20 مرشح للرئاسه وولا واحد مترشح لمجلس الشعب !!!!

هى مش انتخابات مجلس الشعب كمان كام اسبوع ولا انا بيتهيألى

امال فين المترشحين ليها

ولا حيقولو مفيش حد مترشح فحنرشح بتوع الحزب الواطى واهم ادرى مننا بالمجلس وبتاع

مستغرب بصراحه عمالين نتخانق مع بعض على حنرشح مين للرئاسه اللى مش عارفين هى امتى ومين اصلا اللى حيترشح بجد ومين مش حيقدر يترشح

وسايبين اهم حاجه وهى مجلس الشعب اللى حيحط الدستور وحيحاسب الرئيس القادم

ولا هما فيه ناس خلاص مجهزه نفسها وحاطه فى جيبها 50% من البطيخه الصيفى


قلولى يا جماعه لو مش لاقين حد يرشح نفسه اتنازل انا وارشح نفسى وامرى لله :ma:

الموضوع بقي صراع ع السلطة.... و عجبي!!

اقتباس:

---

المشاركة الأصلية كتبت بواسطة axel

الموضوع بقي صراع ع السلطة.... و عجبي!!

---

امال مين حيجيب حق الشعب ؟؟؟؟؟؟؟

ولما كل واحد حيرشح نفسه للرئاسه حيجيبو منين شعب يحكموه ؟؟؟؟؟؟؟

ده كده كل واحد حيبقى رئيس جمهوريه نفسه

ده طلع اعضاء نايل موتورز كمان مش فارقه معاهم مين مترشح لمجلس الشعب

مش لما يطلع قانون المجلس و الانتخابات و نشوف تقسيم الدوائر و نظام القوائم

المشكلة في المجلس العسكري مش في المرشحين و لا في القوي السياسية
القوي مجتمعة توافقوا علي مسودة القانون بنظام الانتخاب بالقائمة النسبة المشروطة بنسبة 100%
لكن الحكومة تلاعبت و ادرجت نسبة حوالي 40% انتخاب بالطريقة الفردية القديمة ... رفض ذلك جميع القوي و المجلس العسكري وعد بتلبية رغبتهم و بعدها محصلش حاجة لحد دلوقت

اقتباس:

---

المشاركة الأصلية كتبت بواسطة amahmed

مش لما يطلع قانون المجلس و الانتخابات و نشوف تقسيم الدوائر و نظام القوائم

المشكلة في المجلس العسكري مش في المرشحين و لا في القوي السياسية
القوي مجتمعة توافقوا علي مسودة القانون بنظام الانتخاب بالقائمة النسبة المشروطة بنسبة 100%
لكن الحكومة تلاعبت و ادرجت نسبة حوالي 40% انتخاب بالطريقة الفردية القديمة ... رفض ذلك جميع القوي و المجلس العسكري وعد بتلبية رغبتهم و بعدها محصلش حاجة لحد دلوقت

---

ماشى يبقى المفروض دلوقتى نتكلم فى التعديل ده
بدل ما بتوع 6 ابريل و ال 400 ائتلاف مركزين فى 8 يوليو و متجاهلين الطريق الممهد للديموقراطيه

اقتباس:

---

المشاركة الأصلية كتبت بواسطة amahmed

مش لما يطلع قانون المجلس و الانتخابات و نشوف تقسيم الدوائر و نظام القوائم

المشكلة في المجلس العسكري مش في المرشحين و لا في القوي السياسية
القوي مجتمعة توافقوا علي مسودة القانون بنظام الانتخاب بالقائمة النسبة المشروطة بنسبة 100%
لكن الحكومة تلاعبت و ادرجت نسبة حوالي 40% انتخاب بالطريقة الفردية القديمة ... رفض ذلك جميع القوي و المجلس العسكري وعد بتلبية رغبتهم و بعدها محصلش حاجة لحد دلوقت

---

ايه ده انا اول مره اسمع الكلام ده

حتى دى المجلس العسكرى واقف فيها

لاحول ولا قوه الا بالله

يعنى احنا عمالين نقول انتخابات سريعه وبتاع عشان حال البلد يمشى والمجلس العسكرى يمشى

يظهر ان المجلس عجبته القعده

امال حدد موعد الانتخابات على انهى اساس ؟؟؟؟؟؟؟؟؟؟؟

أنا هآدي صوتي لحزب العدل ، إن شاء الله

سواء مشارك في تحالف القوي الوطنية ( الأخوان - الوفد - الجبهة - و مش عارف مين تاني )

أو مشارك بقوائم مستقلة ، بس ربنا يكرمهم و يكونوا مرشحين ناس في دايرتي

بالدليل و الاخبار و الروابط

الجمل: مجلس الوزراء يقر قانون مجلس الشعب اليوم دون تعديل

اقتباس:

---

ويتضمن مشروع القانون أن تكون مقاعد الشعب 50% للقوائم، و50% للفردى، اضافة إلى ان يكون الحد الأدنى لتمثيل القائمة داخل البرلمان هو حصولها على 2% مضيفا: «من الصعوبة أن يتفق الناس على أن تكون الانتخابات بالقائمة بنسبة 100%».

---

http://www.shorouknews.com/.......data.aspx?id=497306


و ده رد القوي السياسية علي تصريحات الجمل و مشروع الحكومة
الأحزاب تنتقد قانون مجلس الشعب الجديد وترحب بتخفيض سن الترشيح لــ25 سنة

اقتباس:

---

قال "حسين عبد الرازق"- عضو المكتب السياسي لحزب التجمع-:" أنه لم يتم الأخذ باقتراحات المقدمة من القوي الوطنية في هذا القانون الجديد خاصة وأن الاقتراح الرئيسي كان الإعتماد علي نظام القائمة النسبية غير المشروطة ، في حين أن القانون بشكله الحالي يعتمد علي النظام المختلط وهو نظام يستخدم في ألمانيا الإتحادية نظراً لظروف خاصة تتعلق بطبيعة الدولة غير المركزية هناك ومصر ليس لديها هذا الواقع.

كذلك فإن وضع شرط للحصول علي نسبة 2% من الأصوات علي مستوي الجمهورية هو شرط مجحف للغاية وقد وضعتها بعض الدول لآنها كانت تعاني من العجز علي تكوين الحكومات ولكن مصر ليس بها هذا الواقع فهي تعاني اصلاً من احتكار حزب واحد للسلطة وهذه القاعدة بها سرقة للمقاعد لصالح الأحزاب الكبيرة وهو ما يكرث منطق إحتكار الأحزاب الكبيرة للسلطة .

---

ط´ط§ط±ظƒ ظ…طµط± || ظƒظ† ط¥ظٹط¬ط§ط¨ظٹ… ظˆط´ط§ط±ظƒ


و ده اخر اخبار القانون من المجلس العسكري
المجلس العسكري: قانون مجلس الشعب سيكون مفاجأة

اقتباس:

---

قال اللواء ممدوح شاهين مساعد وزير الدفاع للشئون القانونية ان المجلس لا يعد اي قانون في غرف مغلقة.

---

اقتباس:

---

وأعلن شاهين ان قانون مجلس الشعب المزمع اصداره قريبا سيكون بمثابة المفاجأة لما يحمله من مواد تتوافق مع الدستور وفي نفس الوقت ترضي القوى السياسية.

---

http://www.masrawy.com/News/Egypt/Po..._parliman.aspx


طب ازاي مفاجأة و ازاي يتم التشاور و النقاش مش في غرف مغلقة .. تصريحات متناقضة جدا

لا معلش يا جماعة اعذروني نسيت اقولكم
كنت قاري من كام يوم في جريدة ان تيسير فهمي هترشح نفسها لمجلس الشعب
الله اعلم اذا كان الكلام ده صح و لا لأ

مين قال ان مافيش مرشحين مجلس شعب
المنطقه اللي انا فيها من بعد الثوره بدأت الصور واليفط تتعلق في كل مكان
خصوصا للناس اللي كانت بتحاول تزاحم مرشحي الحزب الوطني وكانت بتخسر برضو كالعاده

اقتباس:

---

المشاركة الأصلية كتبت بواسطة k!sho

مين قال ان مافيش مرشحين مجلس شعب
المنطقه اللي انا فيها من بعد الثوره بدأت الصور واليفط تتعلق في كل مكان
خصوصا للناس اللي كانت بتحاول تزاحم مرشحي الحزب الوطني وكانت بتخسر برضو كالعاده

---

ايوه كده ادينى امل

فين الكلام ده احنا معندتاش اى حاجه فى الكازوزا

انا نفسى الناس اللى بتساعد الناس بجد ومكانتش عارفه توصل بسبب الحزب الواطى تاخد حقها

واللى نفسى فيه بقى الشباب هو اللى يرشح نفسه وكفايه كده على الكبار بقا عملولنا ايه غير الكلام

مهو مش لازم عضو مجلس الشعب يكون عنده الضغط والسكر وعمارتين وحتته ارض
لا عاوزين الشباب اللى فى الميادين بينادو بحقوق الشعب هما يبقى اعضاء مجلس الشعب ويجيبو حقنا

عاوزين الشباب يخد فرصه

اقتباس:

---

المشاركة الأصلية كتبت بواسطة Ahmed Anwer

أنا هآدي صوتي لحزب العدل ، إن شاء الله

سواء مشارك في تحالف القوي الوطنية ( الأخوان - الوفد - الجبهة - و مش عارف مين تاني )

أو مشارك بقوائم مستقلة ، بس ربنا يكرمهم و يكونوا مرشحين ناس في دايرتي

---

+1

العملية مش هتبقى افراد زي قبل كدا
دلوقتي كل حزب بيتاسس بيلف مصر و يعمل ندوات
ولو انت مقتنع بالحزب بترشح الراجل بتاعه
وانا اولوياتي حزب العدل يليه حزب الوفد رغم اني عارف ان مرشح الاخوان هيكسب:ma:

الإخوان عاملين شغل جامد جدا في المناطق الشعبية والفقيرة والمحافظات

ده بخلاف الندوات الاسبوعية على الاقل الشوفته في مدينة نصر ما بين مسجد رابعة العدوية وسوق السيارات

نفسي الأحزاب تتعلم منهم التنظيم والتخطيط

وربنا يوفق كل مجتهد

ابحث عن ترتيبات الانتخابات , مش هاتلاقي حاجة , و هو ده سر شويبس

اقتباس:

---

المشاركة الأصلية كتبت بواسطة تامر.محمد

ابحث عن ترتيبات الانتخابات , مش هاتلاقي حاجة , و هو ده سر شويبس

---

ايوه مهو فيه حاجه غلط بصراحه

برضه بيتلعب بينا

اللى فيه داء عمره ميبطله

الموضوع مصالح وسعى وراء الحكم
الاحزاب والائتلافات مصلحتها الكبرى كما يخيل اليها فى مقاعد الرئاسة