الصراحة الـ16 يوم دول كانوا اجمل واصدق ايام حياتي
وذكرياتي فيها ... اني ككل المصريين كنت قرفان ومخنوق من حال البلد وكان بعض المثقفين الوطنيين يتكلمون لماذا لا يثور المصريين وهل نحن عبيد لهذه الدرجة ... ؟؟؟
كنت ابحث دائما في تاريخ الثورات وخصوصا العربية فلا اجد اي ثورة شعبية تبشر بنجاح الثورة في مصر أو حتى قدرتها على التغيير ان قامت اصلا ... فكل تاريخنا ان كل الثورات العربية قامت بإنقلاب عسكري من ضباط الجيش الذين يملكون الدبابات والمدافع
إلى ان حدثت ثورة تونس ... لمعت عيناي وانا اتابعها واحسست انها اشارة البدء لنا من الله ... وان النجاح في التغيير صعب لكنه مش مستحيل
كدت احقد على التونسيين بعد نجاح ثورتهم وتابعت نزول الجيش في تونس للشارع ومقابلة الشعب للضباط بالأحضان
بدأت اتابع الفيس بوك ودعوات النزول يوم 25 يناير وانا كلي شوق للنزول والمشاركة بالأضافة انه كان يوم اجازة يعني هبقى فاضي ومفيش شغل
لكن للاسف محدش من اصدقائي كان بيشجعني بل منهم من كان يتريق ويقول محدش هينزل ولا انت كمان هتنزل واليوم هيعدي ....
جاء يوم 25 يناير وكان لي صديق وحيد قالي لو نزلت فعلا كمني وهننزل مع بعض ..
ومنذ الصباح تابعت الجزيرة وكانت المظاهرات بسيطة وفي حوالي الساعة 2 ظهرا لقيت على شريط الأخبار خبر بيقول آلاف المواطنين يتوجهون لميدان التحرير ساعتها محستش بنفسي الا وانا لابس هدومي وفي الشارع ولا لحقت اكلم صاحبي حتى
الميزة عندي اني بيني وبين التحرير 4 محطات مترو فقط
وصلت هناك على الساعة 3 عصرا تقريبا .. وانا في محطة انور السادات شميت ريحه غريبة اول مره اشمها (عرفت بعدها انها ريحة الغازات المسيلة للدموع) واول ما طلعت للميدان لقيت منظر عمري ما شوفته كم هائل من البشر ولقيت نفسي بندمج معاهم وبهتف معاهم
صورت على قد ما اقدر واتهريت غازات مسيله معاهم ومكنتش اعرف انها فظيعة للدرجة دي كانت عيني بتدمع كأن حنفية ميه فيها
اتصلت بصاحبي وقولتله انا في الميدان انزل بسرعه وانا بكلمة الشبكة قطعت وعرفت بعدها انهم عملوا تشويش على الموبيلات
رجعت قبل فض الشرطة للميدان وشاهدت بنفسي حالات خطف المخبرين للمتظاهرين وواحد بجانبي اتقبض عليه رجلي ارتعشت ومقدرتش اعمله حاجه
في يوم 26 و27 كنت بحاول اقنع اللي حواليا بالنزول وقولت ان المنتدى هنا اكيد ناس كتير هتنزل دة احنا ياما عملنا مواضيع واتناقشنا عن الفساد في البلد
فكرت اني اعمل موضوع مصور لتحفيز الناس على النزول من غير ما اقول يالا ننزل خوفا من امن الدوله اللي كان بيتابع المنتدى لكن للاسف المنتدى خذلني والموضوع معملش اكتر من صفحتين ... !!!
http://www.nilemotors.net/Nile/198865-25-2011-a.html
اما يوم 28 يناير فده كان يوم حكاية هحكية في مشاركة تانية بإذن الله
المفضلات