احقر انواع الحراميه - حرامية المساجد

**ramy87** · 18-07-2011 08:43 PM

المشاركة الأصلية كتبت بواسطة a.saad

صناديق التبرعات بتتسرق

عندك حق لما صندوق التبرعات و الصدقات بيتسرق يبقى الجزم و لا حاجة

**som3aa** · 18-07-2011 10:14 PM

المصيبة ان مرة الجزمة اتسرقت و انا لزق فيها جنبى علطول مش عارف حرامى ايه اللى عنده قلب يعمل حاجة كدا!!!
الالعن مرة شبشبى ميجيش ب 10 جنيه اتسرق برده!!!!!!!!!!!!!!!!!!!!

حاجة مستفزة و بعدين بقبت لما بصلى فى المسجد و انا نازل بجزمة ببقى مش مركز فى الصلاة و كل شوية ببص على الجزمة!!

**MOUSTAFA_SAAD** · 18-07-2011 10:34 PM

ده فيه سرقه بتحصل فى الحج كمان

**yascro** · 18-07-2011 11:12 PM

حصلت معايا كنت رايح احضر كتب كتاب ف جامع حاتم وصلينا العشا وببص ملقتش الكوتشى وكنت لسه جايبه من اديداس بملغ محترم (وكنت حاطه جنبى تحسبا لسرقته)
يا دوبك سلمت ببص ملقتوش نزلت جرى بالشراب من ع السلم لغايه الشارع بصيت يمين وشمال مكنش لسه حد خرج حلفت ميت يمين اللى هلاقيه معاه هنصلى عليه جنازه بعد كتب الكتاب ثوانى ولقيت شاب ظريف لطيف شيك نازل ماسكه ف ايده
المهم (حلف على كل المصاحف اللى ف الجامع انه جزمته اتسرقت وهو خد ده مكانه)
المهم عشان الناس تاخده من ايدى حكمت عليه يحط الفلوس اللى معاه كلها ف صندوق التبرعات بتاع الجامع و يمشى حافى اه ويقلع الشراب كمان
ومن يومها وانا ليا طقوس معينه ف الموضوع ده
هههههههههههههههههههههههه

**رزق** · 18-07-2011 11:23 PM

المفروض يفرد ايده ويضرب بدي لغاية مايبانله صاحب

**shaddadfalcon1** · 18-07-2011 11:40 PM

المشاركة الأصلية كتبت بواسطة yascro

حصلت معايا كنت رايح احضر كتب كتاب ف جامع حاتم وصلينا العشا وببص ملقتش الكوتشى وكنت لسه جايبه من اديداس بملغ محترم (وكنت حاطه جنبى تحسبا لسرقته)
يا دوبك سلمت ببص ملقتوش نزلت جرى بالشراب من ع السلم لغايه الشارع بصيت يمين وشمال مكنش لسه حد خرج حلفت ميت يمين اللى هلاقيه معاه هنصلى عليه جنازه بعد كتب الكتاب ثوانى ولقيت شاب ظريف لطيف شيك نازل ماسكه ف ايده
المهم (حلف على كل المصاحف اللى ف الجامع انه جزمته اتسرقت وهو خد ده مكانه)
المهم عشان الناس تاخده من ايدى حكمت عليه يحط الفلوس اللى معاه كلها ف صندوق التبرعات بتاع الجامع و يمشى حافى اه ويقلع الشراب كمان
ومن يومها وانا ليا طقوس معينه ف الموضوع ده
هههههههههههههههههههههههه

ماهو اللي حصلي في جامع ناصر اللي جنب بنزينة موبيل اللي في سموحه يعني مش بعيد عن حاتم
وتقريبا السرقه كل يوم وخصوصا في صلاة العصر وواحد محترم بيقولي هو كل عصريه لازم حاجه تتسرق طيب ماادارة المسجد تعمل اي حاجه طالما كل يوم بيحصل سرقه

زمايلي دلوقتي بيحطو فرده في اول المسجد وفرده تانيه في اخر المسجد

**samoevil911** · 18-07-2011 11:45 PM

ربنا يعوضك عنه خير

انا لما بروح مسجد بعيد .. بقيت بعمل حاجة حلوة .. بحط فردة في مكان
والتانية في مكان تاني خالص .. في جزامة تانية اصلا

وهو لما بيجي .. مبيسرقش فردة واحدة عشان مش هيعرف يتصرف فيها

**samoevil911** · 18-07-2011 11:46 PM

المشاركة الأصلية كتبت بواسطة رزق

المفروض يفرد ايده ويضرب بدي لغاية مايبانله صاحب

هههههههههههههههههههه

دي حلال فيه

**MASERATI** · 19-07-2011 12:02 AM

السلام عليكم و رحمة الله و بركاته

فعلا, أهم حاجة أنك تحط الحذاء فى مكان ممكن تشوفه و أنت بتصلى, حتى لو المكان ده مفيهوش جزامة, مالكش دعوة, حطه أودامك أو بين رجليك و اللى يكلمك, ابقى قوله, هوا الجزمة بتاعتى لما تتسرق هتجيبلى أنت مكانها واحدة جديدة ؟؟؟؟, هتلاقيه اتكتم و حط جزمته جوه بؤه (عشان خايف عليها لتتسرق), لأنها بتبقى حاجة تغيظ أنك تكون شارى جذاء و لا كوتشى شيك عشان تلبسه و ييجى حرامى زبالة يسرقه و ياريت هيلبسه, لكن, ده الكلب هيبيعه ب20 و لا 30 جنيه.

**shaddadfalcon1** · 19-07-2011 01:02 AM

عمري مافكرت اخاف علي جزمتي وانا داخل اصلي بالرغم اني بشوف كل اسبوع تقريبا واحد جزمته تتسرق في المسجد ده مع اني بصلي فيه من 5 سنين يوميا من اول ماشتغلت في المكان ده
بس تقول ايه بقي

اصلي النهارده شاري لابتوب وكاميرا بدل اللي اتسرقت من الشقه برده فتقريبا حب يحتفل بيا عشان يبقي الجزمه الجديده مع اللاب والكاميرا