الموضوع: البرادعي يخون مؤيديه و يتحالف مع الاخوان

المشاركة الأصلية كتبت بواسطة amado ibrahim

اولا

ائتلاف شباب الثورة واحد من ضمن مئات الائتلافات

و بالفعل بيضم من جميع التيارات بما فيهم اخوان (تم معاقبتهم داخل جماعة الاخوان لاستمرارهم فى الائتلاف)

و الاخوان اللى فى الائتلاف برضو بيظهرو على التلفزيون

بالاضافة ل 6 ابريل و وحزب الجبهة و غيرها من الحركات السياسية

و الخلافات بين 6 ابريل والاخوان ملهاش علاقة بالائتلاف لانه بيضم تيارات مختلفة

و الصراع بين الاخوان و 6 ابريل امر اخر

ثانيا

طب تقدر تقولى تاريخ المشاركة بتاعة الشاب التونسى اللى حضرتك بتتكلم عليها كانت كام يناير

عشان ميبقاش كلام مرسل

تقبل تحياتى

الاخوان اللى فى الائتلاف دول هما المنشقين عن الاخوان ولو كانوا بيعبروا عن الاخوان مكانوش قعدوا فى الائتلاف وماشوفتهمش غير مرة واحدة فى التليفزيون كانوا بيهاجموا الاخوان يبقوا ازاى بيعبروا عنهم؟؟؟؟...دى اشتغالة
ومافيش حاجة اسمها الخلاف بين 6 ابريل والاخوان شىء آخر...هو فيه اخوان غير الاخوان ولا 6 ابريل غير 6 ابريل؟؟؟ كل واحد فيهم كيان واحد فيما يخص الثورة... و6 ابريل ضد الاخوان الحقيقين اللى ليهم مرشد وقادة معروفين مش المنشقين عن الاخوان
اتفضل حضرتك شوف صور ايام اللقاءات مع الجلس العسكرى وشوف مين الشباب اللى قاعدين معاه

بالنسبة للنقطة التانية فقسما بالله ما كلام مرسل وقسما بالله مرة تانية انى شايفها بعينى مكتوب صديق تونسسسسىىى و فى صفح "صديق من تونس"
انا مش متذكر التاريخ .... اللى انا متأكد منه انه كان بالليل عشان اياميها انا كنت بانزل طول اليوم ومابطلعش غير بالليل وكانت اول واحدة بتاعت المظاهرات الليلية لارهاق الامن
بس اكيد مش هافتكر تاريخ المشاركة بالظبط عشان اساسا انا ماعرفش من بداية الثورة غير يوم 25 غير كدة الساعة البيلوجية كانت ضاربة(اكتر يوم نمت فيه كانوا 3 ساعات) ووالله ماعرف موقعة الجمل تاريخها ايه كمان فبالنسبة للنصايح دى لو حضرتك متابع هتفتكرها ولو حضرتك افتكرتلى اول نصيحة من النوع دا كان تاريخها ايه...ابقى لومنى ساعتها انى مافتكرتش وياريت لو حد يعرف موقع يرجع الحاجات دى فى الصفحات يقولنا لانى ماعرفش غير موقع يرجع تاريخ بروفايلى بس اما مايرجعش صفحات او بروفايلات اصحابى....وبردو لو حد فاكر اسلوب النصيحة مايبخلش علينا بذكره لانى متأكد من كلامى.........انا عايز اجيبها بأى طريقة عشان اثبتلك انها "صديق تونسىىى"
ووضحلى حضرتك كانت مكتوبة ازاى لو انا غلط

المشاركة الأصلية كتبت بواسطة amado ibrahim

سيدى الفاضل

الاخوان شأنهم شأن اى فصيل سياسى فى مصر

حدثت فيه تطورات كبيرة ناتجة عن الثورة

حد كان يتخيل ان عبد المنعم ابو الفتوح يبقى بره الاخوان بالسهولة دى

حد كان يتصور ان مؤتمر شباب الاخوان اللى كان بعد الثورة يتشن عليه الهجوم ده كله

الثورة احدثت طفرة لدى الجميع

حتى جماعة الاخوان يحدث بداخلها هذا التطور

ما بين تيار محافظ وتيار يفضل االتوازنات وتيار منفتح تماما

حركة 6 ابريل ايضا لم تسلم من هذه التطورات

فهذا الفصيل ينشق

و هذه القيادة تنسحب

ايضا كل الاحزاب و التيارات يحدث فيها تغيير

و على سبيل المثال التيار السلفى الذى اختار قبل الثورة ان يبعد عن السياسة

ها هو يدخل الحياة السياسية بكل قوة

ان الثورة فتحت ابوابا مغلقة لدى الجميع

و سأعطيك مثال من الطبيعة اكيد هاتفتكرو مدام حضرتك صيدلى

فى ظاهرة فى النباتات اسمها السيادة القمية apical dominance

فى هذه الظاهرة بيكون هناك برعم رئيسى ينمو منفردا

و عند قطع هذا البرعم فانه تظهر العديد من البراعم الجانبية

ظاهرة البراعم الجانبية هى ما يمر بها المجتمع السياسى فى مصر

و نحن لسنا بدعا بين الامم فاليابان على سبيل المثال كان بها المئات من الاحزاب بعد الحرب العالمية الثانية

و انتهى الامر الى 15 حزبا اثنان منهم هما الفاعلون فى الحياة السياسية

و هذا ما يتوقع الجميع ان يحدث

ان تحدث تكتلات جديدة لتلك الكيانات الصغيرة التى انشقت عن المجموعات الاساسية

ده اولا

اما بالنسبة لثانيا

فالتاريخ اللى عندى هو 22 يناير

يعنى قبل يوم 25

يعنى الغالب فى الامر انه من تونس فعلا

خاصة ان قناة الجزيرة ايام ثورة تونس كانت بتنقل حاجات مشابهة لما هو موجود فى الرسالة من حيث الاسبراى الاسود و الكوفيه و البيبسى

بس السؤال اللى يستحق الدراسة

هل لو ثورة تونس محصلتش تفتكر كان هايحصل عندنا ثورة

تقبل تحياتى

حضرتك قلتها بنفسك ينشق وينسحب..اي انه لا يمثل هذا الفصيل الان
وهذا ما اقصده
النهاردة لاقيت الاخ بتاع 6 ابريل اللى اتدرب برة مش فاكر اسمه محمد ايه كان بيقول اان حركة 6 ابريل حركة لا يسارية ولا يمينية ولا تنتمى لفصيل معين على حساب آخر.... مع انى شايف غير كدة نهائى ...لانها على طول تخبط فى السلفيين والاخوان
وبالنسبة للنقطة التانية...بغض النظر النصايح جت منين مع ان عمر عفيفى قال ان هو اللى قالها للثوار بس ماعلينا

هل لو ثورة تونس محصلتش تفتكر كان هيحصل عندنا ثورة؟؟؟
طبعا لأ ومستحيل كان بحصل عندنا ثورة بدون ثورة تونس لاننا ماعملناش ثورة غير لما شفنا نموذج ناجح ليها فى ظل نظام قمعى فاسد
والله كان آخرى اوى اوى يعنى قبل الثورة اهاجم جمال مبارك وابوه على صفحاتهم وانا مرعوب وبامسح اى حاجة تدل انى كتبت الكلام ده وبرامج تغيير الاى بى ماكنتش بتفارق جهازى ومستنى مصادرة الجهاز ههههههههههههه
ومن بعد ثورة تونس حسيت ان اللى بنعمله عالفيس دا كلام فاضى وتفاهة والتغيير الصح هييجى من الشارع من الشعب اللى قبل ثورة تونس ماكنش عنده امل غير فى الجيش انه يعمل انقلاب ساعة التوريث بدون اى تدخل من الشعب المغلوب على امره
انت ماتعرفش سؤالك الاخير دا فكرنى بايه ونشط ذاكرة سنين لورا وانا ماكنتش متخيل ان هييجى اليوم واشوف مبارك وابنه مقبوض عليهم

نفسى نرجع الروح اللى كانت فى الثورة دى تانى ونفسى كل القوى السياسية ترجع تتحد مع بعض تانى ومحدش زى 6 ابريل يمشى بدماغه لوحده بعد كدة لانهم شافوا اخرتها ايه بعد ما اتعلم عالبلطجية فى التحرير اتعلم على 6 ابريل من البلطجية فى العباسية كانت المفروض 6 ابريل يسألوا نفسهم ليه حصل كدة وليه قوتنا ضعفت بالشكل دا؟؟
آسف لو كنت تفرعت (وتبرعمت هههه) فى جوانب تانية....بس دا لانى افتكرت احنا كنا فين وبقينا فين....مكنش ينفع انا وانت نتكلم بالصراحة دى ايام مبارك لكن دلوقتى بنخبط فى اللى احنا عايزينه ونتهمه وننتقده ونتشتم كمان ههههههه
تحياتى ليك عالحوار ده وياربت ماتنساش ان قوتنا فى اتحادنا وبس ونفسى ابريل تفهم دا وتتحاور وتتناقش مع باقى الاطراف
والسلام عليكم وعلى كل المصريين ان شاء الله