ان شاء الله انا ناويت اجيب اسبيرانزا a113 فكنت عايزة استفسر اجيبها من التوكيل احسن ولا من اى المعرض
وهل لازم اخد معايا حد يشوفها ؟
عرض للطباعة
ان شاء الله انا ناويت اجيب اسبيرانزا a113 فكنت عايزة استفسر اجيبها من التوكيل احسن ولا من اى المعرض
وهل لازم اخد معايا حد يشوفها ؟
انا رايى الشخصى لو فلوسك كاش توكلى على الله واشترى من التوكيل بدون ماتفكرى لان التوكيل امان اكتر وتعرفى تاخدى حقك فى اى وقت لو حصل معاكى اى حاجة لاقدر الله .. اما المعارض انت وحظك بقى وطبعا لو بصينا للفرق هتلاقى الف جنية ولا حاجة او حتى نفس السعر وعليها هدية زى تلفزيون 24 بوصة مثلا شغل ضحك عالدقون يعنى علشان يجيبوا الزبون وخلاص .. وفى النهاية استخيرى ربنا وبالتوفيق ان شاء الله
نصيحه لوجه الله بلاش العربيه دى مع اخويا عامله دلوقت 60000 بس حاجه تسد النفس وعلى فكره سعرها مش رخيص احسن تشوفى حاجه تانيه معلش انا اسف على الصدمه بس هى دى الحقيقه عربيه تعبانه خسارة الفلوس فيها عايزين نقول مبروك على حاجه احلى تقبلى مرورى واسف مره اخرى
هو التوكيل اضمن طبعا بس ممكن يغيب فى التسليم
المعرض ممكن يبقى ارخص الف جنيه او خمسميه بس بيسلم على طول
[QUOTE=katoba;3873665588]انا رايى الشخصى لو فلوسك كاش توكلى على الله واشترى من التوكيل بدون ماتفكرى لان التوكيل امان اكتر وتعرفى تاخدى حقك فى اى وقت لو حصل معاكى اى حاجة لاقدر الله .. اما المعارض انت وحظك بقى وطبعا لو بصينا للفرق هتلاقى الف جنية ولا حاجة او حتى نفس السعر وعليها هدية زى تلفزيون 24 بوصة مثلا شغل ضحك عالدقون يعنى علشان يجيبوا الزبون وخلاص .. وفى النهاية استخيرى ربنا وبالتوفيق ان شاء الله[/QUOTE
متشكرة جدا ع الرد
انا بقالى شهر والله بدور على عربيه لقيت ان دى انسب حاجة ليا وعلى اد فلوسى لانى مش عايزة اجيب مستعمل وبعدين الاستعمال هيبقى بسيط اوى
متشكرة جداا والله ع الرد
استخارة وتوكلى على الله التوكيل اكيد اضمن
بالنسبة لموضوع اسبرنزا او غيرها الاختيار يرجع لحضرتك بعد التفكير طبعا والاستخارة وانا شايف ان العربيات اللى عليها كلام بتكون حظوظ يعنى مع ناس كويسة ومع ناس وحشة .. انا معايا ام 11 ناس شكرتلى فيها وناس شتمت كتير ولكن هى معايا بقالها 3 شهور منكرش ان مفيش عيوب ظهرت لكنها بسيطة وبتتحل فى الصيانات الدورية
اتمنى من الله يوفقك للاختيار الصحيح
'طبعا التوكيل او موزع معتمد احسن واضمن لانى كان واحد ساكن جانبى شغال فى معرض عادى كان كل يوم والله يروح بعربيه شكل
مرة فيرنا مره جيتز ومره نيسان وهكذا
متابع
بصى المعارض الصغيرة افضل لك من الكبيرة ال بقت زى السوبر ماركت وزحمه ومحدش فاضى يسمعك ولا يتكلم معاكى وقاعدة تلفى بنفسك وتجرى ورا كل واحد . المصريه وسمير ريان مرة ادامى سلموا فيرنا لعميل بطاريتها خربانه وعايزين يقنعوا الراجل ان العربيه تتزق ومجرد تشغيلها ساعه تتشحن الراجل ادامى وبعلو صوته انا عايز فلوسى ولم الناس وطلع باشا وهز نفسه وخلى الفنى يفك بطاريه عربيه من جوة المعرض ويركبها . سمير ريان سلم عربيه مخبوطه من تحت جامد الظاهر من التحميل حدث شيىء والزبون لبسها واكتشفها لما غسلها ورجع للباشا قاله انا مسلمك العربيه وطالما استلمت وخرجت روح للتوكيل انا بياع .. الخلاصه فى ظل الفوضى دة اما معرض صغير بيخاف على سمعته لانه عايز يبيع ويكبر او الوكاله نفسها وسيبك من المعارض السوبر ماركت فى الشراء الجدى اتفرجى عندهم بس اشترى من الوكاله او معرض صغير
الف مبرووك مقدما وياريت التقارير اول بأول بعد الاستلام زى ما كلنا بنعمل عشان الكل يستفيد
انا من مؤيدي الشراء من الوكيل
ونصيحة صغيره لو تسمعيها....... هاتيها كسر ويرو 2011 وموجود منها كتير , حيقل تمنها حوالي من6 الي 10الاف جنيه
روحي نوكيل ابو الفتوح فرع المعادي واطلعي للاستاذ "احمد مراد" واسأليه وقوليلو انك من طرف "احمد حلمي" (انا) وان شاء الله حيجبلك حاجه كويسه كسر زيرو
ومبروك مقدما
الف مبروك مقدما العربية جميله اوي اوي و راي هاتي من التوكيل اضمن
خلاص يا جماعة روحت التوكيل وحجزتها ... ادعولي بقى يارب توصل بسرعة ... شكرا لكل اللي ردوا عليّ
كسر الزيرو عادي مش لازم تكون فيها مشكلة ...
انا كنت اعرف واحد والده شغال في الكويت و كانوا كل سنة بيدفعوا 10000 جنيه للمعرض اللي شاريين منه العربيات و يغيروا العربيتين ...
كان معاهم فيرنا و نوبيرا ... كل سنه 10 الاف و كأنهم مأجرينهوم .... مع مراعاة ان هما كان لازم يسيبوا البلاستيك بتاع الكراسي
هما كانو شايفيين ان كده اريحلهم و اوفرلهم من ان العربية تطلع برة الضمان و تصرف ....و بكده كأنهم بيدفعوا ايجار عربية في السنة ب 5 الاف او بيشترو ضمان مدي الحياة في السنة ب 5000
طالاما في الضمان ربنا يخلي حمايه المستهلك و ان شاء الله لو لا قدر الله كان فيها حاجة تتظبط ....
و اولا و اخيرا الاستخارة علشان ربنا يسدد خطانا للخير و التوفيق ان شاء الله