الى وحوش المنتدى طلعتلى رسالة غريبة Low Battary مع العلم ان البطارية جديدة من شهر والرسالة مبتتطلعش غير لما بشغل التكييف ... روحت لواحد بتاع بطاريات وقاس البطارية والدينامو والأتنين تمام حد عنده تفسير ....
عرض للطباعة
الى وحوش المنتدى طلعتلى رسالة غريبة Low Battary مع العلم ان البطارية جديدة من شهر والرسالة مبتتطلعش غير لما بشغل التكييف ... روحت لواحد بتاع بطاريات وقاس البطارية والدينامو والأتنين تمام حد عنده تفسير ....
الزميل الفاضل،
رسالة low battery خاصة ببطارية كارت العربية و ليست بطارية السيارة....
حضرتك هتلاقى فى كارت العربية حتة صغيرة شيلها...هتلاقى تحتها بطارية مبططة موديلها CR2025 ....يا ريت تجيب ماركة كويسة زى MAXELL أو RENATA أو PANASONIC و تبدلها و إن شاء الله الرسالة مش هتطلع تانى.....
البطاريات الكويسة هتلاقيها عند واحد بتاع ساعات نظيف أو عند Radio Shack ....و يا ريت تطمنا....
البطارية الجديدة كام أمبير ؟
معلش سؤال تانى.....هى البطارية اللى كانت فيها كانت 70 أمبير ؟
أنت متأكد أنها مش متغيرة ؟
أنا فى الميجان اللى معايا ( 2005) البطارية 72 أمبير
مش بلاقى بطاريات 72 أمبير و أنا بغير و عادة بجيب 75 أمبير.
موضوع البتري وقياسها دة مش بيكون مرتبط بالأمبير بيكون مرتبط بالفولت ، ودة معناه إن قياس الفولت أثناء الشحن أقل من 14 فولت ، ودة بيكون سببه يا إما قابل سايب يا إما قواطيش مملحة ، يا إما الاتنين ، ملهاش سبب تالت ، يا إما لا قدر الله البطارية فيها ربع وحضرتك بتقول جديدة يبقى دة مستبعد
أخيرا اتحلت بعد عناء ولف وبعد مالعربية جابت أخرها ... تفتكروا أيه السبب ؟؟؟؟
طمبورة الكرنك ... الى بيلف عليها سير الدينامو كانت فوتت على الأخر وفى منها نوعين على كاوتش ودى الى عندى وواحدة تانية حديد ودى الى جبتها بدل الى على كاوتش
الدينامو كان فى الأخر بيدى 12.5 فولت والمفروض يدى 14
أنا كنت خلاص هاغير الدينامو بس الميكانيكى الله يكرمو قبل ما يحل الدينامو بص على الطمبورة وقلى دى هى سبب كل التهييس ده وغيرلهالى وكله تمام الerror راح والتكييف أشتغل زى الفل .
ممكن اسئل سؤال غلس شويتين
ليه حضرتك مرحتش التوكيل ؟