التحرير "
هى شخصية العمده التى تمثل شعب مصر ( كما تخيلتُ )
ان العمده ابو عمه مايله ( رمز العظمه )
يسأل الاراجوز عن منيين يروحوا المتولى ؟

انه يتخبط و يسأل عن الاتجاه الصحيح و الاقصر للذهاب الى الحرية و الاستقرار ( المتولى )
و يجيبه الاراجوز بوصفه سحريه هايله تؤدى الى ذهابه لمقلة اللب بدلاً عن المتولى
و يقول الاراجوز للعمده ساخراً " و لما تلجى مقلة لب تعرف بانك تهت و ضعت "

و يرد العمده سعيدا " دى وصفه هايله دى وصفه سهله "

يا عمده يا أبو الرجاله " فتح عينك تاكل ملبن "
و خلى بالك من سكتك لازم بإذن الله توصل للمتولى
و النشيد يفضل " بلادى بلادى لكى حبى و فؤادى "
اوعى النشيد يتغير و يبقى " طار فى الهوا شاشى "

حماكَ اللهُ يا عمده ...

--------------------
ادعوك للاستماع الى الاوبريت
و تخيل انه صدر
لوصف أيامنا هذه ...

الرابط بالاسفل 12 دقيقة 5.4 ميجا بجودة CD
ط§ظ„ظ„ظٹظ„ظ‡ ط§ظ„ظƒط¨ظٹط±ظ‡.mp3 - 4shared.com - online file sharing and storage - download