السيراتو رفعت راسى

**AmrStYliSh** · 18-07-2011 11:03 PM

المشاركة الأصلية كتبت بواسطة moustafa_saad

معاك حق الفيرنا كل اللى بيسوقها بيقول الكلام ده لافرامل ولا ثبات
ربنا يباركلك فى السيراتو انا شايف انها افضل قيمه مقابل السعر فى فئتها

شكرا يا باشا و ربنا يستر طريقنا كلنا

**Ashraf_Ibrahim** · 19-07-2011 01:02 AM

المشاركة الأصلية كتبت بواسطة AmrStYliSh

شكرا يا باشا و انا ماعملتش مقارنة شاملة او قولت حكم عام انا بس كنت باتكلم عن التسارع لانه هو ده اللى بيبان فى الجرى....بالنسبة للفيرنا انا شايف انها عربية عملية جدا و كويسة جدا بالنسبة للمدينة باستهلاكها القليل للبنزين و قطع غيارها المتوفرة الرخيصة لكن بالنسبة للجرى متهيالى اكتر من 100 هيبقى الموضوع صعب

دايما بيقطعوا في فروة زوزو حبيبتي

انا معايا فيرنا 2010 يا شباب
العربية تحت ال 100 ثبات رائع جدا
من 110 ل 130 ثبات سيء مش كويس
فوق ال 140 يعود الثبات تاني
ايه السر في الحكاية دي في الحقيقة معنديش اي تفسير اطلاقا
لكن اللي اقدر اقوله اني رصصت العربية كويس وبقت الفترة الزمنية من 110 ل 130 بقت افضل مما كانت عليه بكتير
التسارع طبعا مش هتكلم فيه الفيرنا وحش بكل ما تحويه الكلمة في التسارع
الشد على سرعات عالية مش هتكلم برده
يكفي اني معلم على جيتا وشارك واوبترا التلاتة كانوا شادين مع بعض وعلى الدائري وعلمت عليهم التلاته على 180 وكان نفسي اشوف حد في المراية بس ملحقتش الحقيقة اختفوا

السيراتو ملهاش نصيب من الجري معايا لأن اغلب مشيي جوا وسط البلد فالشد والجري بيكون صعب شوية
بس وعد لو لمحت واحدة على طريق سريع ويكون سواقها صاحي وناوي على الشد هنقلكم التجربة بكامل تفاصيلها

الفيرنا فوق ال 100 مش صعب ولا حاجة
انا جايب بيها 180 وكان ممكن اجيب اكتر من كدة بس للأسف الطريق مساعدنيش

**Ahmod** · 19-07-2011 06:02 AM

الفانتازيا تقيلة جدا وماتور ال 1600 بيظلمها عربية ماشاء الله ثبات وتقفيل واعتمادية عشرة على عشرة

بس الماتور ال 1600 على وزن الفانتزيا وتقلها هو اللى مسبب مشكلة في التسارع بتاعها

الفانتزيا عربية تجميعها بطئ وبصراحة الناس اللى بتقول انها وحش بعد ال 120 مش عارف جابو الكلام ده منين لاني عمري ماحسيت بكدة

هي وحش في الثبات فلو الطريق فيه ملفات انسى انك تعرف تاكل معاها عيش !

بس خلي بالك انت كنت فاتح التكييف وهو ماتضمنش فاتحه ولا لاء ! جايز يكون رافع الازجاج عشان الهوا وهو بيجري

انا واحد من الناس اللى بعمل كدة لما اجري ارفع الازجاج عشان الهوا

وبعدين التكييف بياثر على السحب بدرجات متفاوتة من عربية للتانية يعني مثلا ممكن يكون عندك بيقلل السحب مثلا انه بيقلل من الماتور 10 حصان على سبيل المثال يعني

ويكون في الفانتزيا بيقلل من الماتور 15 حصان !

انا عن نفسي بالياريس مافتكرش ان الفانتزيا يعرف يطلع مني قبل 160 لو بدأنا مع بعض من الثبات ! ومش هيطلع الا بفرق قليل ده في حالة لو طلع والله اعلم برضوا

انا شديت مع فانتزيا مرتين مرة كان واحد زميلي وكنا طالعين مخصوص عشان نشد والتانية كانت على كبري اكتوبر مع واحد معرفوش

الاولى بدانا من الثبات عايز اقولك انه من 0-100 كنت فارق عنه حوالي اربع عربيات وفضل في ضهري لحد ماجيه ملف هديت وهو طبعا الملفات مابتكلش معاه شد وعداني في الملف

التانية كنت على كبري اكتوبر الساعة حوالي 3 الفجر وراجع من مدينة نصر وكانت العربية عندي محملة 5 افراد ! لقيت فانتزيا بتجري فضل في ضهري لحد اخر الكوبري مع ان كنت ماشي مش اقل من 140 وكان فيه مجال انه يعديني لو ماتوره اقوى على السرعات زي مالناس مابتقول بس ده ماحصلش وفضل في مراية الصالون !

بس عايز اقول لحضرتك على الرغم من ان الشد والتسارع دوسة بنزين وخلاص بس بتفرق من سواق للتاني

في واحد حافظ عربيته وحافظ غياراته وبيريح رجله من على البنزين عند Rpm معين عشان العربية تنقل ( Perfect shift ) وفيه ناس بتفضل كابسة وخلاص

فيه ناس بتستخدم الاستيبتروك وفيه ناس لاء فيه ناس بتعرف تسقط نقلات وبتسقط وتحرق وتجري وناس بتدوس بنزين وخلاص

عشان كدة هتلاقي واحد يقولك انا معايا شارك علمت على سيراتو والتاني معاه سيراتو يقولك انا علمت على شارك ومتعرفش الحقيقة فين فهي بتختلف من شخص للتاني قبل ماتبقى قدرات عربية وماتور !

يعني مثلا انا مرة كنت بجري مع جيتز وفي الاخر خدنا مطب مع بعض وحرقنا بعديه وثبت جمبه اول وتاني لحد سرعة 85 تقريبا وكنت طول الطريق مبهدله على السرعات وكل ماقول لحد يفتكرني بكدب عليه !

المهم في الاخير تكون مقتنع بعربيتك وسحبها ومبسوط منه وربنا يباركلك فيها

**pirlo2000** · 19-07-2011 11:40 PM

المشاركة الأصلية كتبت بواسطة ahmod

يعديني لو ماتوره اقوى على السرعات زي مالناس مابتقول بس ده ماحصلش وفضل في مراية الصالون !

بس عايز اقول لحضرتك على الرغم من ان الشد والتسارع دوسة بنزين وخلاص بس بتفرق من سواق للتاني

في واحد حافظ عربيته وحافظ غياراته وبيريح رجله من على البنزين عند rpm معين عشان العربية تنقل ( perfect shift ) وفيه ناس بتفضل كابسة وخلاص

فيه ناس بتستخدم الاستيبتروك وفيه ناس لاء فيه ناس بتعرف تسقط نقلات وبتسقط وتحرق وتجري وناس بتدوس بنزين وخلاص

عشان كدة هتلاقي واحد يقولك انا معايا شارك علمت على سيراتو والتاني معاه سيراتو يقولك انا علمت على شارك ومتعرفش الحقيقة فين فهي بتختلف من شخص للتاني قبل ماتبقى قدرات عربية وماتور !

المهم في الاخير تكون مقتنع بعربيتك وسحبها ومبسوط منه وربنا يباركلك فيها

+1111111111111111111111111111

هو ده الكلام..... انت جبت من الاخر....

واحيانا برضه في الشد بتبقي انت في الموود... و ساعات مبتبقاش في الفورمة زي لاعيب الكورة كده....

**Ahmod** · 20-07-2011 05:27 AM

المشاركة الأصلية كتبت بواسطة AmrStYliSh

كلامك صح اكيد بس نقطة انه مش مشغل التكييف دى صعبة اوى لان درجة الحرارة كانت حوالى 36 يعنى كانت نار و خصوصا فى الشمس.....وانا عارف ان فيه فروق كتير بين السواقين بس احنا فعلا كنا فى شبه دراج ريس ...وعموما الحمدلله العربية مريحانى بصراحة و كل مامشى بيها اقتناعى بيها يزيد وربنا يستر طريقك...

ليه يا باشا مش شرط جايز يكون كان مشغله واول مالقى فيه شد وقرص راح طفيه ومانزلش الازجاج

انا عن نفسي برضوا بعمل كدة وممكن استحمل الحر شوية لحد مارجع امشي براحة تاني اقوم مشغل التكييف

احسن من اني ابقى مشغل التكييف وبقرص على العربية وبحمل على الماتور بزيادة وحاسس العربية سحبها مخنوق بسبب التكييف ! خاصا لو بشد مع واحد وعايز اطلع منه ! !

وعجبتني كلمة دراج ريس والله بتفكرني بالنهارده لسه راجع من على المحور من حوالي ساعة كدة ومعايا زميلي معاه اسبيرانزا 516

بس اليارس عملت الواجب وزيادة ورفعت راسي