-
استفسار بخصوص الماتريكس
دلوقتى انا الحمد الله لسه شارى عربيه ماتريكس 2006 اتو ليا بعض الملاحظات ممكن استفسر عنها من مالكى السياره
1-العربيه طلعتها تقيله مع انى لسه مغيرلها زيوت وفلاتر وبوجيهات
2- الفرامل ضعيفه كشفت عليها قالى التيل كويس
3- الباور تقيل كشفت على الزيت وطرمبه الباور تمام
4-فى تكه فى الدركسيون لما اجى اهزه ومع المطبات فى طقه تحس ان العجل بيلوء
العربيه عمله 60 الف كيلو
-
اولا الف مبروك العربية وربنا يباركلك فيها ويكفيك شرها
ثانيا هو حضرتك قبل ماتشتري العربية ماكشفتش عليها في التوكيل او عملت عليها شيك اب كامل ؟ عشان تتاكد اذا كان فيها مشاكل او لا ؟؟
بالنسبة لموضوع الفرامل وارد تكون الكاوتشات محتاجة تتغير هل الكاوتش بتاعها اتغير ولا ده هو اللى جايه بيه ؟ لان 60 الف كيلو يبقى كدة الكاتوش المفروض يتغير
الدركسيون بما ان حضرتك بتقول فيه تكة وهزة مع المطبات فروح اكشف على العفشة وارد يكون فيه مشكلة في المقصات
اعمل ضبط زوايا والتقرير هيطلعلك كل حاجة
اطلع بالعربية على طريق فاضي ومستفلت كويس وامشي على سرعة 80 تقريبا وسيب الدركسيون
لو حدفت يبقى محتاجة ضبط زوايا
لو ماحدفتش دوس بنزين وانت سايب الدركسيون وشوف لو حدفت يبقى فيه مشكلة في الكوبلن اللى حدفت نحيته
عموما الزوايا هتكشفلك كل حاجة
وان شاء الله الامور تبقى بسيطة ومايكنش فيه حاجة
-
الف مبروك وربنا يبارك لك فيها ويكفيك شرها
الموضوع بسيط إن شاء الله وبمجرد كشفك على العفشه وإصلاحها حتلاقى العربيه زى الفل إن شاء الله
Content Relevant URLs by
vBSEO 3.6.0 PL2