المشاركة الأصلية كتبت بواسطة hellboy
انا لسه خارج من التجربه دي كنت محتاج اغير مساعدين امامي وفضلت محتار جدا بين الجديد المونرو والاصلي الاستيراد لغايه مارحت من اسبوع لتاجر قطع غيار عندنا ودخل الولد اللي عنده جابلي جوز مساعدين جي ام اصلي حالتهم الظاهريه ماشاء الله تفرح خلصتهم علي 550ج وقلت لو عجبني شغلهم خير لو ماعجبونيش هركب المونرو جديد لانهم مش ممكن تبان حالتهم الا لما يركبوا ..والحمد لله ركبتهم وحلوين قوي ..المزايا كانت كالاتي..
-اصلي مصممين للعربيه
-سعرهم اقل من الجديد
-اخدت المساعدين باليايات والبطاحات
+احلي حاجه بقي عجباني اني وانا علي المطبات الصناعيه باسمع المساعد بيفسسس (تفريغ الهوا) هاهاهاها
وربنا كرمني بعفشجي ممتاز وبيشتغل ببلاش تخيلوا ركب ال2 شمعدان ب20ج طبعا مش مصدقين والله طلب 20ج وكنت حاطط في ايدي 10ج تيبس للصبي اديته 5 بس (مايصحش المعلم ياخد20 والواد ياخد10) ..بعدها بيومين روحتله في تغيير بلي العجله الامامي انتوا عارفين قد ايه مؤرف في فكه وتركيبه علي السره وكبسه علي مكبس عنده وفك الكوبلن يغيرله كاوتش واستخدم شحم من عنده ولجلش التيل وصنفر الطنبوره كل ده ب30ج فقط .الراجل ده اكتشاف وعلي فكره هو دبلوم صنايع قسم ميكانيكا سيارات ومثقف وبيدخل ع النت شغل عفشه وميكانيكا..طولت عليكم اصلي مش مصدق ان في لسه ناس كده,تحياتي