الموضوع: مقبل على شراء صني 99 وعايز نصيحتكم

المشاركة الأصلية كتبت بواسطة aboamr

اول حاجه تعمل استخاره
الميكانيكى يكون شخص موثوق بيه وماتعتمدش عليه لوكان هو صاحب العربيه
تجيب ميكانيكى وعفشجى وبويجى يفلو العربيه ويدوك تقرير عنها
كيلوات العربيه لاتتعدى 110 الف كيلو
تتاكد كويس ان العداد ماتلعبش فيه
حالة العربيه الخارجيه تكون ممتازه يعنى صاج العربيه سليم
دواخل العربيه تكون فابريقه والعربيه فيها علامات معينه وفواصل تقدر تعرف دواخلها عامله ايه
سقف العربيه والشنطه والكبوت من الافضل الا يكون تم رشهم
شنطة العربيه من الداخل تكون سليمه وكامله بالكوريك والاستبن وارفع خرطوم الداير وشوف حواف الشنطه واكشف موكيت الاجناب واتفرج على الصاج من الداخل وهل فيه سمكره
اتفرج على باب الشنطه من الداخل وهل فيه شغل سمكره ولا سليمه
من فوق الاكصدام الخلفى تتفرج على دواخل الشنطه وفيها تنيات معينه صعب اللعب فيها
تتفرج على الصالون وتتأكد ان الصالون بحالته ولم يتم فكه وارضية العربيه سليمه والموكيت لم يفك والتابلوه يكون كامل وكل حاجه فيه شغاله وسليم
تجاليد الابواب تكون سليمه وتتأكد من عمل السنتر ورفع الزجاج وكذلك السقف من الداخل يكون جديدوبحالته
موتور العربيه ناعم جدا وليس له صوت قم بتدويره وشغل التكييف وشوف كفاءة التكييف فى دقيقتين بيكون تلاجه على رقم 2
قبل تدوير الموتور تأكد من قياس مستوى زيت الموتور وشوف قربة المايه ناقصه ولامظبوطه
شغل الموتور وارجع ورا عند الشكمان وشم ريحة العادم يعن ايدك ورا الشكمان مباشرة لو فيه ريحه للبنزين يبقى فيه مشكله فى الاحتراقبالموتور ولاحظ لون العادم وتأكد ان الموتور سليم وخللى حد يزود البنزين وانت جنب الموتور وتأكد من صوته
عموما تأكد من اهتمام صاحب العربيه بيها ولاكانت متهانه يعنى شوف مثلا تيل الفرامل متغير امتى وبكام لو لقيته رخيص جرب العربيه وشوف فيه صفره مع الفرامل ولا ايه
لازم تسوق العربيه وتكسر الدركسيون يمين وشمال على الاخر وتشوف فيه صوت ولا لا
ومدى ثبات واتزان العربيه وسحبها وعفشتها العربيه معاك لغاية 130 زى الفل وثابته
السعر بيختلف تبع حالة العربيه العامه بالاضافه للكماليات والكاوتش والبطاريه
فى رايى من 41 الى 45
لو حسيت ان العربيه فيها شغل او متهانه يبقى سلامو عليكم من غير كلام

العربيه ex 1300 مافيش منها سوبر صالون
لو العربيه سليمه حتتبسط منها جدا وحاجتها متوفره وعديمة المشاكل واقتصاديه جدا





ا

اشمعنى 110 الف على اي اساس كدة اللي معاة عربية مستعملة مش هيعرف يبعها
لما عربية بقالها 13 سنة ماشية و عاملة 110 الف بس حوالي 8 الاف في السنة يبقى انا اشتري لية عربية من اساسة و اوجع دماغي في ترخيص و مخالفات و صيانة دة انا لو قضيتها مواصلات اوفرلي
دة مشوار اسكندرية بس بيعدي 500 كيلو
المفروض الرانج الطبيعي للعربية حوالي 20 الف كيلو في السنة انا معاك انك ممكن تلاقي عربية عاملة اقل من 100 الف كمان بس دية في حالات نادرة اوي لو عدادها حقيقي يعني
و التفكير دة على فكرة هو اللي مخلي كل التجار اول ما يشتري عربية يقلب عدادها عشان الزبون يبقى مبسوط و هو بيشتري

المشاركة الأصلية كتبت بواسطة m.fouad

اشمعنى 110 الف على اي اساس كدة اللي معاة عربية مستعملة مش هيعرف يبعها
لما عربية بقالها 13 سنة ماشية و عاملة 110 الف بس حوالي 8 الاف في السنة يبقى انا اشتري لية عربية من اساسة و اوجع دماغي في ترخيص و مخالفات و صيانة دة انا لو قضيتها مواصلات اوفرلي
دة مشوار اسكندرية بس بيعدي 500 كيلو
المفروض الرانج الطبيعي للعربية حوالي 20 الف كيلو في السنة انا معاك انك ممكن تلاقي عربية عاملة اقل من 100 الف كمان بس دية في حالات نادرة اوي لو عدادها حقيقي يعني
و التفكير دة على فكرة هو اللي مخلي كل التجار اول ما يشتري عربية يقلب عدادها عشان الزبون يبقى مبسوط و هو بيشتري

اكيد كل مايكون العداد اقل افضل وحالة العربيه احسن
وفيه عربيات بيتى واستعمال نظيف ولسه بايع عربيتى من شهرين
عامله 116 الف من غير لعب فى عداد ولا دياولو وصاحبى معاه اختها ولسه ماعدتش 100الف وبسم الله فابريكه بره وجوه محاسب بيروح شغله ويرجع والمسافه حوالى 15 كيلو
دا رايى حسب طلب المشوره اما لو رابه هو مش فارقه معاه الكيلوات عادى

المشاركة الأصلية كتبت بواسطة y2y1500

اى خدمة اصلى باطبق الطريقة دى فى شراء اى حاجة والله وجايبة نتايج هايلة
ابقى داخل المحل بقرف ومش طايق اتفرج وهوب المح حاجة فى الفاترينة يا اما تقنعنى يا اما لأ
تصدق بالله اخر حاجة كنت باشترى تليفزيون lcd 32" جديد لزوم التجهيز ورايح عامل حسابى على ماركة معينة وجبت ماركة تانية خااالص لمجرد ان البياع اقنعنى بيه وطريقته فى البيع عجبتنى وسعره كان 1900ج وعليه كمان حامل حائط وريسيفر هدية
ارزاق بقى نقول ايه

افهم يادكتور ان فيه عزومه قريب

طبعا انا مش ممكن اقول كلام في الفحص بعد اللي اتقال لأن الصقور بصراحه جابوا من آخر سبع تمن حاجات كده لكن كل اللي اقدر اقوله لك ان العربيه لو سليمة و ربنا وفقك و اخدتها .
يديك و يدينا ربنا طوله العمر و تدوبها لأنها من احلي ما انتجت نيسان و عربيه محترمة جدا جدا جدا و الف مبروك مقدما ,

طيب هو طالب 47 الف
وهي سليمه زي الفل
ايه رايكم ؟؟؟


غير كده عايز اعرف اسعار قطع غيارها
يعني اللي اشترى حاجه من قريب وفاكر تمنها يقول

المشاركة الأصلية كتبت بواسطة zago

طيب هو طالب 47 الف
وهي سليمه زي الفل
ايه رايكم ؟؟؟


غير كده عايز اعرف اسعار قطع غيارها
يعني اللي اشترى حاجه من قريب وفاكر تمنها يقول

ياريت توضح مثلا
رشه خارجى .مغير فيها ايه . العفشه اخبارها ايه . التكييف . كام كيلو . الصالون حالته ايه . الشنطه كامله
السعر من 41الى 45
قطع متوفره جديد واستعمال

رشه بره بالكامل
دواخل متلمستش على كلام الراجل بس انا لسه مجبتش حد خبير يبص على الدواخل
العفشه ممتازه
الموتور حلو بس على الغيار الخامس مجبش اكتر من 130 بالتكييف
التكييف حلو وده اصلا سبب الشراء يعني احنا عايزيين ياباني علشان التكييف
الصالون حلو والكراسي عليها كسوه شيك فيها الكاسيت الاصلي وراكب فيها ديفيدي في الشماسه وفرش الابواب والتابلوه بحالتهم

يعني ايه الشنطه كامله ؟؟؟

وايه اللي ممكن يكون مغيره فيها ؟؟؟