هديه لعيد الجواز

**wesam_salom** · 18-07-2011 12:28 PM

كويس انك فكرتنى
كنت هنسى زى كل سنه
فكرنى تانى بعد بكره ارجوك علشان انا عندى زهايمر
هو مفيش عفو هيطلع عن المساجين بمناسبه الثوره
بالنسبه للهديه
الستات مبيهتموش غير بالدهب ولو انت رومانسى يبقى الورد
لو انت عملى بقى هات اى حاجه تستخدم فى البيت او المطبخ وتبقى ضربت عصفورين بحجر واحد

**askoda** · 18-07-2011 12:35 PM

Do something Different together is the best Gift

**shaddadfalcon1** · 18-07-2011 12:50 PM

انا ذكري زواجي بعد بكره 20/7 وكالعاده زي كل سنه هنسي قبلها بكام ساعه ومراتي هي اللي هتفكرني وتقولي كل سنه وانت طيب وانا كالعاده هعمل فيها هندي البنهاوي

**أبو إياد** · 18-07-2011 01:21 PM

احمد المصرى دبابه يا مفترى طيب خليها مصفحه ولا مدرعه
alaasaid والله انا زهقت من الهدايا التقليديه وعاوز حاجه جديده بس مش عارف
Mohamed_Rashad انت عارف الحريم مش بيسكتوا لو فى حاجه ناقصه فى البيت
Frozen_Pain موضوع الخروج ده شىء مفروغ منه ولازم هايكون انا كل مشكلتى فى الهديه
M.Mostafa80 حبيبى محمد باشا كل سنه وانت طيب وانا مش ناسى انه عيد ميلادك حافظه ياباشا وعارفه وربنا يباركلك يارب
Hossam_Hassan ايه هى بقا الهديه البسيطه ؟
Ghosts لا دهب لا انسوا
human12 ربنا يسامحك يا طارق
نور القمر كمان ابو متين ومش عارف كام لالالالالا
wesam_salom تصدق عمرى ما جبتلها ورد ولا حتى فى الخطوبه
askoda ايه هو الشىء المختلف . اجابتك ناقصه
shaddadfalcon1 كل سنه وانت طيب وحاول انت تكون سباق علشان تنول الرضا

**Frozen_Pain** · 18-07-2011 01:28 PM

اممممم كريستالة وتكتب عليها تاريخ الجواز او تحط عليها صورة فرحكم
غالبا مش هتبقى غالية

**kar!m** · 18-07-2011 01:47 PM

واضح ان شهر يوليو ده موسم التزاوج

**shaddadfalcon1** · 18-07-2011 02:56 PM

المشاركة الأصلية كتبت بواسطة wesam_salom

نفس التاريخ
نبقى نفكر بعض

انا لسه مخرجهم البارح وانا مراتي اتعقدت من الدهب بعد ماشقتي اتسرقت ودهبها اتسرق ومتبقاش منه غير الأساور وسابتهم عند مامتها

يعني انا كده براءه واخري اجيب تورتاره علي راي محمد ابني ونحتفل في البيت مع اني مش بحب احتفل عشان انسي هههههههههههههه

**human** · 18-07-2011 03:20 PM

هو المفروض تسموه تاريخ النكسه مش تاريخ الزواج

**mailo** · 18-07-2011 03:26 PM

متسمعش كلام المغرضين اللي بيقوللك متجبش حاجة
دول مش ناويينلك على خير

المهم بص يا سيدي هو الموضوع كله إنت وامكانياتك طبعا
بس كفكرة مثلا ممكن خروجة عشا ومعاها هدية صغيرة
الخروجة
المطاعم مثلا عندك سوكويا فالزمالك و شيليز في كل حتة "لازم تحجز الأول" وممكن ستيك اوت بس أنا مبحبوش وعندك كمان بون ابيتي وفيه واحد فـمصر الجديدة بس مش فاكر اسمه إيه هو بين مستشفى الطيران في الماظة والسابع عماير لو قريب منك أقولك هو فين بالضبط

أو تحجز في باخرة اللي بيمشوا ساعتين فالنيل دول بس خد بالك البروجرام بيبقى فيه رقاصة :)
الهدية
ممكن فعلا حاجة كريستال يكون شكلها حلو بس تكون هتستعملها أو هتحطها في مكان تشوفه فيه يعني سبحة للمرايا في عربيتها "حاجة تكون معاها يعني أو تدي منظر قدامها " أو ماديليه مثلا اسمها عليها كده يعني
المهم تكون قدامها معظم الوقت مش هدية تتركن يعني

وياسلام بقى لو الهدية دي من الهدايا اللي ممكن تتفشخر بيها قدام صحباتها يبقى إنت كده عديت

المهم يعني فكرني على يوم 31 اللي جاي وقولي جبت إيه أو هات 2 على طول ونتحاسب