ياريت ياباشا لو لقيت حاجة تانية نفس الحالة دى ياريت تقولى شاكر ليك مقدما
عرض للطباعة
ياريت ياباشا لو لقيت حاجة تانية نفس الحالة دى ياريت تقولى شاكر ليك مقدما
شوف ياسيدى
دى طبعا أول مشاركة ليا فى المنتدى وهنصحك نصيحة وبردو انت فى الأخر القرار ليك
انا تاجر قطع غيار لانسر (بومة فقط) و أحب اقول لحضرتك ان البومة كعربية معمرة أفضل بكتييير من الشارك فى حاجات كتيييرة اوى
أولا قطع غيار البومة أرخص بكتييير من الشارك .. يعنى تشترى فانوس أمامى ب 400 جنيه أصلى استيراد؟؟ ولا تشترى فانوس أمامى شارك ب 1500 :2000 جنيه؟؟؟ حسب الحالة طبعا؟؟؟
دى مثلا بسيط وقطع الغيار بالنسبة للشارك يا اما ضعفين أو 3 أضعاف القطعة فى البومة .. يعنى من الأخر اى حاجة هتحصل فى العربية هتصرف مبلغ وقدره
تانى حاجة بقى والمهمة ان فتيس الشارك فيه عيوب تصنبع وبيبوووظ بسرعة وفى عربيات شارك كتيييييييييير بتغير فتيس واسأل أى ميكانيكى أو عفشجى متخصص فى اليابانى وهيقوللك كلامى ده ..
تالت حاجة بالنسبة للبيع .. يوم ماهتقول عايز ابيع عربية بومة هتبيعها فى نفس اليوم
أما لو شارك مش هقوللك هتتأخر لكن هتقعد معاك من اسبوع ل أسبوعين حسب ظروف السوق وحسب الحاجة ليها .. انما البومة مطلوبة دايماااااااا
اما لو انت بقى من الناس اللى بتطييييييييير ههههه .. المكواة ثباتها على الطريق أكبر بكتيير من البومة رغم انها بتختلف عن البومة فى بعض القطع الخارجية فقط ومابتختلفش كتير من الداخل كموتور وعفشة وكده غير حاجات صغيرة جداااااااااا تكاد لا تذكر
اما بالنسبة لثبات الشارك ماقدرش افيد حضرتك فيه لأنى مش بقول غير اللى انا واثق فيه جدا بصفتى تاجر قطع غيار استيراد وياما بيجيلى زباين و صنايعية وكل واحد بمشكلة مختلفة عن التانى .. فنا بقوللك ده بواقع خبرتى
يعنى م الاخر مشكلة االبومة فى ثباتها على الطريق أما مشكلة الشارك فى الفتيس والعفشة
عفشة البومة أفضل من الشارك .. الشارك بتحتاج تغيرلها حاجات فى العفشة كل فترة .. اما البومة ركب وانسى
بس يا سيدى
اتمنى اكون قدرت افيدك وبردو الرأى النهائى لحضرتك
اعتقد ان حضرتك متجنى كتير على الشارك
اولا العربية معايا من فترة مش طويلة بس انا ركبت عربيات كتير وفعلا الشارك عربية رائعة وهى افضل من البومة كتير جدا ثانيا موضوع قطع الغيار معاك ان الشارك قطع غيارها اغلى بس الفرق مش كبير ثانيا انا لو هادفع فرق فى اسعار قطع الغيار هاخد قصاده متعة انى اركب عربيه افضل من البومة بمراحل
اما عن مشكلة الفتيس انا ازعم انى قريت معظم الموضوعات على النت عن الشارك وعمرى ماقريت حاجة وحشة عن فتيس الشارك
لا ابدا والله بس صدقنى انا مش بهاجم العربية على قد مابقول اللى انا اعرفه عنها
وانا زباين عندى كتير كانوا راكبين شارك وباعوها وجابوا بومة وكان عندهم المشاكل اللى بقولها دى بتتكرر مع اكتر من واحد
انا واحد من الناس عار ان الشارك عربية فعلا ممتعة ولكن العيبوب اللى انا اعرفها فيها بقولها زى اللى انا قولتها فى البومة بالظبط
وفى النهاية هرجع واقوللك
مفيش عربية بتنزل مفيهاش عيوب ههههه ودى حقيقة فعلا
زى الموبايلات كده .. لازم كل موديل موبايل ينزل يسيبولك فيه حاجة عشان الاصدار الأحدث يعالجوها وتبدأ تقارن وفى الاخر تشترى الاصدار الأحدث ولما تشتريه هتكتف عيب وهتلاقيهم تجنبوه فى اللى بعده واللى بعده وهكذااا
هو نوع من انواع التسويق للمنتجات
وفى الاخر ربنا يباركلنا فى عربياتنا جميعا ويبعدنا عن اى حاجة وحشة
ممكن يكون الواحد راكب عربية مفيهاش غلطة لكن مش بيعرف يتعامل معاها كسواقه أو صيانة وبلاتالى هو اللى بأيديه بيبوظ حاجات فيها ويرجع يشتكى
وفى حد تانى يبقى راكب عربية كل الناس بتنتقدها لكن عارف ازاى يحافظ على عربيته ويعتنى بيها وبتعيش معاه اكتر
هى كده والله فى الاخر مهما هنقول ونعيد على الموديل الفولانى والعلانى
ولا ايه رأيك؟
السلام عليكم:
معذرةً هلفت نظر حضرتك لحاجه بره الموضوع
ياريت تفكر تجرب سواقة البى إم 318 وال120 ألف ممكن يجيبولك موديل لغاية 2003 وهتكون عربيه محترمه
أنا عارف إنى خرجت بره الموضوع بس دايماً اللى بيشترى بيكون فى حاجت مش واخد باله منها
وطبعاً الإختيار اللى قولته لحضرتك لاوجه للمقارنه إطلاقاً بينه مابين كورى أو يابانى حتى لو موديل السنه الجايه مش السنادى
وطبعاً ماتنساش صلاة الإستخاره والله المستعان
جزاكم الله خيرا علي تعاونكم معي
فعلا الايام الاخيره لما تعمقت وسألت كتير اكتشفت مشاكل في الشارك اكبرها قطع الغيار وانتشارها
والله اعلم ده برضه راجع لأن العربيه جديده هاي لاين 160 مبلغ يخلي اي حد يفكر في سيفك مش لانسر
المهم دلوقتي انا لسه محتار بين الانسر البوما وبين الالنترا الشكل القديم ناس كتير بيقولولي الالنترا اقوي وافخفم وثبات اكتر علي الطريق
وبما اني جاهل في الانسر يعني هيه الانسر المكواه دي في منها 2011 برضوا
وجزاكم الله خير
المكواه اخرها 2003 بس
بالنسبة للانترا انا مش بفهم فيها خاااااااالص
انت جبت من الاخر واللهاقتباس:
شوف ياسيدى
دى طبعا أول مشاركة ليا فى المنتدى وهنصحك نصيحة وبردو انت فى الأخر القرار ليك
انا تاجر قطع غيار لانسر (بومة فقط) و أحب اقول لحضرتك ان البومة كعربية معمرة أفضل بكتييير من الشارك فى حاجات كتيييرة اوى
أولا قطع غيار البومة أرخص بكتييير من الشارك .. يعنى تشترى فانوس أمامى ب 400 جنيه أصلى استيراد؟؟ ولا تشترى فانوس أمامى شارك ب 1500 :2000 جنيه؟؟؟ حسب الحالة طبعا؟؟؟
دى مثلا بسيط وقطع الغيار بالنسبة للشارك يا اما ضعفين أو 3 أضعاف القطعة فى البومة .. يعنى من الأخر اى حاجة هتحصل فى العربية هتصرف مبلغ وقدره
تانى حاجة بقى والمهمة ان فتيس الشارك فيه عيوب تصنبع وبيبوووظ بسرعة وفى عربيات شارك كتيييييييييير بتغير فتيس واسأل أى ميكانيكى أو عفشجى متخصص فى اليابانى وهيقوللك كلامى ده ..
تالت حاجة بالنسبة للبيع .. يوم ماهتقول عايز ابيع عربية بومة هتبيعها فى نفس اليوم
أما لو شارك مش هقوللك هتتأخر لكن هتقعد معاك من اسبوع ل أسبوعين حسب ظروف السوق وحسب الحاجة ليها .. انما البومة مطلوبة دايماااااااا
اما لو انت بقى من الناس اللى بتطييييييييير ههههه .. المكواة ثباتها على الطريق أكبر بكتيير من البومة رغم انها بتختلف عن البومة فى بعض القطع الخارجية فقط ومابتختلفش كتير من الداخل كموتور وعفشة وكده غير حاجات صغيرة جداااااااااا تكاد لا تذكر
اما بالنسبة لثبات الشارك ماقدرش افيد حضرتك فيه لأنى مش بقول غير اللى انا واثق فيه جدا بصفتى تاجر قطع غيار استيراد وياما بيجيلى زباين و صنايعية وكل واحد بمشكلة مختلفة عن التانى .. فنا بقوللك ده بواقع خبرتى
يعنى م الاخر مشكلة االبومة فى ثباتها على الطريق أما مشكلة الشارك فى الفتيس والعفشة
عفشة البومة أفضل من الشارك .. الشارك بتحتاج تغيرلها حاجات فى العفشة كل فترة .. اما البومة ركب وانسى
بس يا سيدى
اتمنى اكون قدرت افيدك وبردو الرأى النهائى لحضرتك
والله الشارك دى عربية متخلفة نازله ب 160 الف و 1500 سى سى وسحبها زى البطة وقطع غيرها غالية جدااا ولو كلامى غلط الدليل عدم انتشار العربية وتفوق الكورى ( الانترا والسيراتو) عليها بلعكس عندما ظهرت البومة كانت مكتسيحه السوق بمعنى الكلمة وكل الناس حتى الان عوزها ونزلوها منها 2010 ودى نصيحة والله عربية غالية على الفاضى ودة رائى يا جماعة ومش بكلم على لسان حد وياريت تتقبلو رأئى بصدر رحب وشكرااااا