عرض للطباعة
بسم الله الرحمن الرحيم
انا عندى ساعة صغيرة كدة بتشتغل على 1.5 فولت....وكنت عاوز اشغلها فى العربية 12 فولت.....بس المشكلة بقا انا محتاج مقاومة كام اوم عشان تشتغل فى العربية وعشان اتفادى الامبير العالى بتاع العربية...؟ وهل فى حسبة معينة احسب كام اوم ؟؟؟؟
واحد صحبى معاه برضو ترمومتر 1.5 فولت وعاوز برضو يشغلو نعمل ايه......؟؟؟؟!!!!
ياريت الافادة عشان انا زعلان على الساعة اوى....:crying2:
انا معرفش مقاومة الساعة كام ولا كام امبير بصراحة....بس بتحتاج 1.5 فولت....
قيس المقاومة بأي أوم ميتر وأكتبهلنا وهقولك كام بالظبط
أوم أميتر وحطها على ال1.5 فولت وقولنا كام أمبير
تقريباً 2 كيلو اوم ،، او واحد و نص كيلو اوم يقومهالك :)
لأن الأمبير بتاع الساعة دي أكيد قليل ،، و للأسف الامبير بتاع العربية بيكون كبير للحاجات دي !!
سمسم الحاجات دي مينفعش بالتقريب عشان لا تطير ولا تدي قرايات غلطاقتباس:
المشاركة الأصلية كتبت بواسطة smsm_nabawy
2 كيلو ،، أو كيلو و نص ،، أستحالة يطيروا الساعة !
دانا مشغل ليداية على ال12 فولت بتاعت العربية بالاتنين كيلو دول !!
علشان كده حيكون صعب أنهم يطيروها ،، بس طبعاً عندك حق ،، أدينا مستنين القرايا يا يوكو ،، أنت مشاء الله عليك في الحاجات دي تمام ماشاء الله
ماهي مش هتطيرها بس ممكن تقلل التيار قوي فتبوظ الوقتاقتباس:
المشاركة الأصلية كتبت بواسطة smsm_nabawy
أما إني كويس في الكهربى فده لإني هندسة كهربى بس مش شاطر قوي في الإلكترونيكس للأسف وبحاول أقوي نفسي فيها إن شاء الله
أن شاء الله ربنا معاك ،، بجد بني آدم محترم جداً و من أكتر الناس الي اتعاملت معاهم في المنتدى و بحترم عقليتهم !!
انا بقا مش شاطر اوي لآني هندسو كيماوية !! فمليش اوي فيها !!
مينفعش مقاومات
لازم دايره تثبيت الجهد
ودى عن طريق موسفت
بيبقى طرف ارضى وطرف دخل وطرف خرج وده بيثبت الجهد عند الفولت اللى انت عاوزه زى موحد الزنير كده لو حد عارفه
لكن فولت العربيه مش ثابت ممكن 12 وسعات بيوصل ل 13 واكتر والمقاومه بتاخد الفولت وتقاوم جزء منه وتطلع الباقى يعنى لو نت ظابط المقاومه ان دخلها 12 فولت وتطلع 1.5 اول لما تدور العربيه والفولت يزيد فولت الخرج حيزيد برضه وكده الساعه حتطير
عموما رأى فيه ساعه ب 10 جنيه بتتحط على التابلوه ديجتال وشيك جدا
او لو مصمم على الساعه اللى عندك يبقى تعمل دائره تنظيم من اللى بقولك عليها ودى مش مكلفه فى حدود 5 جنيه او اكتر بسيط المهم تعرف رقم الموسفت اللى الخرج بتاعه 1.5 وتجيبه وتوصله صح
تمام إزاي نسيت الدائرة دياقتباس:
المشاركة الأصلية كتبت بواسطة misoalex
اقتباس:
المشاركة الأصلية كتبت بواسطة yoko
عادى يا يوكو كلنا بننسى :)
لو تعرف رقم الموسفت اللى بيطلع 1.5 فولت قوله انا اعرف اللى بيطلع 12 ثابت و 5 ثابت
بس فيه حاجه نسيت اقولها ان الدايره صغيره بس لازم مبرد كبير اقل حاجه 5سم * 5سم لتبريد الموسفت عشان ميتحرقش بسرعه
والمبرد ده عباره عن حتته المونيوم طبعا وفيه منها بيتباع جاهز عادى
والله أنا باور فمعرفش
وده موقع يساعد في حساب المقاومة كنت بأستخدمه زمان علشان الليدات
Ohm's Law Calculators
طيب أنا بابايا مهندس ألكترونيات ،، حسألوه و أرد عليكم ،، :)
بس انا مش عارف يا كيكو ،، أسأله عن أيه ،
انت قصدك آي سي ،، ولا مكثف ؟؟ ولا ايه ؟؟ :)) أنا بطييخة في أسماء الحاجات دي
ترانزستور يا سمسم هو ic بس ب 3 رجول اسمه موسفت
http://sar.myftp.org/upload/pic/mosfet.jpg
انت محتاج تعرف الساعة بتستهلك اد ايه من الامبير I=??
V=I*R
المعادلة الساسية لأي دايرة
Vin =12 v
I in =10a
و نات عايز
Vout = 1.5v
I out = ??
قولي التيار اللى محتاجه الساعة كام و انا هبعتلك الدايرة :36_1_37[1]:
والله ربنا يخليكوا يا رجالة...بص يا أخى الفاضل انا والله من ساعة لما حضرتك رديت على الموضوع و انا من ساعتها عمال ادور على الافوميتر و مش لاقيه خالص....بس مش مشكلة...انشاء الله هلاقيه و اقيس الامبير و المقاومة و اقول لحضرتك....
طيب دلوقتى لو انا عاوز اركب اى حاجة تانية غير الساعة لازم اقيس الامبير و المقاومة بتاعتها واستخدم قانون (اوم) و اضرب طرفين فى وسطين و اجيب المقاومة المطلوبة ؟؟؟؟؟؟ (معلشى بقا اصلى لسا فاكر قوانين الفيزياء بتاعت الثانوية....:E_braces[1]:....)