مارينا خاج الثورة

**tutankhamoun** · 06-10-2011 01:22 PM

للآسف نفسنة و حقد طبقي .

اللي عايز يتكلم عن الفساد ....... يشوف الفساد نفسه مش الناس اللي معاها فلوس

هو ليه مستكترين على واحد صاحب مصنع أنه يبقى غني غنى فاحش ...؟؟؟ هو في مصر بس ... رجال الأعمال في العالم كله أغنياء غنى فاحش !

مشكلتنا أن أحنا فاهمين كلمة عدالة أجتماعية غلط ؟

**Mohamed Elwan** · 06-10-2011 02:41 PM

اللى يبص لعيشة غيره تحرم عليه عيشته

**Rsarabia** · 06-10-2011 07:30 PM

خطأ صاحب المقال دا انه عمم يعنى كدا كانه بيقول اى واحد بيروح مارينا او من سكانها انه حرامى و انه مص دم الشعب و لكن بالتأكيد الكلام دا خطأ لان مش كل رواد مارينا حرامية انا اعرف ناس كانو بيباتو فى ميدان التحرير كل يوم ايام الثورة و اخواتهم فى فيلل على البحر فى مارينا بيتريقو عليهم و نفس الكلام بينطبق على المجتمع ككل فى ناس اغنية جدا بس بعرقهم و شغلهم و فى ناس تانية حرامية القصد اننا منجمعش

**mxz911** · 07-10-2011 04:52 AM

الموضوع جميل

بس نتكلم بصراحه مش معنى ان حد يروح مارينا يبقى ضد الثوره او مثلا مش مع الثوره ... انا مش عاوز اقول اعرف كذا شخص ماشاء الله ربنا فاتحها عليهم جدا ومنهم كذا حد والله عايش ف فيلا عادى جدا كان بينزل التحرير مع الناس للمطالبه بالعدل

**omar-saad** · 09-10-2011 02:34 AM

المشاركة الأصلية كتبت بواسطة hamasa

اللى يبص لعيشة غيره تحرم عليه عيشته

+1111111111111
الله ينور عليك

**strongxx** · 09-10-2011 11:42 AM

علي رأي أحمد مكي.... الراجل ده نفسيه

ومريض نفسيا وعنده عقده كبيره من أي حد لابس حاجه جديده أو راكب عربيه جديده وكلهم في نظره حراميه

إلي زي ده عايز دكتور نفساني يعالجه من الحقد الطبقي إلي بيعاني منه وغالبا حينتهي بيه الحال يا إما يتجنن او حيفضل طول عمره شحات لان مش فاضي غير للحقد وبس بدل ما يفكر يبقي أزاي يبقي مرتاح ماديا زيهم

**DISCOVER** · 20-10-2011 02:38 PM

انا شايف انها مجرّد نفسنة يعني بصراحة من الكاتب ... شيء طبيعي يبقى في كل دولة فقرا و أغنيا و غنى فاحش و غيرهم من الطبقات

هوة لازم مصر كلها تبقى في مارينا يعني ؟؟؟ مجرد نفسنة مش أكتر ولا أقل

**BMW5260** · 22-10-2011 11:42 PM

يا جماعة لازم تعرفوا إن الموضوع عادي جداً إحنا مثلاً شركتنا بتحجزلنا في مارينا في الصيف طبعاً إلى جانب أماكن أخري وبفلوسنا يعني أنا أقصد إن ممكن موظف عادي جداً يروح مكان زي ده بسعر مدعم من شركته ومش لازم يكون غني هو واحد بيحب يقضي وقت كويس مع أسرته