بدون تحيز: رينو سكالا والا أوبترا ؟

من الأخر بقي أنا دماغي خلاص قربت تنفجر. وبعد ماكنت استقريت علي الجين 2 بدأت أرجع في كلامي
وبصراحة حسبتها مع نفسي لقيت موضوع العربية ده لازم أدرسه بعيد عن العواطف اللي مخلياني متحيز للجين 2. والسبب: استهلاك الجين 2 العالي للبنزين وده حسبته مع نفسي ولقيته خارج طاقتي :( للأسف :(

دلوقتي أنا بفكر في الشيفرولية أوبترا أوتوماتيك فول أوبشن ... والرينو سكالا أوتوماتيك فول أوبشن

عايز أقارن بينهم وأعرف مميزاتهم وعيوبهم
ومدي اعتماديتهم واستهلاكهم للبنزين والثبات والهيكل والأوبشنز

مايهمنيش قطع الغيار وسعر اعادة البيع. بس للمعرفة عايز أعرف نظامهم اية

مستني الأراء

انا ركبت الاوبترا مع واحد صاحبى موديل 2010
بصراحه ماتحسس انك راكب عربيه تمنها 90 الف جنيه
تصميم عادى جدا سواء خارجى او داخلى
الاسكالا مشوفتهاش خالص
رايى لو ينفع تزود شويه وتجيب سيراتو او اكسنت ار بى اول فئه الا اذا كان الاوتوماتيك ضرورى او ده اخرك فى الفلوس

وان شاء الله تجد من جرب السيارتين من الاخوه الاعضاء ويفيدك اكثر منى

بدون تحيز لو بتقارن بين العربيتين دول بس يبقي الاوبترا و انت مغمض عايز رأيي اصبر شوية علي الالنترا الشكل الحالي 2010 اكيد علي اخر السنة غبور هينزل في سعرها علشان يخلص من المخزون اللي عنده

بدون تحيز ........... !!!
الصني طبعا ... لو المقارنة بين الاتنين دول بالذات :))
ومش علشان عربيتي والله ... علشان ده الاختيار الطبيعي في الفئة ديه :))
انزل شوف الاسكالا في اي معرض ...... وشوف الصني في نفس المعرض
بس بشرط اقعد في الاسكالا الاول .... وبعد كده الصني
ومستني رأيك :)))

السلام عليكم

بالنسبة للاوبترا هى أغلى من رينو سكالا و مفهاش اى وسائل أمان أو اوبشن زى رينو اسكالا ممكن حضرتك تقارن اسكالا مع الصنى و برسونا , سعرهم متقارب و نفس الكماليات تقريبا . و بالتوفيق ان شاء الله

لو عايز تريح نفسك من كل وجع الدماغ وتمشى فى السليم.
السعر اللى بتلعب فية يجيب نيسان صنى وهى أحسن عربية فى السعر دة وخدها منى نصيحة .
والله الموفق والمستعان

مش هاتجيب جين2 يبقى صني

من وجهة نظرى المتواضعه شايف إن السكالا أحسن من الصنى .

وبمقارنة السكالا بالأوبترا .... الأوبترا تتفوق فى المساحه الداخليه فقط .

ولو موتور السكالا هو هو الصنى ... يبقى السكالا والصنى والأوبترا كمان غير موفرين للبنزين ... ( 2 كامه ) .

الصني امكانياتها كويسة. بس شكلها مخليني مستبعدها من تفكيري

طيب من الأخر بقي علشان انا خلاص والله فعلا دماغي بدأت تفصل
أنا أخري 103 ألف جنية. وعايز عربية جديدة خلال شهر من دلوقتي بالكتييير.
طلباتي بالترتيب :
تكون شكل خارجي ممتاز.
استهلاك بنزين جيد
أوبشنز
ثبات
هيكل خارجي قوي

مشكلتك ... او مشكلة السوق بتاعنا مفيش عربية كاملة
لازم هاتتنازل عن حاجة
استخير الله عز وجل وشوف انت مستريح لأيه
والمهم تنزل تشوفهم علي الطبيعه لانها هاتفرق

اقتباس:

---

المشاركة الأصلية كتبت بواسطة sonasteel

مشكلتك ... او مشكلة السوق بتاعنا مفيش عربية كاملة
لازم هاتتنازل عن حاجة
استخير الله عز وجل وشوف انت مستريح لأيه
والمهم تنزل تشوفهم علي الطبيعه لانها هاتفرق

---

+ 11111111

اقتباس:

---

المشاركة الأصلية كتبت بواسطة alaa7sh

الصني امكانياتها كويسة. بس شكلها مخليني مستبعدها من تفكيري

طيب من الأخر بقي علشان انا خلاص والله فعلا دماغي بدأت تفصل
أنا أخري 103 ألف جنية. وعايز عربية جديدة خلال شهر من دلوقتي بالكتييير.
طلباتي بالترتيب :
تكون شكل خارجي ممتاز.
استهلاك بنزين جيد
أوبشنز
ثبات
هيكل خارجي قوي

---

هى الجين تو .. وصدقنى استهلاك بنزينها مش زى مانتا متخيل ..
زيها زى اى عربية ١٦٠٠ .. كلهم زى بعض بنسب متفاوتة قليلة جدا ..
بصراحة اى حاجة فى الرينج دة من وجهة نظرى (أقل من الجين والبيرسونا بكتيير) ..
انا اما كنت زيك كان الاختيار بينها وبين الصنى .. بس اما تخيلت ان كل مرة حروح افتح العربية حبص عليها ومش حيعجبنى شكلها قلت لاااااا .. استحمل عدم انتشار ولا استحمل شكلها .. وحتفضل كل اما تشوفها فى الشارع تقول يا ريتنى كنت جبتها وجربت احساسها المختلف .. عارف والله تحس انك راكب عربية ماليه عينك .. ودة مهم مهم مهم جدا ..

اقتباس:

---

المشاركة الأصلية كتبت بواسطة alaa7sh

الصني امكانياتها كويسة. بس شكلها مخليني مستبعدها من تفكيري

طيب من الأخر بقي علشان انا خلاص والله فعلا دماغي بدأت تفصل
أنا أخري 103 ألف جنية. وعايز عربية جديدة خلال شهر من دلوقتي بالكتييير.
طلباتي بالترتيب :
تكون شكل خارجي ممتاز.
استهلاك بنزين جيد
أوبشنز
ثبات
هيكل خارجي قوي

---

انا شايف ان افضل اختيار النترا الشكل القديم اتوماتيك
قطع غيار مرطرطه
استهلاك بنزين ممتاز
العربيه ناعمة
البودى مش وحش لاهو قوى ولا هوه ضعيف بس بصراحه العربيه اعتماديه جدا ومصارفها حنينه جدا واعطالها قليلة جدا جدا وموتور وناعم وجبار
انت لو دخلت على كونتاكت كارز هتلاقى فرص جامده جدا وعربيات هاى لاين وجنوط وفتحة سقف وايه بى اس وكليهوات قليلة وباسعار ممتازه
واللى بيجيب العربيه دى على طول مبسوط منها ومفيش حد بيشتكى منها
صلى استخاره وربنا يكرمك للى فيه الخير

اقتباس:

---

المشاركة الأصلية كتبت بواسطة memo823000

انا شايف ان افضل اختيار النترا الشكل القديم اتوماتيك
قطع غيار مرطرطه
استهلاك بنزين ممتاز
العربيه ناعمة
البودى مش وحش لاهو قوى ولا هوه ضعيف بس بصراحه العربيه اعتماديه جدا ومصارفها حنينه جدا واعطالها قليلة جدا جدا وموتور وناعم وجبار
انت لو دخلت على كونتاكت كارز هتلاقى فرص جامده جدا وعربيات هاى لاين وجنوط وفتحة سقف وايه بى اس وكليهوات قليلة وباسعار ممتازه
واللى بيجيب العربيه دى على طول مبسوط منها ومفيش حد بيشتكى منها
صلى استخاره وربنا يكرمك للى فيه الخير

---

وجهة نظر تحترم .

اقتباس:

---

المشاركة الأصلية كتبت بواسطة sonasteel

بدون تحيز ........... !!!
الصني طبعا ... لو المقارنة بين الاتنين دول بالذات :))
ومش علشان عربيتي والله ... علشان ده الاختيار الطبيعي في الفئة ديه :))
انزل شوف الاسكالا في اي معرض ...... وشوف الصني في نفس المعرض
بس بشرط اقعد في الاسكالا الاول .... وبعد كده الصني
ومستني رأيك :)))

---

سورى
بس فى حاجة اسمها الاختيار الطبيعى؟
دة كدة اجبار يا هندسة

السكالا هاى لاين ب۹٥‎.الف.وانا بشتغل فى شركة عربيات..ممكن تيجى تشرفنى وانا هافرجك عليها بنفسى.

اقتباس:

---

المشاركة الأصلية كتبت بواسطة i_am_legend

السكالا هاى لاين ب۹٥‎.الف.وانا بشتغل فى شركة عربيات..ممكن تيجى تشرفنى وانا هافرجك عليها بنفسى.

---

طيب ممكن بعد اذن حضرتك تقولي امكانياتها بالتفصيل ومميزاتها وعيوبها ورأيك الشخصي فيها

اقتباس:

---

المشاركة الأصلية كتبت بواسطة asas2

هى الجين تو .. وصدقنى استهلاك بنزينها مش زى مانتا متخيل ..
زيها زى اى عربية ١٦٠٠ .. كلهم زى بعض بنسب متفاوتة قليلة جدا ..
بصراحة اى حاجة فى الرينج دة من وجهة نظرى (أقل من الجين والبيرسونا بكتيير) ..
انا اما كنت زيك كان الاختيار بينها وبين الصنى .. بس اما تخيلت ان كل مرة حروح افتح العربية حبص عليها ومش حيعجبنى شكلها قلت لاااااا .. استحمل عدم انتشار ولا استحمل شكلها .. وحتفضل كل اما تشوفها فى الشارع تقول يا ريتنى كنت جبتها وجربت احساسها المختلف .. عارف والله تحس انك راكب عربية ماليه عينك .. ودة مهم مهم مهم جدا ..

---

علي فكرة أنا مش هشوف عربية في الفئة السعرية دي زي الجين 2 بجد
بس كلام الناس عنها انها سفاحة بنزين ولدرجة ان في واحد فكر يبيعها عشان استهلاكها العالي أوي في البنزين.
وبيني وبينك أنا عايز أجيب عربية استهلاكها طبيعي بالنسبة لسعة المحرك بتاعها. ولما أروح مشوار يبقي أخر حاجة أفكر يها موضوع البنزين ده. فاهمني؟

اقتباس:

---

المشاركة الأصلية كتبت بواسطة elmkaneeki

سورى
بس فى حاجة اسمها الاختيار الطبيعى؟
دة كدة اجبار يا هندسة

---

لا تاني كده يابيك... مفهمتش قصدك ايه;)))

طيب ممكن حد يديني معلومات تفصيلية عن الرينو سكالا ؟
وياريت حد يكون مجربها يقولي تجربته عنها

نفسي اساعدك حقيقي بس انت كده لعت بره الرينج اللي كنت بادرس السوق فيه.. 103 تجيبلك حاجات كتييييييييييييييير اكتر من 90 اللي انا حاكم نفسي بيها.. انا حاسس بيك لاني برده باشتري وكل يوم باقرر ان هي دي.. وتاني يوم حد يقولي حاجة اعيد التفكير و اغير رايي تاني.. بس انشاء الله نويت على الصني الكاملة مانيوال او اوتوماتيك.. ربنا معاك :-)

103 الف يبقى خليك في السوبر صالون لو انت مش عايز تجيب جين2
لكن ماعتقدش ان استهلاك البنزين في الجين 2 مشكلة للدرجادي
انا لو مكانك اجيب جين2 او بعدها على طول سوبر صالون او لو مش هاجيب واحدة منهم هافكر في المستعمل

بعد تفحيص وتمحيص وتدقيق
استقريت علي الجين 2 والحمد لله
شكرا لكل اللي ساعدني وافادني بارائه. واسف لو كنت تقلت عليكوا

اقتباس:

---

المشاركة الأصلية كتبت بواسطة alaa7sh

بعد تفحيص وتمحيص وتدقيق
استقريت علي الجين 2 والحمد لله
شكرا لكل اللي ساعدني وافادني بارائه. واسف لو كنت تقلت عليكما

---

ربنا يكرمك ان شاء الله و يكون أختيار موفق , و ربنا يكفينا جميعا شر الطريق

السلام عليكم
نصيحة..... اتجه للأوروبي وبلاش كوري وصيني دي عربيات بلاستك، اشتري أوروبي ولو متجمع في مجاهل أفريقيا، اللوجان لا بأس بها على الأقل معدلات الأمان والتزان أعلى من الكوري والصيني بمراحل، والأوبشن مش تكييف وباور وكاسيت، كل العربيات النهاردة كدة، الأوروبي عفشتها أعلى من الكوري وصاج امتن نسبيا لأن كل عربيات العالم حتى الفولفو مبقاش زي زمان، لو حد قالك إن قطع غيار الأوروبي أغلى من الكوري كلامه صح بس قوله إنها معمرة أكثر من الكوري مرتين أو ثلاثة وده عن تجربة واقعية مش كلام، أنصحك بالرينو سكالا بس أعلى فئة تقريبا 96 ألف جنيه جميع الكماليات وفرش جلد وفرامل abs, ebd ووسائد هواء. ولو هتتجه للمدرسة الشرقي خليك في النيسان الصني أعلى فئة 103 ألف جنيه. النوعين دول موتور 116 حصان حقن الكتروني ووسائد ومرايا ضم.. بصراحة شيك، وبالتوفيق