الموضوع: Enjoy 2007

المشاركة الأصلية كتبت بواسطة ahmed_fahmy

السلام عليكم انا معى فيكترا ايزىترونيك نفس الموضوع اولاً الفتيس مفيش فى عيب لأنو فتيس مانيوال يعنى اسطوانه وديسك وبليه زى اى عربيه مانيوال يعنى مفيش تكنولوجيا تماماً
الفكره انها عربيه مانيوال بس بدون دبرياج او فتيس تنقل بى فطبعاً طريقة القياده مختلفه عن الأوتوماتيك ومش اختراع اول وا هتركبها خلال ربع ساعه هتتقول هو فين العيب الفكره ان فى كنترول راكب على الفتيس هو اللى بيدوس دبرياج وينقل..
المهم ايه المميزات
1-استهلاك بنزين اقل بكثير من اى عربيه اوتوماتيك
2-سحب المانيوال
3-ممكن تستخدمها مانيوال بجد وتسحب سحم ميحصلش بعربيه اوتوماتيك
عمر الفتيس بعمر العربيه لأن لما بتغير اسطوانه وديسك بيرجع جديد والكنترول ده مبيحصلوش حاجه غير بتدخل بشرى خسيل متور ملخرطوم مثلاً او لا قدر الله حادث مرعب ولو الحادث وصل للكنترول مش هيكون فى حاجه تنفع فى العربيه المهم العيب اللى ممكن يحصل وده بكون عيب صناعه وبيظهر بعد الكيلو متر العالى والأستخدام السيىء وهو ان الكنترول يبطل ينقل وده بسبب ان الموتور الداخلى بيكوت تعب وبيتغير ب700 جنيه وفى ناس غيرتو عند احمد سعيد فى محطة وطنيه اللى فى مدينة نصر
اتمنى اكون افادتك واى حاجه ابعتلى على الخاص وبالتوفيق والله المستعان

انا معاك يا احمد فى كل اللى انت بتقولوا , انا معايا استرا انجوى 2007 و العربية ماشاء الله عليها و حكاية الفتيس اللى الناس بتكلم عليهت ديه فعلا عشان اسلوب الواقة بتاعت الايزى ترونيك مختلفة عن الأتوماتيك عشان فتيس الايزى ترونيك بيحسيسك بكل نقله فبتحس ان فيه تأخير فى النقلة مش زى الأتوماتيك بس انت قبل ما تجيب العربية جربها و سوقها و شوف أسلوب الفتيس بتعها هيعجبك ولا لا , انا عن نفسى عجبنى
بس لو انت عايز عربية تشد بيها و تجميع سريع منصحكش عشان العربية تقيلة قوى فى فى السرعات الواطية عربيات كتير هتخيطك , بس فى السرعات العالية مع زرار السبورت الموضوع هيختلف .
بس بردوا انا عجبانى جدا و تحس انك راكب عربية بجد , عموما دور على عربية كويسة و خدها و روح التوكيل اكشف عليها بس أقولك على حاجة مش كل حاجة فى العربية التوكيل هيقدر يطلعهالك لو فيها مشكلة بس هوه بيبص على الحاجات الأساسية زى الكهرباء و ديه حاجة مهمة و شوية حاجات فى الميكانيكة بس مش كل حاجة و بيبص على السينسورس انها كلها كويسة و ممكن تلاقيه طبعا شوية حاجات لازم تتغير فى العربية زى لما جيت اشترى العربية قلى الطنابير لازم تتغير بس انا سوقتها و فرملت من 140 وملقتش اى مشكلة فى الطنابير و حاجات تانية .
انا بس أقصد انك لو لقيت عربية محترمة و قالك على شوية حاجات محتاجة تتغير فيها ممكن متكونش مهمة و مش محتاجة تتغير خالص دلوقتى فتوكل على الله و جبها و افتكر برده انك بتجيب عربية مستعملة اكيد صعب تلاقى كل حاجة فيها 100%
و عموما يا باشا لو عايز تجرب عربيتى قول و انا تحت امرك
و اهلا بيك معانا فى الأوبل