تقريبا اتنصب عليا فى المرور
احساسى بيقولى ان اتنصب عليا فى المرور
احكيلكو الحكاية و ياااااريت حد عنده خلفية با مصاريف المرور يفيدنى
روحت المرور ... مرور الوايلى ..تحت كوبرى العباسية
انا اشتريت ال bmw من حوالى سنة و نصف
و الرخصة مكنتش باسمى
صاحب السيارة عملى تسجيل فى الشهر العقارى و كلف حوالى 1350 جنية بايصال من الشهر العقارى
هى سيارة بى ام مو 2008 320i و تقفيل محلى على حد علمى
و بعيدين روحت المرور بتاعة فى مدينة نصر و جبت المخالفات 10 جنية ... الحمد الله
و بعدين روحت المرور عندى الوايلى..
انا اعرف حد هناك موظف على الشباك ... يعنى بيمشى الدنيا سريعة شويبة
و ياخد 20 او 30 جنية و بقول يالا بجملة المصاريف
و للعم انا قولت هرخص سنتين
و بالفعل رخصت سنتين
و بعدين دفعت التامين الاجبارى 220 جنية فى كشك من اكشاك شركة التامين بايصال
و بعدين دفعت اعتقد دى الضريبة 1055 جنية فى الخزينة بايصال
لحد كده كله تمام .........
و بعدين رجعت لشباك الموظف اخد منى 1067 جنية و ما خذتش بيهم ايصال
و مش عارف بعد لما روحت فضلت اجيبها يمين و اجيبها شمال مش عارف
حد يقولى كده اتنصب عاليا ولا دى مصاريف مظبوطة
طبعا اقصد 1067 جنية ................
علشان لو دى نصبه هروح اخرب بيت ابوهم و ابو الى جايبهم