لماذا تخافون من حكم شرع الله؟؟؟

**AmAhmed** · 17-07-2011 08:56 PM

البورصة حلال و غير متعارضة مع قواعد الاقتصاد الاسلامي و الشريعة - المشكلة في الشركات و اسهمها مش في البورصة
يعني شركة مشروبات روحية او شركة ميديا صاحبة قنوات اغاني و مليئة بالمخالفات - لا يجوز التعامل في اسهمها - لانك ببساطة عند شرائك للاسهم و احتفاظك بهم و لو لمدة دقيقة واحدة فانت شريك في الشركة و مسئول عما يحدث فيها من تجاوزات

اما البنوك فلا يتم الغائها - لكن يتم اجراء تعديلات تدريجية قد تحتاج عدة سنوات لتطوير الاداء المصرفي بما يتوافق مع الشريعة الاسلامية

و يمكن القاء نظرة علي السعودية - لا اقول ان التجربة ستتكرر بحزافيرها - لكن في بنوك و في بورصة و مش كل الرجال تطلق لحاها و اللي يطلق لحيته و اظهر الالتزام بيسموه مطوعة - كما نجد ان مدن المملكة السعودية لا تسير علي نفس المنهج و هناك اختلاف في العادات بين المدن
و ده علي سبيل المثل فقط

**alrabeh** · 17-07-2011 09:03 PM

قال النبي صلى الله عليه وسلم " تكون النبوة فيكم ما شاء الله أن تكون ثم يرفعها الله إذا شاء أن يرفعها ثم تكون خلافة على منهاج النبوة فتكون ما شاء الله أن تكون ثم يرفعها الله إذا شاء أن يرفعها ثم تكون ملكا عاضا فيكون ما شاء الله أن تكون ثم يرفعها الله إذا شاء أن يرفعها ثم يكون ملكا جبريا فتكون ما شاء الله أن تكون ثم يرفعها إذا شاء أن يرفعها ثم تكون خلافة على منهاج النبوة ثم سكت ". رواه أحمد

اللهم قر أعيننا بتطبيق شرعك واحشرنا فى زمرة من يحبون تطبيق الشريعة وتنفيذ حدودك كما تحب وترضى
ومن لايحب أو من يخاف من حكمك فاهده الى صراطك المستقيم

**ahmedbatoos** · 17-07-2011 09:17 PM

تصحيح بسيط البورصة ليست حرام . . الحرام هو البيع والشراء بدون اصول . . الي من ضمن الاسباب الكبيرة الي بتدمر الاقتصاد في النظام الرأس المالي اليبرالي والي الغرب نفسة بيدور علي طرق يلغيها . . .

----

اظن الي هيخاف من تطبيق الشريعة ( ويكون عارفها حق معرفة )

اكيد هيكون خايف لا تطبق علية d:

**aminibrahim** · 17-07-2011 09:32 PM

بصوا -- لما يبقي في ناس مؤ هله انها تطبق الشريعه نبقي نقول نطبق الشريعه

دا انت كل الي عندك في البلد وصووليين وديكتاتوريين اكتر من مبارك نفسه

قول يا باسط

**M.Zaher** · 17-07-2011 09:39 PM

المشاركة الأصلية كتبت بواسطة aminibrahim

بصوا -- لما يبقي في ناس مؤ هله انها تطبق الشريعه نبقي نقول نطبق الشريعه

دا انت كل الي عندك في البلد وصووليين وديكتاتوريين اكتر من مبارك نفسه

قول يا باسط

ما شاء الله
عرفت ازاي ان محدش مؤهل انه يطبق الشريعه

و بالمناسبه شرع الله ليس بصعب في التطبيق

يا باسط

**AmAhmed** · 17-07-2011 09:47 PM

المشاركة الأصلية كتبت بواسطة ahmedbatoos

تصحيح بسيط البورصة ليست حرام . . الحرام هو البيع والشراء بدون اصول . . الي من ضمن الاسباب الكبيرة الي بتدمر الاقتصاد في النظام الرأس المالي اليبرالي والي الغرب نفسة بيدور علي طرق يلغيها . . .
----
اظن الي هيخاف من تطبيق الشريعة ( ويكون عارفها حق معرفة )

اكيد هيكون خايف لا تطبق علية d:

صحيح .. جزاك الله خيرا
و يسمي الشراء بالهامش او الكريدت

**Ahmed Anwer** · 17-07-2011 10:01 PM

شخصيا معنديش اي مشكلة مع تطبيق شرع الله ،

( مع ملاحظة إنه هيكون بوجهة نظر اللي هيطبقه ))

مشكلتي بقه مع اللي هيطبقه ،

هيديني الفوائد الحقيقية لتطبيق شرع الله

كرامة الإنسان - العدل - الحرية - العزة - التنمية و التقدم - العدالة الإجتماعية

يا أهل و سهلا بيه

(( أهلا و سهلا بشرع الله علي كل حال - الكلام علي اللي هيطبقه ))

مش هيديني الحاجات دي و هيديني يافطة لامعة و شوية شكليات

مع ألف سلامة ،،،

**mmffor** · 17-07-2011 10:11 PM

المشاركة الأصلية كتبت بواسطة dojuar

شكلك قريت موضوعي ده

http://www.nilemotors.net/nile/225322-a.html

لأ والله مقريتهوش
بس استفزني التعليق بالتكفير لاني شفت الموضوع ماشي سموث و ايزي
و بصراحة انا بتخنق من اللي بيقول انتوا حتكفروا الناس
تقوله حد ربنا يقولك انتوا بتكفروا الناس

و تعليق اخير
فعلا الشرع لو اتطبق صح حتبقى الدنيا فل و ماشية سلانسيه على الاخر - لكن لو تيار اسلامي مسك الحكم و اهتم بالشكليات و لم ينفذ حكم ربنا في العدالة الانسانية و التواضع انا اول واحد حعلن الجهاد عليهم حتى لو دقنهم مترين

و حربي دقني شبر في شبر و سوف اعلن الخروج عليهم

و نأخذ من كل رجل قبيلة عااااااااااااااااا

**rosebox** · 17-07-2011 10:14 PM

انا سعيده بفتح باب المناقشه فى الموضوع ده انا اللى بطلبه بس ان كلا الفريقان يعرف الفريق التانى ده عايز البلد يبقى شكلها ايه بالضبط بمنتهى الحرية
يعنى انا مثلا كان نفسى البرادعى يمسك البلد دى و الى الان احترمه جدا و اتمنى انه يمسك منصب كبير انما مع الوقت و حازم صلاح ابو اسماعيل رشح نفسه ( ده اذا الامور مشيت اصلا) احلامى للبلد دى اتغيرت خالص بمعنى

بقى نفسى المساجد تفتح ليل نهار و الاطفال اهاليهم يلاقوا المدارس اللى فيها دين قوى جدا (اسلامى و مسيحى طبعا) و طبعا مدارس بتعلم و تربى و محترمه و بتعلم لغات.
نفسى النوادى الشباب يواحوها من غير ما اهاليهم يشتكوا من الشباب اللى بتاخد مخدرات و بتعاكس بنات.
نفسى يبقى فيه بديل حقيقى و فعلى للبنوك الربويه دى
نفسى ما اشوفش و لا محل خمرة فى اى شارع
نفسى ما اشوفش على التليفزيون مناظر مش و لا بد
نفسى الحاكم بتاعنا يقولنا اعملوا حاجه عشان الاسلام
نفسى نعمل فى مصر النموذج الاسلامى المعاصر بجد
نفسى زى ما قال حازم صلاح ابو اسماعيل يبقى مصادر دخلنا اغلبها من جوة مش من بره (يعنى السياحة و قناة السويس)
نفسى العدل يبقى فى كل مكان فى مصر
يا اخوانى مش كل اللى فى الغرب صح و الديموقراطية كده على عواهنها مش عادله و مش صح لازم تكون محكومه بشرع ربنا.
طبعا الاخوة اللى اتكلموا عن مصادر رزف الناس من البنوك طبعا حيبقى فيه بدائل اكتر و صدقونى اكثر بركه و اكيد البدائل حتبقى بنوك برضه بس اسلاميه مثلا. اما بالنسبه للسياحه فالمشكلة فى السياحة الخمور و الدعارة و الشواطئ(على حد علمى) و اظن السياح مش جايين يشربوا عندنا و ان كان التانيه فاحنا اشرف من كده بكتير. اما التالته فأكيد لها حلول اخرى

طبعا محبتش اتكلم عن العلوم و التكنولوجيا لإنها فرض عين فى العصر الحديث

**rosebox** · 17-07-2011 10:36 PM

موضوع رائع

http://www.nilemotors.net/Nile/233426-a.html

يا ريت رافضى تولى الاسلاميين الحكم بسمعوا شويه من الاسلاميين اللى مرشحين نفسهم خصوصا حازم صلاح ابو اسماعيل

الموضوع: لماذا تخافون من حكم شرع الله؟؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

لماذا حرم الله الربا؟؟؟؟؟؟؟

لماذا بكي رسول الله (صلى الله عليه وسلم)( لا تنشر هذا الحديث لأنه موضوع )

لماذا بكى رسول الله صلى الله علية وسلم

لماذا خلقنا الله عز وجل وهو غني عنا

الكلمات الدلالية لهذا الموضوع

المفضلات

المفضلات

ضوابط المشاركة