بتشحم عربيتك كل قد إية؟

**goodwave** · 05-05-2008 02:25 PM

السلام عليكم

طبعا المصطلح المستخدم مش صحيح لان دلوقتي مفيش حاجة إسمها تشحيم بإستخدام شحم ولكن ده لفظ بنطلقة على رفع العربية وغسيلها من تحت في البنزينة.

فياريت الناس تشاركنى الرأي وتقولي بتشحم كل قد إية وهل التشحيم ضروري وبيتم بمية فقط ولا مية وجاز؟ هل عدم التشحيم مضر للعربية ولا عادي زي مثلا غسيل الموتور إللي ممكن يضر؟

لما كان معايا البولو عمري ما شحمت لأني كنت بخاف من الروافع إللي في المحطات وإللي بترفع العربية من الشاسية .... بس دلوقتي فتحت جنبي محطة إمارات مصر وعندهم الرافعة عبارة عن مكان بتدخل بالعربية وبيرفعها من عند العجل بدون المساس بالشاسية وده شئ جميل.

برجاء المشاركة والإفادة

**mido777** · 05-05-2008 02:37 PM

ازيك يا ابوحميد ايه اخبارك

1 - انا بشحم مرة كل 6 شهور
2 - بغسل العربية فى محطة البنزين من 2-3 مرات فى الشهر
3- بستعمل منظف الموتور لو لاقيته متسخ وبيكون احسن من التشحيم

**goodwave** · 05-05-2008 02:44 PM

محمد باشا حبيب قلبي
كيف الحال.... معلش انا عارف إني مقصر في السؤال بس المشاغل اليومية والله.

يا محمد انا قصدي غسيل العربية من تحت من الطينة والتراب والذي منة .... هل ده كل 6 شهور؟ مش شايف إنها مدة طويلة؟ كمان في حاجات زي تراب وظلط رفيع وطينة بتدخل في المساعدين والعفشة وأكيد بتتحتاج تتغسل أول بأول؟؟؟

**mido777** · 05-05-2008 02:52 PM

انا فاهم قصدك يا ابو حميد

وعايز اقولك كمان ان عربيتى الحالية (كمان 25 يوم حتم عيد ميلادها الأول)
شحمتها مرة واحدة بس !!

وده علشان انا زى ما بيقولو ايدى فى العربية على طول ومش سايب فرصه للتراب والطينه انهم يكونوا ضيوف على العربية

وكل ويك اند بقضيه فى الفيلا بالكنج مريوط وهناك بحولها من فيلا الى محطة بنزين
وكل الأمكانيات متاحة
ده حتى انا جايب مسدس ميه زى اللى بيشتغله بيه فى البنزينة

**mido777** · 05-05-2008 02:56 PM

نسيت اقول كمان انى لما بغسها الغسيل العادى فى محطة البنزين
الولاد هناك عارفينى كويس جدا جدا(اعرفهم بقالى 8 سنوات تقريبا)
وبيعملوا الواجب مع العربية
غسيل بزمه بجد

**معاذ الشرباصى** · 05-05-2008 05:59 PM

كان مكتوب فى كتالوج العربية عندى, انك لو عايش فى منطقة ساحلية, لازم تغسل العربية من تحت كل فترة قصيرة, تقريبا مرة كل شهر لحد اما الشتاء يخلص, و مرة كمان بعد اما يخلص على الاقل

يا ريت تشوف مكتوب ايه فى كتالوج الياريس يا احد باشا بخصوص الموضوع ده

**chihab18** · 05-05-2008 11:33 PM

موضوع جديد وكويس فعلا بس ممكن نضيف للمبتئدين في شراء السيارات ارشادات عن اللي مفروض يعملوا في السيارة كل مده معينه بخصوص التشحيم ونظافه العربيه وتغيير الزيت ؛ وبقترح اننا نوضح الاسعار التقريبيه .

**goodwave** · 13-05-2008 11:07 AM

محمد باشا

ربنا يعزك ويبارك لك فيه ... وياعم نبقى نروح الكينج سوا والخير يبقى خيرين :) :) ربنا يكفيك شرها ويديك خيرها

معاذ باشا.... إية أخبار الإمتحانات؟ حبص على المانيوال وأقولك.
بس إية حكايتك مه الهاتش باك من بولو إلي سيريون... إنت ما حرمتش!:) إن شاء الله الطلعة القادمة جولف يا إما ميني كوبر:)

**معاذ الشرباصى** · 13-05-2008 11:13 AM

المشاركة الأصلية كتبت بواسطة goodwave

محمد باشا

ربنا يعزك ويبارك لك فيه ... وياعم نبقى نروح الكينج سوا والخير يبقى خيرين :) :) ربنا يكفيك شرها ويديك خيرها

معاذ باشا.... إية أخبار الإمتحانات؟ حبص على المانيوال وأقولك.
بس إية حكايتك مه الهاتش باك من بولو إلي سيريون... إنت ما حرمتش!:) إن شاء الله الطلعة القادمة جولف يا إما ميني كوبر:)

ربنا يخليك يا احمد باشا

و الله انا مبحبش غير الهاتشباك, و قليل اوى من العربيات السيدان

ربنا يوعدنا بجولف, انا مش طماع :D

**Karim_Monir** · 14-05-2008 12:03 PM

محمد متكترش عن شهرين عشان انت عايش قريب من البحر وده مش كويس على جسم العربية
الملح مع الرطوبة بيعملو شغل جامد
بس خللي الواد بتاع مسدس المية يخف الضغط شويتين عشان بياذي جسم العربية جامد لو عنيف

الموضوع: بتشحم عربيتك كل قد إية؟

LinkBack

أدوات الموضوع

عرض

بتشحم عربيتك كل قد إية؟ - انشر الموضوع فى :

-

-

-

-

-

-

-

-

المواضيع المتشابهه

عدلت فى عربيتك السيفيك من برة أو جوة؟ إنشر صور عربيتك.

๑۩۞۩๑ بتشحم عربيتك كل قد اى ؟ ๑۩۞۩๑

لون عربيتك ايه

دلع عربيتك

عربيتك ايه؟؟!!

الكلمات الدلالية لهذا الموضوع

المفضلات

المفضلات

ضوابط المشاركة